tengrinews.kz
«ايىپتادى، ءبىراق پوليسيا جىبەرىپ الدى». شەنەۋنىكتى قىزىن زورلادى دەپ ايىپتاعان قازاقستاندىق
باتىس قازاقستان وبلىسىندا ءىرى شەنەۋنىك كامەلەتكە تولماعان قىزدى زورلادى دەگەن ايىپ تاعىلدى. بۇل تۋرالى Tengrinews.kz سايتى «ۋرالسكايا نەدەليا» باسىلىمىنا سىلتەمە جاساپ حابارلايدى.
نە بولدى؟
وقيعا 2 قاڭتاردا بولعان. زارداپ شەككەن قىزدىڭ اكەسى 68 جاستاعى ەر ادامنىڭ كامەلەتكە تولماعان قىزىن الداپ ۇيىنە شاقىرىپ، وعان زورلىق كورسەتكەنىن ايتتى. اكەسىنىڭ سوزىنشە، ارىز تۇسىرىلگەننەن كەيىن كۇدىكتى ۇستالعان.
«ول ىستەگەنىن مويىندادى، قىزىم ونى تانىدى. ءبىراق پوليسيا ونى ۇيىنە جىبەردى. سودان كەيىن ماعان ودان قورقىتۋ حابارلامالارى كەلە باستادى»، - دەدى قىزدىڭ اكەسى.
ەر ادامنىڭ ايتۋىنشا، شىڭعىرلاۋ اۋداندىق پوليسيا ءبولىمىنىڭ قىزمەتكەرلەرى تاراپىنان ءتيىستى بەلسەندىلىكسىز تەرگەۋ جۇرگىزىلىپ جاتىر.
پوليسيا نە دەيدى؟
شىڭعىرلاۋ اۋداندىق پوليسيا بولىمىنەن حابارلاعانداي، ق ر قىلمىستىق كودەكسىنىڭ 120-بابى، 3-بولىگى، 1-تارماعى («كامەلەتكە تولماعاندى زورلاۋ») بويىنشا قىلمىستىق ءىس قوزعالعان. قازىرگى ۋاقىتتا قاجەتتى تەرگەۋ ارەكەتتەرى جۇرگىزىلىپ جاتىر.
«كۇدىكتىگە قاتىستى «قاماۋدا ۇستاۋ» بۇلتارتپاۋ شاراسىن قولدانۋ ماسەلەسى ءىس بويىنشا تەرگەۋ ارەكەتتەرىنىڭ كەشەنىن جۇرگىزگەننەن كەيىن شەشىلەدى»، - دەپ حابارلادى پوليسيا رەداكسيانىڭ ارەست جوقتىعىنىڭ سەبەپتەرى تۋرالى سۇراعىنا جاۋاپ بەرە وتىرىپ.
تەرگەۋ جالعاسۋدا.
ەستەرىڭىزگە سالا كەتەيىك، بۇعان دەيىن الماتى وبلىسىندا مەكتەپ وقۋشىسىنىڭ تۋىستارى سوتتالماعان ءتورت جىگىتتىڭ جاۋاپكەرشىلىگىن تالاپ ەتكەن بولاتىن. بۇل وقيعانىڭ ەگجەي-تەگجەيىن وسىندا وقۋعا بولادى.
-
Kazakhstan has seen a surge in demand for personalized license plates since their introduction، generating billions of tenge for the state.
-
قازاقستان بيلىگى 2026 جىلدىڭ ءبىرىنشى ايىندا ققس جيناۋ جوسپارىن ورىنداي المادى. ساراپشىلار بۇل جاعدايعا الاڭداۋشىلىق بىلدىرۋدە.
