InfoHub Logo

قازاقستانعا اركتيكالىق سۋىق كەلە جاتىر. الداعى كۇندەرى، 24، 25 جانە 26 اقپاندا ەل اۋماعىندا تەمپەراتۋرا كۇرت تومەندەپ، كەيبىر ايماقتاردا -40 گرادۋسقا دەيىن جەتۋى مۇمكىن.

بۇل تۋرالى Infohub.kz اقپارات اگەنتتىگى حابارلايدى.

ايازدىڭ بەتى

«قازگيدرومەتتىڭ» حابارلاۋىنشا، قازاقستاننىڭ باسىم بولىگىنە سولتۇستىك-باتىستان سۋىق انتيسيكلون ىقپال ەتەدى. بۇل جاۋىن-شاشىننىڭ توقتالۋىنا جانە تەمپەراتۋرانىڭ كۇرت تومەندەۋىنە اكەلەدى.

«تەك وڭتۇستىك وڭىرلەردە جاڭبىر تۇرىندە، كەيدە قاتتى جاۋىن-شاشىن كۇتىلەدى. سونداي-اق، جەل كۇشەيىپ، كوكتايعاق پەن تۇمان بايقالادى»، - دەپ مالىمدەدى سينوپتيكتەر.

تۇنگى ۋاقىتتا ەلىمىزدىڭ باتىس وبلىستارىندا اۋا تەمپەراتۋراسى 15-25 گرادۋس ايازدى قۇراسا، سولتۇستىك پەن ورتالىقتا 28-37 گرادۋس ايازعا دەيىن، شىعىستا 32-40 گرادۋس ايازعا دەيىن، ال وڭتۇستىكتە 0-10 گرادۋس اياز بولادى دەپ بولجانۋدا.

اقپاننىڭ توسىن سىيلارى

بۇعان دەيىن سينوپتيكتەر اقپان ايىندا قازاقستاندا اۋا رايى ادەتتەگىدەن جىلىراق بولاتىنىن، جاۋىن-شاشىن مولشەرى قالىپتى بولاتىنىن حابارلاعان ەدى. ەلىمىزدىڭ كوپ بولىگىندە ورتاشا تەمپەراتۋرا كليماتتىق نورمادان 1-2 گرادۋسقا جوعارى بولادى دەپ كۇتىلگەن بولاتىن.