ايىعىپ كەلەم، ايىعىپ كەلەم بارىنەن.
ەمدەلىپ ءجۇرمىن، جاقسىلار بەرگەن دارىمەن.
مەن ءۇشىن ءومىر تارىلعان ەمەس، ءالى كەڭ،
كەڭىستىكتەرگە ساپارعا شىعام ءالى مەن.
ساۋىعىپ كەلەم، جيناپ تا كەلەم ەسىمدى.
ساعىنىپ قالدىم، سالامات ءومىر كەشۋدى.
تاعات تاپپاستان، تارتامىن العا كوشىمدى،
جانىپ بىتپەستەن جازباعان ماعان ءوشۋدى.
قيىن عوي
قيىن...كوشىڭدى جولعا دوعارعان،
جانا الماي بىقسىپ، وشاقتا وتىڭ جوعالعان،
جاعا الماي سونسەڭ جالىن مەن وتتى -
سول ارمان، جالىنداپ تۇرىپ،
ورتەنىپ كەتسەڭ، جوق ارمان!

---