InfoHub Logo

وسى اپتادا ايگىلى Apple كومپانياسىنىڭ بيىلعى جىلعى العاشقى پرەزەنتاسياسى ءوتتى. ءبىز سىزدەرگە سول ءىس-شاراداعى ەڭ ماڭىزدى دەگەن اقپاراتتاردى اتاپ وتپەكپىز.

 

iPad 2018

27 ناۋرىزدا استانا ۋاقىتىمەن ساعات 21:00  Apple پرەزەنتاسياسى باستالدى. پرەزەنتاسيانىڭ باستى جاڭالىعى -  قولجەتىمدى جاڭا iPad. بۇل پلانشەت Apple Pencil - مەن بىرگە تىركەسكەن. ياعني پلانشەت Apple قارىنداشىمەن بىرگە جۇمىس ىستەيدى. ءسىز جاڭا iPad ساتىپ العاندا ونى دا بىرگە ساتىپ الاسىز. الدىن الا حابارلانعانداي بۇل پلانشەت ءبىلىم سالاسىنداعى ادامدارعا ياعني وقۋشىلارعا، مۇعالىمدەرگە، ستۋدەنتتەرگە ارنالعان. دەگەنمەن اتالمىش  Apple ءونىمى تەك ءبىلىم بەرۋ سالاسىنداعى ادامدارعا عانا ارنالىپ، باسقا ادامدار قولدانا المايدى دەگەن ءسوز ەمەس. بۇرىنعى پلانشەتتەن ايىرماشىلىعى باعاسى مەن ءبىرقاتار قوسىمشالار ەنگىزىلگەندىگى عانا.

پلانشەت ديسپلەيىنىڭ  ديوگونالى 9،7 ديۋم. جاڭا قۇرىلعىنىڭ سىرتقى ديزاينى وتكەن جىلعى iPad 2017 -دەن ەشقانداي ايىرماشىلىعى جوق.

پلانشەتتىڭ اپپاراتتىق نەگىزىن A10 Fusion پروسەسسورى قۇرايدى. جاڭا پلانشەتتىڭ نەگىزگى كامەراسى 8 مپ. ول ۆيدەونى Full HD فورماتىندا تۇسىرۋگە مۇمكىندىك بەرەدى. سونداي-اق  باتەرەياسى كۇنى بويىنا (جۇمىس ۋاقىتى 10 ساعات) جەتەدى. iPad سالماعى 500 گراممعا دا جەتپەيدى. ال قالىڭدىعى 7،5 مم. پلانشەت ءۇش تۇستە: "كۇمىس عارىش"، كۇمىس تۇستەس جانە التىن تۇستەس.

قازىرگى ۋاقىتتا جاڭا iPad ساتىلىمعا شىققان. اقش-تاعى باعا بويىنشا جاڭا iPad وقۋشىلارعا $299 بولسا، باسقا تۇتىنۋشىلارعا $329.  ال قارىنداش - $49.

جاڭارتىلعان iWork  

سونداي-اق اpple كومپانياسى ءىس-شارادا iWork وفيستىك قوسىمشالار پاكەتىن جاڭارتقاندىعىن مالىمدەدى. قوسىمشاعا ەنگىزىلگەن جاڭا فۋنكسيالار Apple Pencil-مەن جۇمىس ىستەيدى. اسىرەسە، Apple قارىنداشىنىڭ كومەگىمەن قۇجاتتارعا سۋرەتتەر مەن تۇسىندىرمەلەر قوسۋ جەڭىل تۇردە ىسكە اسادى. سونىڭ ارقاسىندا سۋرەتتەردى Pages-كە، Keynote-قا ءتىپتى Numbers-كە دە قوسا الاسىز. iWork پاكەتى - Microsoft كومپانياسىنىڭ Office پروگراممالار جيناعىنىڭ تەگىن انالوگى. iWork پاكەتىنە Pages (Microsoft Word-قا ۇقساس)، Keynote (Power Point-قا ۇقساس)، Numbers (MS Excel-گە ۇقساس) باعدارلامالارى كىرەدى. سونداي-اق GarageBand جانە Clips قوسىمشالارى دا جاڭارتىلعان.

ءبىلىم سالاسىنا ارنالعان جاڭا قوسىمشالار

پرەزەنتاسيا بارىسىندا Apple كومپانياسى ءبىلىم بەرۋ سالاسىنا ارنالىپ، جاسالىنىپ جاتقان قوسىمشالاردى اتاپ ءوتتى. ولار: Classroom، Schoolwork جانە Apple School Manager. بۇل قوسىمشالاردىڭ ارقاسىندا مۇعالىمدەر، وقۋشىلاردىڭ ۇلگەرىم دەڭگەيىن ءداستۇرلى ادىسپەن ەمەس، Mac كومپيۋتەرى مەن iPad پلانشەتى ارقاسىندا باقىلاي الادى.

Classroom - ساندىق (سيفرلىق) مەكتەپ جۋرنالى رەتىندە قولدانىلادى. ونىڭ كومەگىمەن مۇعالىمدەر وقۋشىلاردىڭ ساباققا قاتىسۋىن باقىلاپ، ەسكەرتپە دە جاسايدى. سونىمەن قاتار وقۋشىلارمەن ءوزارا حات جازىسا دا الادى.

Schoolwork - مۇعالىمدەر مەن وقۋشىلارعا ارنالعان امبەباپ قوسىمشا. ونىڭ امبەباپتىعى مۇعالىمدەر قوسىمشا ارقىلى تاپسىرمالاردى بەرىپ، ال وقۋشىلار ونى الا الادى. تاپسىرمانى ورىنداۋ، ونى مۇعالىمگە وتكىزۋ جانە  تاپسىرمانى تەكسەرۋ پروسەستەرىنىڭ ءبارى دەرلىك قوسىمشادا جۇزەگە اسىرىلادى.

Apple School Manager - قوسىمشالاردى باسقاراتىن قوسىمشا. ول مەكتەپتەرگە بىرنەشە قۇرىلعىلاردى جانە Apple ID ەسەپتىك جازباسىن قاشىقتىقتان باسقارۋعا مۇمكىندىك بەرەدى. Apple ID وقۋشىنىڭ قاي قوسىمشالاردى ورناتقانىن جانە قاي سايتتارعا ءجيى كىرەتىنىن باقىلايدى. بۇل قوسىمشا تەك ءبىلىم بەرۋ مەكەمەلەرىنە عانا قولجەتىمدى.

جوعارىدا جازىلعان قوسىمشالار  وسى جازدا دايىن بولادى. نەگە جازدا؟ نەگە كوكتەمدە ەمەس دەسەك، بۇنىڭ ءمانى وسى جازدا Apple بۇكىل الەمنەن ۇزدىك باعدارلامالاۋشىلاردى ءبىر جەرگە توعىستىراتىن WWDC 18 كونفەرەنسياسى وتەدى.

سونىمەن قاتار اتاپ وتەرلىك تاعى ءبىر ماڭىزدى اقپارات بۇل - Apple Teacher. Apple Teacher - مۇعالىمدەردى وقىتۋعا ارنالعان جاڭا سەرۆيس. بۇل جايلى كومپانيانىڭ رەسمي سايتىنداعى ءتيىستى بولىمنەن تانىسۋعا بولادى. (appleteacher.apple.com)

ايتا كەتەيىك اتالعان بارلىق قوسىمشالار ClassKit ارقىلى جۇمىس جاسايدى. ولاردىڭ ءبارى  ماكسيمالدى ءتيىمدى جۇمىس ىستەۋ ءۇشىن بىر-بىرىمەن تەرەڭ بىرىكتىرىلگەن.

200 گب  

ءبىلىم سالاسىنا ارنالعان ونىمدەر ۇسىنىلعان ءىس-شارا بارىسىندا Apple بارلىق ستۋدەنتتەر مەن وقىتۋشىلارعا iCloud-تىڭ قوسىمشا كەڭىستىگىندە 200 گب تەگىن بونۋس بەرۋگە ۋادە ەتتى. بۇل ناۋقان مامىر ايىندا باستالادى. وعان دەيىن ءساۋىر ايىندا بۇل تۋرالى تولىعىراق مالىمەت بەرمەك. وسى جەردە ايتا كەتسەك، ادەتتە قاراپايىم تۇتىنۋشىلارعا iCloud كەڭىستىگىنەن تەك 5گب عانا بەرىلەدى.

پرەزەنتاسيا جايلى بىرەر اقپارات

16 - ناۋرىزدا Apple كومپانياسىنىڭ 27-ناۋرىزدا پرەزەنتاسيا وتكىزەتىندىگى مالىمدەلدى.

ادەتتە Apple -دىڭ ءىس-شارالارى ستيۆ دجوبستىڭ اتىنداعى تەاتردا وتەتىن. بۇل جولى چيكاگوداعى مەكتەپتەردىڭ بىرىندە بولدى.

پرەزەنتاسيا چيكاگودا تاڭعى 9:00، ال بىزدە استانا ۋاقىتىمەن كەشكى 21:00 باستالدى.

پرەزەنتاسيا نەبارى ءبىر ساعاتقا عانا سوزىلدى. سەبەبى  ۋاقىت شەكتەۋلى بولدى.

بۇل پرەزەنتاسيادا نە تانىستىراتىنى سوڭعى مەرزىمگە دەيىن قۇپيا بولدى. ءبىراق الدىن-الا بولجامدار ايتىلدى. سول بولجامدار بويىنشا كومپانيا iPhone SE، Mac تانىستىرۋى مۇمكىن دەلىنگەن ەدى. جوعارىدا جازىلعان پرەزەنتاسياداعى اقپاراتتتارعا قاراپ، مۇنداي جاڭالىقتاردى كۇتپەگەندىگىن اڭعارامىز.

Apple پرەزەنتاسياسى وتكەن عيمارات

قانيا تابىس

---