ۇلتتىق قوردان بالاعا تۇسكەن اقشانى قايدان تەكسەرىپ وتىرۋعا بولادى
قارجى مينيسترلىگىنىڭ بيۋدجەتتىك كرەديتتەۋ، ۇلتتىق قور جانە قارجى سەكتورى ماسەلەلەرى جونىندەگى ءوزارا ءىس-قيمىل دەپارتامەنتىنىڭ ديرەكتورى ايبول ارعىنعازين ۇلتتىق قوردان بالاسىنا اقشا كۇتىپ جۇرگەن اتا-انالارعا ۇندەۋ جاسادى.
«ەڭ باستىسى، اتا-انالاردان ءوتىنىپ سۇرايتىنىمىز — بالالارىن جەكە قۇجاتتاندىرۋ ماسەلەسىنە ءجىتى نازار اۋدارىپ، سونى قاراسا. قانداي دا ءبىر سەبەپپەن قۇجاتتارى بولماي جاسا، سونى جاساتسا. ءتىپتى قانداي دا ءبىر ادامي فاكتورلاردىڭ سەبەبىنەن ازاماتتاردىڭ مالىمەتى بازادان ءتۇسىپ قالعان جاعداي بولسا، ونداي كۇننىڭ وزىندە دە بالا قاراجاتسىز قالمايدى. مىسالى بيىل مالىمەتتەر بازاسىندا بولماي قالسا، كەلەسى جىلى وتكەن جىلدىڭ جىلدىڭ تولەمى قوسا اۋدارىلىپ وتىرادى. ونداي مۇمكىندىك كوزدەلگەن. سوندىقتان ەشبىر بالا ۇلتتىق قور قاراجاتىنان شەت قالمايدى»، — دەدى ايبول ارعىنعازينوۆ.
ونىڭ سوزىنشە، اتا-انالاردىڭ نەگىزگى تەكسەرەتىن ەكى كوزى بولادى.
«ءبىرىنشىسى — ەلەكتروندى ۇكىمەت پورتالى. ەكىنشىسى — ءبىرىڭعاي جيناقتاۋشى قورىنىڭ پورتالى. وسى ەكەۋىنىڭ دە ءموبيلدى قوسىمشاسىنان كورۋگە بولادى. مىسالى، بجزق-دا ول جەكە سايكەستەندىرۋ ءنومىرىن تەرۋ ارقىلى كورىنەتىن بولسا، ەلەكتروندى ۇكىمەت پورتالىندا ءاربىر اتا-انانىڭ جەكە كابينەتىندە كورىنىپ تۇرادى. قازىرگى كەزدە پرواكتيۆتى قىزمەتتىڭ ءتۇرى بار ەكەنىن بىلەسىزدەر. وندا اتا-انانىڭ بۇكىل بالالارى، ولاردىڭ قانداي مەكتەپكە باراتىنى، بالاباقشاداعى كەزەگى، دەنساۋلىعى تۋرالى بارلىق مالىمەتتەر شوعىرلاندىرىلعان. سونىڭ ىشىندە قوسىمشا ۇلتتىق قوردان جاسالاتىن تولەۋ تۋرالى مالىمەتتە بولادى. بۇل ينتەگراسيا ءقازىر كوزدەلگەن. جاڭا جىلدان باستاپ كورۋگە، تەكسەرۋگە بولادى»، — دەدى مينيسترلىك وكىلى.
You Might Also Like
-
وقۋ-اعارتۋ مينيسترلىگى قازاقستاندا فرانسۋز مەكتەپتەرىن اشۋ جوسپارىن جاريالادى.
-
برونح دەمىكپەسى — تىنىس جولدارىنىڭ ەڭ ءجيى كەزدەسەتىن اۋرۋى. سوزىلمالى وكپە اۋرۋى كەز كەلگەن جاستا بولۋى مۇمكىن. دەمىكپەنىڭ ەمى جوق، ءبىراق باقىلاۋعا بولادى. دۇنيەجۇزىلىك دەنساۋلىق ساقتاۋ ۇيىمى...
