InfoHub Logo

سوڭعى جىلدارى قورشاعان ورتاداعى قوقىس جايلى ماسەلە ءجيى قوزعالىپ ءجۇر. ءبىراق ونىڭ ءقاۋپى ازايار ەمەس، ادامدار بۇرىنعىداي پلاستيك بوتەلكەلەردى كورىنگەن جەرگە لاقتىرىپ كەتىپ جاتىر. كاليفورنيالىق 7-جاسار بالا رايان حيكمان جاعدايدى وزگەرتىپ، باسقالارعا ۇلگى بولۋ ءۇشىن قوقىستاردى وڭدەيتىن ءوزىنىڭ كومپانياسىن قۇردى.

ءبارى راياننىڭ 3 جاسىنان، اكەسى ەكەۋى جيناي العاندارىنشا پلاستيك بوتەلكەلەردى جيناپ، وتكىزۋ تۋرالى شەشىم قابىلداعان ساتتەن باستالدى. سول كەزدە رايان ءوزىنىڭ العاشقى بىرنەشە دوللار ەڭبەكاقىسىن العان. بۇل وعان قاتتى اسەر ەتىپ، اكەسىنە قوقىستاردى ءجيى جيناپ، سۇرىپتاپ وتىرۋعا ءوتىنىش ايتتى. سودان بەرى رايان حيكمان كوشەدە كورگەن ءار بوتەلكەنى اكەسىنىڭ كولىگىنە تاسىپ، جيناي بەردى. سودان كەيىن ولار جينالعان قوقىستاردى قايتا وڭدەۋ ورتالىعىنا اپارىپ، وتكىزەتىن.

7 جاسقا كەلگەندە رايان حيكمان ەكىنشى شيكىزاتتى جيناپ، تازالاپ جانە سۇرىپتايتىن جەكە فيرماسىن قۇرماق بولدى. ونى «Ryan’s Recycling Company» دەپ اتادى. اۋەلى رايان اكەسى ەكەۋى كورشىلەرىنىڭ بارلىق قوقىستارىن جيناپ الدى دا، ولارعا قالعان قوقىستارىن قوقىس قاپشىعىنا جيناي بەرۋلەرىن ءوتىندى. بۇل ونىڭ العاشقى قادامى ەدى. ءقازىر «Ryan’s Recycling Company» 5 اۋداندا جۇمىس ىستەيدى. فيرمادا بار بولعانى 40 ادام ەڭبەك ەتەدى. ال قوقىستاردى سۇرىپتاپ، تازالاۋ حيكمانداردىڭ ءۇيىنىڭ ارتقى اۋلاسىندا جاسالادى. قازىرگى ۋاقىتتا سۇرىپتالىپ جانە تازالانعان قوقىس 20 توننادان استى!

قوقىستان وتكىزۋدەن تۇسكەن اقشانى رايان حيكمان قايىرىمدىلىققا جانە ءوزى وقىپ جۇرگەن كوللەدجگە جۇمسايدى. ءقازىر رايان قايىرىمدىلىق فۋتبولكالارىنىڭ جەكە جەلىسىن دە ۇيىمداستىردى. سونداي-اق، رايان حيكمان تەڭىز سۇتقورەكتىلەرىن قۇتقارۋدىڭ تىنىق مۇحيتى ورتالىعىنىڭ ەلشىسى بولىپ سايلاندى.

---