وزگە ءتىلدىڭ ءبارىن ءبىل، ءوز ءتىلىڭدى قۇرمەتتە
ابىلاي حان اتىنداعى قازاق حالىقارالىق قاتىناستار جانە الەم تىلدەرى ۋنيۆەرسيتەتىنىڭ
جۋرناليستيكا ماماندىعىنىڭ
2 كۋرس ستۋدەنتى جانالي اياجان
بۇگىندە قوعامدا كوتەرىلىپ جاتقان كوكەيكەستى ماسەلەلەردىڭ ءبىر تولقىنى - ءتىل تۋرالى بولىپ وتىر. وسىعان وراي، مەملەكەتىمىزدى جوعارى دەڭگەيدە، حالىقارالىق ارەناعا شىعارۋ ءۇشىن ۇشتىلدىلىكتى ەنگىزۋ - ەڭ نەگىزگى باستامالاردىڭ ءبىرى. ۇشتىلدىلىك بۇگىنگى زامان تالابى، تىنىسى. اعىلشىن، ورىس تىلدەرىن جەتىك مەڭگەرۋ - ءبىزدى بيىككە شىعاراتىن كۇش.
قازىرگى تاڭدا ۇشتىلدىلىككە ءوتۋ تولىعىمەن قولعا الىنىپ جاتىر. بالاباقشادان، ۋنيۆەرسيتەتكە دەيىن ورىس ءتىلى مەن اعىلشىن ءتىلىن ساپالى وقىتۋ جۇيەلەرى قالىپتاسقان. بۇل جولدا ۇرپاققا دۇرىس باستاما مەن باعىت-باعدار كورسەتۋ - بولاشاققا باستار العاشقى قادام.
قازاقستان - 130-دان اسا ۇلت وكىلدەرىنىڭ باسىن ءبىر شاڭىراققا جيناعان كوپ ۇلتتى مەملەكەت. شاڭىراعى بيىك، ىنتىماعى مەن بىرلىگى جاراسقان مەملەكەت بولۋ ءۇشىن، وزگەلەرگە دەگەن سىيلاستىعىمىز بەن قۇرمەتىمىزدى ءبىلدىرۋ ءۇشىن - ورىس ءتىلىن قوعامعا ەنگىزۋ، ونى ءبىلۋ ماڭىزدى. ال اعىلشىن ءتىلى - الەمدىك ءتىل. بۇل ءتىلدى ۇيرەنۋ- بىزگە عاجايىپ مۇمكىندىكتەر بەرەدى. راسىمەن دە، اعىلشىن، ورىس تىلدەرىن مەڭگەرۋ، ءتىپتى ءبىز بىلمەيتىن دۇنيەلەردىڭ جارىق كورۋىنە جول اشۋى دا مۇمكىن. الايدا، زامان تالابىنا ىلەسىپ ءجۇرىپ، وزگە ءتىلدى ۇيرەنىپ، انا ءتىلىمىزدىڭ مارتەبەسىن ءتۇسىرىپ المايمىز با؟ تۋعان ءتىلىمىزدىڭ ۇمىت قالماۋىنا كىم كەپىل؟ انا تىلىمىزگە دەگەن ماحابباتىمىز، سىي -قۇرمەتىمىز قانشالىقتى مىقتى؟ جۇرەگىمە ۋايىم ۇيالاتقان وسى سۇراقتار توڭىرەگىندە كوپ ويلاندىم، تولعاندىم. ەگەر انامىزدىڭ اق سۇتىمەن بويىمىزعا دارىعان ءتىلدى قادىرلەمەي، وزگە ءتىلدىڭ ەتەگىنەن جۇگىرسەك، وندا بۇل ۇلتتىق بولمىسىمىزدى ۇمىتقانمەن تەڭ. مەنىڭشە، وزگە ءتىلدى ۇيرەنۋ- ءوز تىلىمىزگە دەگەن ماحاببات پەن قۇرمەتتى نىعايتۋدان باستالۋ كەرەك. سوندا عانا ۇشتىلدىلىككە نىق قادام باسامىز.ۇلتتىق بولمىسى مەن ءوز جۇرتىن، ءتىلىن، ءدىنىن ۇمىتقان حالىقتىڭ الەمدە ابىرويلى بولۋى ەكىتالاي. سوندىقتان ۇشتىلدىلىككە كوشۋدى، تىلىمىزگە دەگەن قۇرمەتىمىزدى ارتتىرۋدان باستايىق. «وزگە ءتىلدىڭ - ءبارىن ءبىل، ءوز ءتىلىڭدى قۇرمەتتە»،- دەپ، ەل بولىپ، ءبىر اتانىڭ بالالارىنداي ءوز دامۋىمىزعا، جارقىن بولاشاعىمىزعا جول اشايىق. كەلەشەگىمىزدى كەمەل، بولاشاعىمىزدى جارقىن ەتۋ دە، ەلىمىزدى الەمگە پاش ەتۋ دە – ءوز قولىمىزدا!
You Might Also Like
-
تۋادى، تۋادى ءالى ناعىز اقىن، ناعىز اقىن بال مەن ۋ تامىزاتىن. جەسىردىڭ ايىرىلماس سىرلاسى بوپ، جەندەتتىڭ كوزىنەن جاس اعىزاتىن. م.ماقاتايەۆ
-
بولاشاقتا مۇلدەم جاڭا ماماندىقتارعا قاجەتتىلىك تۋادى. روبوتتار جۇمىس جاساي باستايدى . ءقازىر عىلىم گەندى ينجەنەريا مەن بيولوگيا سالاسىن دامىتۋ ءۇشىن جۇمىس ىستەۋدە . ءبىزدىڭ ماماندىقتار جاي...
