شاعىن جيناقتالعان مەكتەپ پەداگوگتەرىنە ەڭبەكاقى تولەۋ جۇيەسى وزگەرتىلەدى
شاعىن جيناقتالعان مەكتەپ پەداگوگتەرىنە ەڭبەكاقى تولەۋ جۇيەسى وزگەرتىلەدى. بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
«تاعى ءبىر ماڭىزدى ماسەلە — قالالىق جانە اۋىلدىق مەكتەپ اراسىنداعى ءبىلىم ساپاسىنداعى الشاقتىقتى ازايتۋ. PISA دەرەكتەرى بويىنشا قازىرگى ۋاقىتتا الشاقتىق 1،5 جىلدى قۇرايدى. بۇل الشاقتىقتى قىسقارتۋ ءۇشىن كەشەندى شارالار قابىلداندى. ەڭ باستىسى بىلىكتى پەداگوگتەرمەن قامتاماسىز ەتۋ ءۇشىن شاعىن جيناقتالعان مەكتەپ پەداگوگتەرىنە ەڭبەكاقى تولەۋ جۇيەسى وزگەرتىلەدى جانە اۋىلدىق مەكتەپتەردى وقۋ ماتەريالدارىمەن، كومپيۋتەرلىك جابدىقتارمەن جانە سيفرلىق تەحنيكامەن، سيفرلىق رەسۋرستارمەن تولىعىمەن قامتيتىن بولامىز. بۇل ماقساتتا رەسپۋبليكالىق بيۋدجەتتەن 150 ملرد تەڭگە ارنايى قاراستىرىلىپ وتىر»، — دەدى 2025 جىلعا دەيىن قازاقستاندا ءبىلىم مەن عىلىمدى دامىتۋدىڭ مەملەكەتتىك باعدارلاماسىن تانىستىرعان اسحات ايماعامبەتوۆ.
ءمينيستردىڭ ايتۋىنشا، الەمدىك تاجىريبەگە سايكەس ءبىلىم ساپاسىن ارتتىرۋدا باقىلاۋدىڭ ورنى ەرەكشە. ەندى سىرتقى باقىلاۋ تەك قانا كەمشىلىكتى تابۋ ەمەس، ونىڭ الدىن الۋ جانە جويۋ ءۇشىن ادىستەمەلىك كومەك بەرۋگە باعىتتالاتىن بولادى.
«وسى تۇستا باقىلاۋدىڭ جاڭارتىلعان جاڭا جۇيەسىن ەنگىزەمىز. ۋنيۆەرسيتەتەرگە، كوللەدجدەرگە قويىلاتىن تالاپتاردى كۇشەيتەمىز دەپ ءتيىستى نورماتيۆتىك-قۇقىقتىق قۇجاتتاردى قابىلدايمىز»، — دەدى ول.
You Might Also Like
-
اياز اتانىڭ حايۋاناتتار باعىنان ءۇش مايمىلى قاشىپ كەتكەنگە ۇقسايدى: بىرەۋىن ءقازىر عانا جاڭا جىلدىق شىرشانىڭ استىنان تاۋىپ الىپتى، ەكىنشىسى تابىلماي جاتىر، ءۇشىنشى مايمىل وسى قۇتتىقتاۋدى وقىپ ك ۇلى...
-
ءبىلىم گرانتى ورتاشا العاندا 340-420 مىڭنان 900 مىڭ تەڭگەگە دەيىن وسىرىلەدى. بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
