الاسارىپ اي باتقان،
اي باتقاندا، ايماققا،
جۇلدىز شوعىن جايناتقان.
اۋمايدى ءبىر قۇس جولى،
اقتارىلعان قايماقتان.
كوكجيەكتە تاۋلاردىڭ،
كوتەرىلسە تۇڭلىگى،
باۋرايدىڭ دا، بار ماڭنىڭ
كورىنەدى كىندىگى.
باستارىندا مۇزارتتىڭ،
اعاراڭدار سالدەسى.
تۇنگى ساپار ۇزاق تىم،
ءبىر قۇدايدىڭ اۋرەسى.
كوزىڭە ۇيقى بايلانىپ،
قالعىتادى ءبىر دەمدە.
ءتۇنى بويى اينالىپ،
جۇرگەندەيسىڭ ءبىر جەردە.
«ءشايى ورامال ءبىر بايلاپ...»
شىدامادىم، ءون سالدىم.
جۇلدىزدى اسپان تۇر جايناپ،
كەۋدەسىندەي مارشالدىڭ.

---