InfoHub Logo

وڭتۇستىك قازاقستان وبلىسى ماقتارال اۋدانى اسىقاتا كەنتى  
«ءنازىر تورەقۇلوۆ اتىنداعى №121 جوم» كمم-نىڭ
6 «ا» سىنىپ وقۋشىسى ءابداشىم گۇلسايا

مەن ءابداشىم گۇلسايا وڭتۇستىك قازاقستان وبلىسى، ماقتارال اۋدانى، اسىقاتا كەنتىندە ورنالاسقان «ءنازىر تورەقۇلوۆ اتىنداعى №121 جالپى ورتا مەكتەبى» كمم-نىڭ 6 «ا» سىنىبىندا وقيمىن. بيىلعى وقۋ جىلىنىڭ 10 قىركۇيەگىندە ءبىزدىڭ مەكتەبىمىزگە نازىرتورەقۇلوۆ اتامىزدىڭ ەسىمى بەرىلىپ، مەكتەبىمىزگە قويىلعان ەسكەرتكىشىنىڭ رەسمي اشىلۋ سالتاناتى ەرەكشە تويلانىپ، اتاپ ءوتىلدى. مەكتەبىمىزگە بەرىلگەن ءنازىر تورەقۇلوۆ اتامىزدىڭ 125 جاسقا تولۋىنا وراي ۇستازدارىمىز وقۋشىلارمەن بىرگە اشىق ساباقتار ءوتىپ، كونسەرتتىك باعدارلامالار بەرىپ، ءنازىر اتامىز جايلى ءبىراز مالىمەتتەرمەن تانىستىردى. مەكتەبىمىز ىشىنەن اشىلعان ءنازىر اتامىزعا ارنالعان مۋزەيدى تاماشالادىق. ەندى مەن سىزدەرگە ءنازىر تورەقۇلوۆ اتامىز جايلى بار جيناعان مالىمەتتەرىمدى قىسقاشا ايتايىن.

ءنازىر تورەقۇلوۆ اتامىز 1892 جىلى قازان ايىندا تۇركىستان قالاسىنىڭ ىرگەسىندەگى ءقاندوز اۋىلىندا دۇنيەگە كەلىپ، 1937 جىلى 3 قاراشادا حالىق جاۋى دەگەن اتاق تاعىپ، اتۋ جازاسىنا كەسىلىپ قۇربان بولعان.

الاشتىڭ ارداقتى جازۋشىسى، پروفەسسور، عالىم، قازاقتان شىققان تۇڭعىش ديپلومات بولعان ءنازىر اتامىز قۇراندى جاتقا بىلگەن ەكەن. ول كىسى 7 ءتىلدى مەڭگەرىپ، سويلەگەندە جۇرت ءبىر قاتە تاپپايتىن كورىنەدى. ءنازىر اتامىزدىڭ اكەسى قازاق، اناسى تاجىك ۇلتىنان بولعان دەسەدى.

ءنازىر اتامىز بۇگىندە قازاق دالاسىنا تانىلعان ءبىر ۇلكەن بايتەرەك. ال، ءبىز سەكىلدى سانالى بالالار — سول بايتەرەكتىڭ جاپىراقتارى. بىزدەر سول جاپىراقتار ءوز اعاشىنان قانداي سۋىق جەل سوقسا دا، جاڭبىر جاۋسا دا ۇزىلمەسە جانە بايتەرەگىمىز ءوز جاپىراقتارىن ءارقاشان قولداپ، ودان ءارى جايقالسىن دەپ تىلەيمىز.

كۇندە مەكتەپ الدىنا كەلىپ، ساباققا كىرگەلى جاتقانىمدا ءنازىر اتامىزدىڭ ەسكەرتكىشىنە قاراعان سايىن ماعان كۇلىمدەپ تۇرعانداي كورىنەدى. سول الىپ ەسكەرتكىشكە كۇندە قاراپ ءجۇرىپ، ءنازىر اتاما دەگەن ارناۋ ولەڭىمدى ارنادىم.

تورەقۇلوۆ اتاما ارناۋ
تورەقۇلوۆ اتاما ارنادىم مەن،
شەتىنەن جەتى ءتىلدى تەرەڭ بىلگەن.
ستاليندە كورە المادى اتامىزدى،
حالىق جاۋى ەسىمىمەن ولتىرتكىزگەن.
ءنازىر اتا جولىڭىزدى جالعاستىرام.
مەن وسى ۋادەمدە تۇرا الام.
بەردى ءبىزدىڭ مەكتەپكە اتىڭىزدى،
بەينەڭىزدى جاسادى شەبەر قولدان.
بۇگىن قايتا دۇنيەگە كەلگەندەيسىز،
ەلشى اتا ماعان قاراپ كۇلگەندەيسىز.
بەينەڭىز قايتا-قايتا ەلەستەيدى،
ماڭگى وشپەيدى تاريحتا ەسىمىڭىز.

 

---