InfoHub Logo

بۇل تاسىلگە جالقاۋلار مەن ءتاتتى قۇمارلاردىڭ دا قاۋقارى جەتەدى...

شوكولاد جەڭىز، سەگىزدەن كەيىن كەشكى اس ءىشىڭىز جانە ءسىزدى ارتىق سالماقتان ارىلتاتىن باسقا دا جاعىمدى زاتتاردى جاساڭىز.

ارىقتاۋ ءۇشىن بار-جوعى مەتابوليزمدى جىلدامداتۋ كەرەك. مۇنداي ستەرەوتيپ ارتىق كەلىلەردەن ارىلۋدى ماقسات تۇتقاندار اراسىندا كەڭ تارالعان. جانە بۇل تەزيس ءىشىنارا شىندىققا ساي: اعزا تاعامدى ەنەرگياعا بەلسەندىرەك وندىرگەن سايىن، دەنە بەتىنەن ارتىق ماي قىرتىستارى تەزىرەك كەتەدى.

باسقا جاعىنان، زات الماسۋ — ءتيىمدى تۇزەتۋلەرگە بەرىلە بەرمەيتىن، كۇردەلى، اسا دەربەس جانە سوڭىنا دەيىن زەرتتەلمەگەن دۇنيە.

الايدا مەتابوليزمدى ۋاقىتشا جىلدامداتۋعا مۇمكىندىك بار.

1. قارا شوكولاد جەڭىز

قۇرامىندا كاكاوسى كوپ (70%-دان) شوكولاد سترەسسكە توتەپ بەرۋگە كومەكتەسەتىنى جايلى كوبى بىلەدى. الايدا بۇل شوكولاد پليتكاسىندا جاسىرىنعان بار سيقىر ەمەس ەكەن.

عالىمداردىڭ زەرتتەۋى بويىنشا، كۇندەلىكتى بۇل كاكاو-ونىمنىڭ 40 گراممىن جەيتىن بولسا — ەكى اپتادان كەيىن ءسىزدىڭ مەتابوليزمىڭىز ءبىرشاما جەدەلدەي تۇسەدى. بۇل جاسۋشالاردىڭ ينسۋلينگە سەزىمتالدىعىن قالىپقا كەلتىرۋ ەسەبىنەن بولادى. ناتيجەسىندە اعزا تاعامدى مايعا ەمەس، ەنەرگياعا بەلسەندىرەك وندىرەدى.

2. سپورتقا بارىنشا از ۋاقىت ءبولىڭىز

ءبىر ساعاتتىق جۇگىرۋ نەمەسە سول ۇزاقتىقتاعى قانداي دا ءبىر تەرەڭ ويلى يوگاعا قاراعاندا، 10-15 مينۋتتىق بەلسەندى جاتتىعۋ مەتابوليزمدى جەدەلدەتۋ تۇرعىسىنان تيىمدىرەك.

اقش-تا جوعارى قارقىندى ينتەرۆالدى جاتتىعۋلار بۇرىننان كەڭ تارالعان. بۇل جاتتىعۋلار جەلىسىندە ماكسيمالدى بەلسەندى قىسقا كەزەڭدەر ءدال سونداي قىسقا دەمالىس كەزەڭدەرىمەن الماسىپ وتىرادى.

20 رەت كەۋدەنى جەردەن تەز-تەز كوتەرەسىڭ — 20 سەكۋند دەمالاسىڭ — قايتا 20 رەت كەۋدەنى جەردەن كوتەرەسىڭ. ءبىر مينۋت بويى سەكىرگىشپەن ماكسيمالدى جىلدامدىقپەن سەكىرۋ — 15 سەكۋند دەمالىس — تاعى ءبىر مينۋت سەكىرۋ. كۇنىنە (ءتىپتى ەكى كۇندە ءبىر) وسىعان ۇقساس 4-5 اينالىم جاساسا، ەكى اپتادا زات الماسۋ ءبىرشاما جەدەلدەيدى.

جەدەلدەۋدىڭ ورىن الۋىنا بىرنەشە سەبەپ بار. سونىڭ ىشىندە، ليپيدتەر مەن گليۋكوزانىڭ ءسىڭىرىلۋى جاقسارادى — بۇلار سىڭىرىلمەي قالاتىن بولسا ماي قىرتىستارى تۇزىلەدى. سونىمەن قاتار، اعزا مايلاردى نەگىزگى كەتىرۋشى — وتتەگىنى كوبىرەك تۇتىنۋعا ۇيرەنەدى. سول سەبەپتى قىسقا، ءبىراق ينتەنسيۆتى جاتتۋعادان كەيىن كالوريالار شىعىنى كۇرت جانە ۇزاق ۋاقىتقا ارتادى (ەكى ساعاتتان ءبىر تاۋلىككە دەيىن). ايتپاقشى، وتتەگى جايلى...

3. تەرەڭىرەك دەمالىڭىز

كەيدە كەزەكتى ديەتا جايلى وقىپ، تەرەڭ دەمالعىڭ كەلەدى. جانە بۇل دۇرىس تا! تەرەڭ دەمالۋ — تاعام ۇلەسىن قاتاڭ شەكتەۋگە قاراعاندا (جالپى قاتاڭ ديەتا ارىقتاۋدان بۇرىن سالماق جيناۋعا يتەرمەلەيدى)، ارىقتاۋدىڭ تيىمدىرەك ءتاسىلى.

مۇنداعى لوگيكا قاراپايىم: تەرەڭىرەك دەمالعان سايىن قانعا كوبىرەك وتتەگى تۇسەدى جانە تاعامدى، ونىڭ ىشىندە مايلار مەن قانتتى ەنەرگياعا ءوندىرۋ پروسەسى بەلسەندىرەك جۇرەدى.

4. سۋىق سۋ ءىشىڭىز

ءار ارىقتاپ جۇرگەن ادام ەستىگەن بولار: ەگەر تاماققا وتىراردان 20-30 مينۋت بۇرىن ءبىر ستاقان سۋ ىشسە، ازىراق تاماق جەيسىڭ. ءبىراق ەگەر توڭازىتقىشتان الىنعان سۋ ىشسە اسەرى ەكى ەسە بولاتىنىن بىلگەن بە ەدىڭىز؟

سۋىق سۋ اسقازاندى تولتىرىپ قانا قويماي (دەمەك ءسىز ءوزىڭىزدى تويىپ تۇرعانداي سەزىنەسىز)، اعزانى جىلىتۋ ءۇشىن ارتىق كالوريا جۇمساۋعا يتەرمەلەيدى. جارتى ليتر سۋىق سۋ ىشسەڭىز مەتابوليزم جىلدامدىعى 30%-عا ارتادى. ياعني اعزاڭىز جىلىعانشا.

5. ۇيىقتار الدىندا تاماقتانىڭىز

ارتىق سالماقتان ارىلعىسى كەلەتىن نەمەسە سالماعىن ۇستاپ تۇرعىسى كەلەتىندەر ءۇشىن بۇل ەرسى ەستىلەدى. ءبىراق فلوريدا ۋنيۆەرسيتەتىنىڭ عالىمدارى انىقتاعان ەكەن: ۇيىقتار الدىنداعى جەڭىل تىسكەباسار تۇنگى زات الماسۋدى جاقسارتا الادى، ونىڭ ىشىندە مايلاردى ءوندىرۋدى جەدەلدەتەدى.

زەرتتەۋلەر سەمىزدىكتەن زارداپ شەگەتىن ەرلەردىڭ قاتىسۋىمەن وتكەن، جانە، ارينە، ورتاشا ستاتيستيكالىق ادامدار اراسىندا قايتا تەكسەرۋدى قاجەت ەتەدى، الايدا زەرتتەۋ ناتيجەلەرىن نازارعا الۋ ارتىق ەتپەيدى.

ءيا! بۇل ماتىندەگى جەڭىل تىسكەباسار — بۇل 150 ككال-دان اسپايتىن، اقۋىزى باسىم پورسيا.

6. ۇيقىڭىز قانىق بولسىن

ۇيقى جەتىسپەۋشىلىك — مەتابوليزمنىڭ باسەڭدەۋىنە جانە سالماق قوسۋعا تۋرا جول. ونىڭ ىشىندە، ۇيقىنىڭ قانباۋى تابەت پەن ەنەرگيا تۇتىنۋدى رەتتەيتىن ماڭىزدى گارمون — لەپتين دەڭگەيىن كۇرت تۇسىرەدى.

ءوز زات الماسۋىڭىزعا كەدەرگى كەلتىرمەس ءۇشىن ءاردايىم جانە تيىسىنشە ۇيقىڭىزدى قاندىرىپ ءجۇرىڭىز. ەسىڭىزدە بولسىن: سالماقتى قالىپقا كەلتىرۋ جولىندا جۇيەلى جاتتىعۋلار مەن ۇيلەستىرىلگەن راسيونعا قاراعاندا، ۇيقىنىڭ ماڭىزى زور.

---