مۇحتار اۋەزوۆ مۇراسى
مۇحتار اۋەزوۆ - قازاق ادەبيەتىنەن ويىپ تۇرىپ ورىن العان جان. ونىڭ ەرەكشەلىگىن اڭىزعا اينالعان احمەت بايتۇرسىنوۆ اتامىز ءوز حاتىندا ايتىپ وتكەن:
اشىلار قاشان بۇل قارا تۇنەك،
سوڭىمنان ەرگەن قۋاتتى ءبىر لەك،
ۇركەردەي شوعىر كەلە اتقان تۇيدەك.
ءمىرجاقىپ، ساكەن، ماعجان مەن مۇحتار،
بولسا ەكەن امان دەپ تىلەك تىلەپ.
مۇحتار اۋەزوۆتىڭ ءار شىعارماسى تۇنىپ تۇرعان دانالىق، فيلوسوفيالىق وي. ول كىسى شىنايى بولعان وقيعالاردى ادەبي سوزدەرمەن كوركەمدەي وتىرىپ حالقىنا جەتكىزگەن. سونداي شىعارمالارىنىڭ ءبىرى "قورعانسىزدىڭ كۇنى". بۇل تۋىندىنى وقىعان سايىن كوزگە ەرىكسىز جاس كەلەدى.
تۋىستاردىڭ مەيرىمسىزدىگى، جەتىم-جەسىردىڭ قايعىسى مەن شاراسىزدىعى، قالتايدىڭ ارام پيعىلى، اردان بەزگەن بولىس.
ءۇي ءىشى جىم-جىرت. بۇل ءۇيدىڭ جانى قارا جامىلعان ءۇش ايەل. ۇشەۋىنىڭ قايعى مۇڭى ورتاق. ول اجال. سۇم اجال ولاردىڭ سۇيەنىشتەرىن باقيلىققا الىپ كەتتى. . .
كەيۋانا مۇڭىن شاعىپ ەل اعاسى عوي كومەك قولىن سوزار دەگەن ۇمىتتە بولدى. بولىس قاريانى تۇسىنگەن، جانى اشىعان كەيىپ تانىتىپ وتىرعانىمەن، اقان اڭگىمە بويى جەمتىگىن كورگەن قۇزعىنداي ەكى كوزى عازيزادا بولدى. . .
عازيزانىڭ جان-دۇنيەسى الاي-دۇلەي، تابيعاتتا ونى تۇسىنگەندەي ۇلىعان بوران ۇدەي ءتۇستى. جاۋىزدىقتىڭ جاس قۇربانى قاسىرەتكە تولى ءومىرىنىڭ ازاپتى اق تۇتەگىنەن اداسىپ، ولىمگە بەت الدى.
قورعانسىزدىڭ كۇنى قاشاندا قورعانسىز، ولار ءاردايىم ادىلەتسىزدىك پەن وزبىرلىق قۇربانى. م. اۋەزوۆ قوعام باسىنا تۇسكەن وسى تراگەديانى شاعىن عانا اڭگىمەمەن جەتكىزسە دە، ونىڭ اۋقىمى وتە ۇلكەن. قاي ەلدە، قاي عاسىردا بولماسىن ءار زاماننىڭ ءوز اقانى، ءوز عازيزاسى بار.
وكىنىشكە وراي، قوي ۇستىنە بوزتارعاي جۇمىرتقالاعان قازىرگى كەزدە دە "قورعانسىزدىڭ كۇنى" سول باياعىداي. . .
ارۋجان بەكەت قىزى ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ 1 كۋرس ستۋدەنتى
You Might Also Like
-
تاريح ەستە قالاتىن ەرەكشە دۇنيە. تاريح قويناۋىندا جاتقان اشىلماعان دۇنيەلەر وتە كوپ. ءبىز ءۇشىن جۇمباق بولىپ، شەشىلۋى قيىن تۇيىندەي بولعان وقيعالاردى بولجاپ قانا ايتا الامىز. قازاق تاريحىنا ءۇڭىلىپ كو...
-
ادام بالاسى ۋاقىت وتكەن سايىن،ەۆوليۋسيالىق جولمەن دامىپ كەلەدى. وركەنيەت وزىق تەحنولوگيامەن وركەندەگەنى سونشالىقتى، ءقازىر «ادامزاتتى بولاشاقتا نە كۇتىپ تۇر؟» دەگەن سۇراققا ويلانا باستادىم.
