2025 جىلعا دەيىن 800 جاڭا مەكتەپ سالىنادى
2025 جىلعا دەيىن ەلىمىزدە 800 جاڭا مەكتەپ سالىنادى. بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«كەلەسى ماڭىزدى باعىت — ينفراقۇرىلىم. بولجامعا سۇيەنسەك، 2025 جىلعا قاراي ورىن تاپشىلىعى 500 مىڭعا جۋىق ورىندى قۇرايدى. بۇل تەك قانا مەكتەپتەردە. اتالعان پروبلەمالاردى شەشۋ ءۇشىن مەكتەپتەر مەملەكەت جانە جەكەمەنشىك تاراپىنان سالىناتىن بولادى. اتاپ ايتقاندا، 650 مىڭنان استام ورىنعا 800 جاڭا مەكتەپتى مەملەكەتتىك بيۋدجەت تاراپىنان جانە جەكە ينۆەستيسيا تارتۋ ارقىلى سالۋ جوسپارلاندى. وعان 876 ملرد تەڭگە بولىنەدى. ناتيجەسىندە 3 اۋىسىمدى مەكتەپتەر مەن ورىن تاپشىلىعى شەشىلىپ، اپاتتى مەكتەپتەردىڭ سانى ازايادى»، — دەدى 2025 جىلعا دەيىن قازاقستاندا ءبىلىم مەن عىلىمدى دامىتۋدىڭ مەملەكەتتىك باعدارلاماسىن تانىستىرعان اسحات ايماعامبەتوۆ.
بۇعان قوسا، ءمينيستردىڭ ايتۋىنشا، اۋىل مەكتەپتەرىن قولداۋ ءۇشىن «اۋىل — ەل بەسىگى» باعدارلاماسىمەن بايلانىستىرىلىپ، اۋىلداعى تىرەك مەكتەپتەر ءۇشىن 114 ينتەرنات سالۋعا 53 ملرد تەڭگە ءبولۋ جوسپارلانعان.
«بۇگىنگى كۇنى ەلىمىزدە 1879 مەكتەپتە مۇلدەم سپورت زالى جوق. وسىعان وراي وقۋشى سانى 150-دەن اساتىن بارلىق مەكتەپتە سپورت زال سالىنادى. وسى ماقساتتا 724 سپورت زالىن سالۋعا 80 ملرد تەڭگە ءبولىندى. جاڭا باعدارلاما اياسىندا بارلىق مەكتەپتەردى فيزيكا، حيميا، بيولوگيا پاندىك كابينەتتەرمەن تولىق قامتاماسىز ەتۋگە 100 ملرد تەڭگە، پاندىك كابينەتتەردى كومپيۋتەرلەرمەن قامتۋدى 100 پايىز جەتكىزۋ ءۇشىن 50 ملرد تەڭگە تاعى ءبولىنىپ وتىر. بۇل ماسەلەلەردىڭ جىلدار بويى شەشىلمەي كەلگەنىن اتاپ وتكىم كەلەدى جانە بۇل شىن مانىندە ءبىلىم سالاسى ءۇشىن وتە ۇلكەن جاقسى جاڭالىق»، — دەدى ول.
You Might Also Like
-
تۋعان جەر - اۋىلىم التىن بەسىگىم. تۋعان جەر. . . تۋعان ەل. . . وسى ەكى عانا سوزدە قانشاما ماعىنا، قانشاما وي جاتىر دەسەڭشى؟!ونىڭ ادام ومىرىندە الاتىن ەرەكشە، كيەلى ۇعىم. تۋعان جەردىڭ ءقادىرىن ءا...
-
ءقيىنشىلىق-بىزدىڭ ءپوزيتيۆتى كوڭىل-كۇيىمىز بەن جارقىن ءومىرىمىزدىڭ باسپالداعى ىسپەتتەس. ول-بويعا بەلگىسىز ءبىر كۇش بەرەر باستاماعا دەگەن ىنتا-ىقالاسىڭىز، جەڭىسكە جەتۋ جولىنداعى كىشىگىرىم دەمەۋ. سونى جە...
