ادامزاتتى بولاشاقتا نە كۇتىپ تۇر؟
ادام بالاسى ۋاقىت وتكەن سايىن،ەۆوليۋسيالىق جولمەن دامىپ كەلەدى. وركەنيەت وزىق تەحنولوگيامەن وركەندەگەنى سونشالىقتى، ءقازىر «ادامزاتتى بولاشاقتا نە كۇتىپ تۇر؟» دەگەن سۇراققا ويلانا باستادىم.
3ء-شى سىنىپ وقۋشىسى كەزىمدە ۇيالى تەلەفوننان العاش رەت ديكتوفوندى كورىپ تاڭقالعان بولاتىنمىن. ادامنىڭ داۋىسى، باسقا دا جەرلەرگە سول كۇيىندە جازىلاتىنى مەن ءۇشىن اقىلعا سيىمسىز بولىپ كورىنگەن.جاسىمنىڭ كىشىلىگە مە،ءوزىمنىڭ قاراڭعىلىعىم با ،ايتەۋىر عىلىمنىڭ ەڭ ۇزدىك جەتىستىگى وسى شىعار دەگەن ويدا بولدىم. ول ۋاقىتتان بەرى عىلىم مەن تەحنيكانىڭ قالاي دامىعانىنا ءوزىمىز دە كۋامىز. ماسەلەن، اعىلشىن عالىمى -دجون ۋوتكينس 1900 جىلى: «100 جىلدان كەيىن بولمەنىڭ بۇرىشىنا ورناتىلاتىن شاعىن قۇرىلعى ارقىلى نۇكتەنى باسىپ، تەمپەراتۋرانى وزگەرتىپ وتىرۋعا بولادى.رەتتەگىش نۇكتە ءۇيدى جىلىتادى نەمەسە باسقا نۇكتەنى باسىپ سۋىتۋعا بولاتىنداي مۇمكىندىك بەرەدى"،-دەگەن. دجون ۋوتكينس مۇنىڭ قانداي قۇرىلعى بولاتىنىنا كوزىن جەتكىزە الماعان. ءبىراق،ونىڭ كونديسيونەر ەكەنىن بىردەن-اق بىلەمىز.جاز بولسىن،مەيلى قىس بولسىن بەلگىلى بولمەنىڭ تەمپەراتۋراسىن ءاپ ساتتە وزگەرتۋىمىزگە بولادى.
سول سەبەپتەن دە ءتۇرلى جاڭالىقتارعا تاڭ قالاتىنداي زامان ەمەس.مەنىڭ ويىمشا بولاشاقتا روبوتتار ادامداردى الماستىرادى.العاشقى روبوتتار ادامنىڭ قوزعالىسى مەن سىرت ءپىشىنىن عانا قايتالاسا،قازىرگى تاڭدا ولار ويىن-ساۋىق،ماقساتتارىندا پايدالانىلدى.قازىرگى كەزدە تۇرمىستاعى كوپتەگەن قىزمەتتەردى اتقاراتىن، قاداعالايتىن، مۇگەدەكتەر مەن سابيلەرگە كومەكشى، كوڭىلىن اۋلايتىن، ت.ب. روبوتتار جاسالىندى، ينتەللەكتۋالدىق روبوتتار دا پايدا بولا باستادى.
مىسالى،روبوت-جۋرناليستتەر. روبوت-جۋرناليستەر ءقازىردىڭ وزىندە باتىستىڭ كوپتەگەن ءىرى باسىلىمدارىندا جۇمىس ىستەيدى. ولار، اسىرەسە قارجى، سپورت سالالارىندا ستاتيستيكالىق دەرەكتەردىڭ ۇلكەن كولەمىن جەدەل وڭدەۋ ءۇشىن قاجەت. كەيبىر جاعدايلاردا، روبوتتار جۋرناليستەرگە ماتەريالدى جيناۋعا كومەكتەسەدى جانە قىزىقتى دەرەكتەردى قاراستىرادى.
مىسالى،
•Washington post بىرنەشە جىل بويى Heliograf اتتى جازۋ روبوتىن قولدانىپ كەلەدى. وسى ۋاقىتقا دەيىن روبوت مىڭداعان ماقالا جازعان.
•جاقىندا قىتايدىڭ «سينحۋا» اقپارات اگەنتتىگى الەمدە تۇڭعىش رەت جاڭالىقتار جۇرگىزەتىن روبوتتى ۇسىندى. ۆيرتۋال جۇرگىزۋشىنىڭ دەبيۋتى چجەسزيان پروۆينسياسىنداعى ينتەرنەت بويىنشا دۇنيەجۇزىلىك كونفەرەنسيادا ءوتتى.
جالپى روبوتتاردى پايدالانۋ جۋرناليستيكاعا ۇلكەن كومەك. الايدا روبوت-جۋرناليست تەز جانە كولەمدى جازا العانىمەن تەرەڭ ءارى جۇيەلى تالداۋ جاساي المايدى، ماتەريالداردىڭ ساپاسى تومەندەۋى مۇمكىن دەپ ويلايمىن،جانە روبوتتىڭ كومەگىمەن جازىلعان ماقالانىڭ رەيتينگى الدەقايدا تومەن. سول سەبەپتەن دە وقىرماندار ،روبوت-جۋرناليستتەر جازعان ماقالانى وقيدى دەپ ويلامايمىن. مۇمكىن، وقىرمان روبوتقا اينالسا عانا اۋديتوريا ولارعا سەنەتىن شىعار دەگەن وي كەلەدى.
مەديكتەردى ۇيرەتەتىن روبوتتار.
روبوتتاردىڭ قاجەتتىلىگى مەديسينا سالاسىنادا دا ايقىن كورىنە باستادى. كوپتەگەن دارىگەرلەر روبوت تۇرىندەگى ناۋقاستار ارقىلى ارنايى جاتتىعۋلار جاسايدى ەكەن. سەبەبى،كەيبىر مەديسينالىق روبوتتاردىڭ بويى دا، ءجۇزى دە كادىمگى اداعا ۇقسايدى.
پوليسيانى جاتتىقتىراتىن روبوتتار.
پوليسيا جاتتىعۋ كەزىندە بۇنداي روبوتتارعا وق اتا الادى. سول سەبەپتى، قۇرىشپەن قاپتالعان بۇل روبوتتار ناعىز قارۋ قولدانىلاتىن جاتتىعۋ كەزىندە ناقتى نىسان رەتىندە پايدالانىلادى.
سول سەبەپتى دە، سيفرلىق داۋىردەگى ەنگەن وزگەرىستەر ادام بالاسىنىڭ اقىلىنا سىيمايتىن دۇنيەلەردەن باستاپ، تاڭعاجايىپ جاڭالىقتارعا جول اشۋى ىقتيمال.
ورالبەكوۆا ديلناز داۋرەن قىزى
You Might Also Like
-
مۇحتار اۋەزوۆ - قازاق ادەبيەتىنەن ويىپ تۇرىپ ورىن العان جان. ونىڭ ەرەكشەلىگىن اڭىزعا اينالعان احمەت بايتۇرسىنوۆ اتامىز ءوز حاتىندا ايتىپ وتكەن:
-
ساياباق اۋماعىندا كوشە شامدارى جۇمىس ىستەۋىن توقتاتقان بولاتىن.
