قازاقستاندا جەكە تاۋار وتكىزۋ ەرەجەلەرى قاتاڭدايدى
قازاقستاندا جەكە پايدالانۋعا ارنالعان تاۋارلاردى شەكارادان وتكىزۋ ءتارتىبى وزگەرەدى. ەندى ءبىرقاتار تاۋار تۇرلەرىنە شەكتەۋلەر ەنگىزىلىپ، ولاردى تەك جىلىنا ءبىر رەت قانا الىپ وتۋگە رۇقسات بەرىلەدى.
قارجى مينيسترلىگىنىڭ مالىمەتىنشە، ەگەر ازامات بەكىتىلگەن نورمادان اسىپ كەتسە، بۇل زاتتار كاسىپكەرلىك ماقساتتا اكەلىنگەن تاۋار رەتىندە ەسەپتەلەدى. مۇنداي جاعدايدا ولاردى كەدەندە دەكلاراسيالاۋ، ءارى سالىق تولەۋ مىندەتتى بولادى.
جاڭا شەكتەۋلەرگە سايكەس، جەكە تۇتىنۋعا جاتاتىن تاۋارلار كولەمى مىناداي:
- تەرى بۇيىمدارى (سونىڭ ىشىندە باس كيىمدەر) — ءبىر ادامعا ءبىر فاسون، ولشەم مەن اتاۋدا تەك 1 دانا؛
- ۇيالى تەلەفون — 2 داناعا دەيىن؛
- پلانشەت — 2 داناعا دەيىن؛
- نوۋتبۋك، نەتبۋك جانە كەرەك-جاراقتارى — تەك 1 دانا؛
- زەرگەرلىك بۇيىمدار — 5 داناعا دەيىن؛
- ۆەلوسيپەد — 1 دانا؛
- بالالار ارباسى — 1 دانا.
مامانداردىڭ ايتۋىنشا، بۇل شارا كونتراباندالىق تاسىمالدى ازايتۋ جانە كولەڭكەلى ساۋدانىڭ جولىن كەسۋ ماقساتىندا قولعا الىنعان.
You Might Also Like
-
شەشەنستان پرەزيدەنتىنىڭ 17 جاستاعى ۇلى ادام قادىروۆ ىشكى ىستەر مينيسترلىگىنىڭ كۋراتورى بولىپ تاعايىندالدى،دەپ حابارلايدى Infohub.kz.
-
الماتى قالاسىندا بەلگىلى ساياسي تۇلعا، ەكس-ماجىلىس ءتوراعاسى نۇرلان ءنىعماتۋليننىڭ ۇلكەن ۇلى نۇرجان نۇرلانوۆتىڭ ۇستىنەن قىلمىستىق ءىس قوزعالدى. تەرگەۋ ورگاندارى سوتقا دەيىنگى تەرگەۋ امالدارىن جۇرگىزىپ ...
