«اجە» جانە «اتا»
اقتوبە وبلىسى شالقار قالاسى «№ 3 جوبب» كمم
4 سىنىپ وقۋشىسى بۇحاربايەۆ بەكنۇر ايبەك ۇلى
جەتەكشىسى جۇماعۇلوۆا ەلميرا اقىلبەك قىزى
مەن كىشكەنتايىمنان اتا-اجەممەن بىرگە تۇرىپ، قولىندا ءوستىم. ولار مەنى ادالدىققا، بىلىمگە قۇشتار بولۋعا ۇيرەتتى. اتام مەن اجەمنىڭ 3 نەمەرەسى بار. مەن ورتانشىسىمىن اتىم بۇحاربايەۆ بەكنۇر ايبەك ۇلى «№ 3 جوببم» كمم – دا وقيمىن. وتباسىمدا مەنەن بولەك ءبىر تاتەم جانە ءبىر ءىنىم بار. قارا شاڭىراعىمىزدىڭ اقىلشىسى،ارقا سۇيەرىمىز-اتام مەن اجەم، وتباسىندا اتامنىڭ ورنى بولەك. مەنىڭ اتامنىڭ اتى ابيمۋللا. ونىڭ جاسى ءقازىر 74 -تە. اتام ەل جۇرتقا سىيلى، قازاقي بولمىستى، بەدەلدى جان. شىرايى جارقىن، كەسەك ويلى، جانارى ءاردايىم جارىق جۇلدىزداي جانىپ تۇراتىن ونەگەلى ازامات، وزىنە عانا ءتان ۇتقىر دا، ۇشقىر ءسوز تۇرپاتى مەن اعايىننىڭ اقىلشى، قامقورشىسى بولا ءبىلۋ بولمىسىن بويىندا قاتار ۇشتاستىردى. ماعان مىنەزى كوركەم ادام كىم دەسە، بىردەن: ول مەنىڭ اتام، – دەر ەدىم. اتام كىتاپتى دا كوپ وقيتىن ادام. ول كوبىنە تاريحي شىعارمالاردى جانە ومىردەن الىنعان وقيعالارعا نەگىزدەلگەن شىعارمالاردى وقىعاندى جاقسى كورەدى. اتام جان-جاقتى ادام، ول بارلىعىنا ۇلگەرەدى. اتامنىڭ شىدامدىلىعى، مەيىرىمدىلىگى مەنى دە كوپ نارسەگە ۇيرەتتى. ءقازىر مەن سپورتپەن شۇعىلدانامىن. وسىنداي اتامنىڭ بارىنا مەن ۇلكەن ماقتانىشپەن قارايمىن.
مەنىڭ اجەمنىڭ اتى التىنكۇل. اجەم وتە مەيىرىمدى، اقكوڭىل جان. اجەمنىڭ ۇنەمى ءبىزدىڭ قاسىمىزدا بولعانىن قالايمىن جانە ءاردايىم ءبىزدىڭ جانىمىزدا. مۇڭايسام دا، قۋانسام دا اجەمە جەتكىزۋگە تىرىسامىن. اجەمدى مەيرامىمەن قۇتتىقتاسام، جادىراپ، ماسايراپ قالادى. اجەمنىڭ ۇلكەيگەن سايىن ءسال نارسەگە رەنجىپ قالاتىنىن بايقاپ ءجۇرمىن. سوندىقتان رەنجىتپەي، قۋانتۋعا تىرىسامىن. ساباقتان جاقسى باعا السام، سايىستاردان ورىن السام ءبىرىنشى اجەم ەستيدى. قۋانادى. مەنىڭ اجەم ەڭ تاماشا ادام. ونىڭ جاسى ءقازىر 62-دە. اجەم — اكەمنىڭ اناسى، مەنىڭ اقىلشىم. مەنىڭ اجەمنىڭ قولىنان كوپ نارسە كەلەدى. ونىڭ سۇيىكتى ءىسى — توقىما توقۋ. ول جاس كەزىنەن ءجۇن ءتۇتىپ، ۇرشىق ءيىرىپ، كەۋدەشە، قولعاپ، ت.ب. بۇيىمدار توقىپ ۇيرەنگەن. سونىمەن بىرگە ءىس تىككەندى دە جاقسى كورەدى. اجەمنىڭ سۇيىكتى تاماعى — قازاقشا ەت. ونىڭ ءيىسىن بۇرقىراتىپ ءوزى اسقاندى جاقسى كورەدى. سۇيىكتى سۋسىنى — قىمىز، شۇبات، شاي. كىشكەنتاي كەزىمدە وزگە اجەلەر سياقتى ماعان دا ەرتەگى ايتىپ ۇيىقتاتاتىن. بىزگە ءاردايىم اقىل-كەڭەسىن ايتىپ وتىرادى. مەن اجەمدى وتە جاقسى كورەمىن. اسىل اجەمە ۇزىق عۇمىر تىلەيمىن.
You Might Also Like
-
شىمكەنت قالاسى ءا.قاستەيەۆ اتىنداعى وڭتۇستىك قازاقستان ونەر جانە ديزاين كوللەدجى پەداگوگ-پسيحولوگ، قازاق ءتىلى مەن ادەبيەتى پاندەرىنىڭ وقىتۋشىسى جولىموۆا سۆەتا كامال قىزى
