ءال-فارابي اتىنداعى قازۇۋ - الەمنىڭ ەڭ ۇزدىك ۋنيۆەرسيتەتتەرى قاتارىندا
ءال-فارابي اتىنداعى قازاق ۇلتتىق ۋنيۆەرسيتەتى - قازاقستان رەسپۋبليكاسىنىڭ ەڭ الدىڭعى قاتارلى وقۋ ورنى بولىپ سانالادى. 1934 جىلى قۇرىلعاننان باستاپ وتاندىق عىلىم مەن جوعارى ءبىلىمنىڭ دامۋىنا ەلەۋلى ۇلەس قوسىپ، كاسىبي عىلىم مەن پەداگوگيكالىق مەكتەپتەردىڭ نەگىزىن قالادى. ۋنيۆەرسيتەتتىڭ ءاربىر تۇلەگى قوعامنان ءوز ورنىن تاۋىپ، ءوز ماماندىقتارىنىڭ كوشباسشىلارىنا، تانىمال ساياساتكەرلەرگە، جۋرناليستتەرگە جانە قوعامدىق قىزمەتكەرلەرگە اينالدى. مەملەكەت باسشىسىنىڭ ستراتەگيالىق باعىتىن جۇزەگە اسىرۋ بارىسىندا ۋنيۆەرسيتەت باسشىلىعى ءبىلىم بەرۋ سالاسىندا ايتارلىقتاي وزگەرىستەرگە قول جەتكىزدى.
بۇگىنگى تاڭدا ءال-فارابي اتىنداعى قازۇۋ ءبىلىم الۋشىلارعا الۋان ءتۇرلى ماماندىقتاردى ۇسىناتىن ءبىلىم مەن عىلىمنىڭ ورداسى. ۋنيۆەرسيتەت قۇرامىندا 16 فاكۋلتەت، 67 كافەدرا، 32 عىلىمي-زەرتتەۋ ينستيتۋتى مەن ورتالىقتار، تەحنوپارك قىزمەت اتقارادى: 2000-نان استام پروفەسسور، دوكتور، عىلىم كانديداتى مەن فيلوسوفيا دوكتورلارى، 100-دەن استام اكادەميالاردىڭ اكادەميكتەرى، 40-تان اسا قازاقستان رەسپۋبليكاسىنا ەڭبەك سىڭىرگەن قايراتكەرلەرى، 40-قا جۋىق قازاقستان رەسپۋبليكاسىنىڭ مەملەكەتتىك جانە اتاۋلى سىيلىعىنىڭ لاۋرەاتتارى، سونداي-اق 40 جاس عالىمدار سىيلىعىنىڭ لاۋرەاتتارى مەن 47 مەملەكەتتىك عىلىمي ستيپەنديالاردىڭ ستيپەنديانتتارى ەڭبەك ەتەدى. ۋنيۆەرسيتەتتە كاسىبي ءبىلىم بەرۋ كوپساتىلى جۇيەسى بويىنشا 25 مىڭنان استام ستۋدەنتتەر مەن ماگيسترانتتار ءبىلىم الۋدا. سونىمەن قاتار ۋنيۆەرسيتەت تاجىريبە جۇرگىزۋ مەن ستۋدەنتتەرمەن الماسۋدا جانە زاماناۋي حالىقارالىق ءبىلىم باعدارلامالارىن جۇزەگە اسىرۋدا الەمنىڭ ەڭ ءىرى 418 حالىقارالىق جوعارعى وقۋ ورنىمەن ىنتىماقتاستىق ورناتقان.
ءال-فارابي اتىنداعى قازۇۋ الەمدىك ۋنيۆەرسيتەتتەر اراسىندا ءوز بەدەلىن ارتتىرا تۇسۋدە. جاھانعا تانىمال QS World University Rankings حالىقارالىق رەيتينگىسىندە الەمنىڭ ەڭ ۇزدىك ۋنيۆەرسيتەتتەرى اراسىندا جۇيەلى تۇردە جوعارعى ورىندارعا جىل ساناپ جىلجىپ وتىرۋى ۋنيۆەرسيتەتتىڭ دۇرىس باعىتىن ايقىنداي تۇسەدى. 2020 جىلعى رەيتينگكە سايكەس قازۇۋ الەمنىڭ ەڭ ۇزدىك ۇنيۆەرسيتەتتەرى اراسىندا 207 ورىنعا ورنالاستى. تمد ەلدەرىنەن بۇل توپقا تەك لومونوسوۆ اتىنداعى ممۋ مەن ءال-فارابي اتىنداعى قازۇۋ ەنگەن.
QS World University Rankings - ءبىلىم جانە عىلىم سالاسىنداعى جەتىستىكتەردىڭ كورسەتكىشى بويىنشا الەمدىك ماڭىزى بار ەڭ ۇزدىك جوعارى وقۋ ورىندارىنىڭ رەيتينگىسىنە ىلەسە جۇرەتىن جاھاندىق زەرتتەۋ. اتالعان حالىقارالىق رەيتينگ بۇكىل الەمدە ءبىلىم ساپاسىن باعالاۋدىڭ تاماشا قۇرالى رەتىندە تانىلعان. رەيتينگ ناتيجەلەرى التى ينديكاتورعا نەگىزدەلەدى: عىلىمي زەرتتەۋلەر سالاسىنداعى بەدەلدىلىك؛ وقىتۋشىلار قۇرامىنىڭ ستۋدەنتتەر سانىنا قاتىناسى؛ جۇمىس بەرۋشىلەر اراسىنداعى ۋنيۆەرسيتەتتىڭ بەدەلى؛ دايەكسوز يندەكسى؛ شەتەلدىك ستۋدەنتتەردىڭ ۇلەسى جانە شەتەلدىك وقىتۋشىلاردىڭ ۇلەسى. QS World University Rankings حالىقارالىق رەيتينگىسى ۋنيۆەرسيتەتتەردىڭ ەڭ بەدەلدى حالىقارالىق رەيتينگتەرىنىڭ ۇشتىگىنە كىرەدى جانە بۇل تىزىمگە ەنۋ ۋنيۆەرسيتەتتىڭ جۇمىس ساپاسىن حالىقارالىق دارەجەدە مويىندالعانىن بىلدىرەدى.
دۇيسەمباي ۇلى ديدار - ءال-فارابي اتىنداعى قازاق ۇلتتىق ۋنيۆەرسيتەتىنىڭ 1-كۋرس ماگيسترانتى
عىلىمي جەتەكشىسى: ت.ع.د.، پpوفەccوp جapقىنبaەۆa P.C.
You Might Also Like
-
اقپان ايىنىڭ ءبىرىنشى جۇلدىزى. قىستىڭ ىزعارلى سۋىعىنان ۇيدەن شىقپايتىنمىن. ازاڭمەن ءتاتتى ۇيقىمدى شىرت ءبولىپ، ماۋجىراعان كۇيى ۇيقىلى وياۋ جۋىنىپ، ءوز-وزىمدى رەتكە كەلتىردىم. اس ۇيدەن شىققان انامنىڭ ءپىس...
