قيىندىققا تاپ بولدىم دەپ قام جەمەڭىز
ءقيىنشىلىق-بىزدىڭ ءپوزيتيۆتى كوڭىل-كۇيىمىز بەن جارقىن ءومىرىمىزدىڭ باسپالداعى ىسپەتتەس. ول-بويعا بەلگىسىز ءبىر كۇش بەرەر باستاماعا دەگەن ىنتا-ىقالاسىڭىز، جەڭىسكە جەتۋ جولىنداعى كىشىگىرىم دەمەۋ. سونى جەڭۋ ارقىلى اۋىرتپاشىلىقتارعا تۇسپا-تۇس كەلەسىز. قيىندىقتاردىڭ دا ءومىرىمىزدى مانگە تولتىرار ەرەكشەلىكتەرى بار ەكەن. ەندەشە سوزىمە قۇلاق ءتۇرىڭىز:
كۇرمەۋى شەشىلمەس قيىندىق جوق! ەڭ باستىسى-سەرگەلدەڭگە تۇسكەن ساتتەردە جاساعان ىس-ارەكتتەرىڭىز بەن بايلامعا كەلۋىڭىز.
اۋىرتپالىققا تاپ بولدىم دەپ الاڭداماڭىز. ءاربىر قيىندىقتىڭ ارتىندا-كۇتپەگەن توسىنسىي دايار تۇرادى. ويىڭىزدى تۇجىرىمداپ، قيىندىقتى جەڭۋدىڭ جولىن ىزدەستىرىڭىز.
"سابىر ءتۇبى-سارى التىن" دەگەن. سابىرلىلىق تانىتۋ ارقىلى كەزدەسە كەتكەن اۋىرلىقتىڭ كىلتىن تاباسىز.
مانگە تولى بولاشاقتىڭ باستاۋ الاتىنىنا سەنىڭىز. ءومىرىڭىزدى ءتۇرلى-تۇستى بوياۋلارمەن تۇرلەنتكەن باقىتتى ءساتىڭىزدى ەسكە الىڭىز. مەيلى، ول جاقىندارىڭىزدىڭ جانىندا وتكىزگەن قىزىقتى ۋاقىت نە بولماسا ۇشى-قيىرى جوق ارمانىڭىزدىڭ ءبىر بەلەسى بولسىن، جاڭا يدەيالارىڭىزدى جۇزەگە اسىرۋعا تىرىسىڭىز. ءاربىر ەرەكشە سات-دەپرەسسيادان قۇتىلۋىڭىزعا وزىندىك سەپتىگىن تيگىزەدى.
ءبىرىنشى مىسال:
الەمدى شىتىرمان وقيعالارىمەن تامساندىرعان "روبينزون كرۋزو" اتتى تۋىندىمەن تانىس بولارسىز. وقيعادا بەلگىسىز ءبىر ارالعا تاپ بولعان جاننىڭ قيىندىقتارمەن كۇرەسكەنى جايىندا باياندالعان. كەيىپكەردىڭ پروتوتيپى-الەكساندر سيلكيرك اتتى شوتلاندىق مورياك. جازۋشى ونىڭ ومىرلىك تاريحىن نەگىزگە الا وتىرىپ، تاڭعاجايىپ روماندى جازعان. ەگەر روبينزون كرۋزو ارالدا 28 جىل عۇمىر كەشپەسە، ماڭگى وشپەيتىن ءىزى قالماس ەدى. كەيىپكەر ادام توزگىسىز اۋىرتپالىقتاردىڭ بارىنە توتەپ بەرىپ، بولاتتاي شىڭدالدى. وسى ارقىلى اعىلشىن جازۋشىسىنىڭ ەسىمى كۇللى جۇرتقا تانىلدى.
ەكىنشى مىسال:
الەمگە ايگىلى جيھانكەز حريستوفور كولۋمبتىڭ امەريكانى اشقانى جونىندە ءبىرى بىلسە، ءبىرى بىلە بەرمەس. اتلانت مۇحيتىن باسىپ ءوتىپ، ءۇندىستان مەن قىتايعا جول اشپاق بولعان كولۋمبتىڭ ەكسپەديسياسىن ءتۇرلى توسقاۋىلدار كۇتىپ تۇرعان بولاتىن. ال، ساياحاتشى قيىندىقتان ءوتىپ، امەريكانى اشتى. شەگى جوق مۇحيتتان ءدال وسىنداي عاجايىپ مەكەندى اشامىز دەگەن وي باستاپقىدا قيسىنسىز كورىنسە، كەيىننەن راستىعىنا كوز جەتكىزىلدى.
ءتۇيىن:ءبىر ەسىك جابىلسا، مىندەتتى تۇردە ەكىنشى ەسىك اشىلادى. قالاعانىمىزعا جەتۋ جولىندا ءبىر باعالىمىزدى جوعالتامىز. ەسەسىنە جاڭا جەتىستىكتەرمەن كەزدەسەمىز. بۇل-تاعدىردىڭ اينىماس شارتى. وسىنى تۇسىنە بىلگەنىمىز ءجون. . .
ارۋجان ساميدين
You Might Also Like
-
2025 جىلعا دەيىن ەلىمىزدە 800 جاڭا مەكتەپ سالىنادى. بۇل تۋرالى بۇگىن ۇكىمەت وتىرىسىندا ق ر ءبىلىم جانە عىلىم ءمينيسترى اسحات ايماعامبەتوۆ ايتتى.
-
... قارا جەردە قىلتىڭى جوق ءبىر ەلمىز، ءارى بيىك، ءارى كەڭبىز، تەرەڭبىز. ءانىمىز بار اسقاق جالاۋ سىقىلدى، كوتەرىلسە - تىك كوتەرەر جۇرتىمدى. ءبىز دۇنيەگە ماڭگىلىككە كەلگەنبىز.
