الەكساندر لۋكاشەنكو جەتىنشى مارتە بەلارۋس پرەزيدەنتى بولىپ سايلاندى
بەلارۋس رەسپۋبليكاسىنىڭ جاڭادان قايتا سايلانعان پرەزيدەنتى الەكساندر لۋكاشەنكو ۇلىقتاۋ راسىمىندە رەسمي تۇردە قىزمەتىنە كىرىستى.ءراسىم بارىسىندا لۋكاشەنكو وڭ قولىن كونستيتۋسياعا قويىپ، بەلارۋس تىلىندە انت بەردى. ول بەلارۋس حالقىنا ادال قىزمەت ەتۋگە، ازاماتتاردىڭ قۇقىقتارى مەن بوستاندىقتارىن قورعاۋعا جانە كونستيتۋسيانى ساقتاۋعا ۋادە ەتتى. انت قابىلداعاننان كەيىن ورتالىق سايلاۋ كوميسسياسىنىڭ ءتورايىمى وعان بەلارۋس رەسپۋبليكاسى پرەزيدەنتىنىڭ كۋالىگىن تابىس ەتتى.
2025 جىلعى 26 قاڭتاردا وتكەن پرەزيدەنتتىك سايلاۋدا الەكساندر لۋكاشەنكو جەڭىسكە جەتتى. ونىڭ كانديداتۋراسىن 5 136 293 سايلاۋشى قولدادى، بۇل داۋىس بەرۋگە قاتىسقان ازاماتتاردىڭ 86،82%-ىن قۇرادى.
جەتىنشى پرەزيدەنتتىك مەرزىمى باستالعان لۋكاشەنكو ەلدەگى تۇراقتىلىق پەن ەكونوميكالىق دامۋدى جالعاستىرۋعا نيەتتى. ساياساتكەرلەر مەن ساراپشىلار ونىڭ الداعى جىلدارداعى رەفورمالارى مەن سىرتقى ساياساتىنا ەرەكشە نازار اۋدارماق.
You Might Also Like
-
الماتى اۋەجايىندا ايەلگە شابۋىل جاساعان كۇدىكتى ۇستالىپ،ەرلىك كورسەتكەن ازامات ماراپاتتالادى،دەپ حابارلايدى Infohub.kz.
-
ءتىل – مادەنيەتتىڭ ايناسى، ال دۇرىس اۋدارما – وعان دەگەن قۇرمەتتىڭ كورسەتكىشى. جاقىندا الەۋمەتتىك جەلىدە تاراعان "زولوتوە يابلوكو" دۇكەنىندەگى "تەني دليا ۆەك" ءونىمىنىڭ "عاسىرلارعا ارنالعان كولەڭكەلەر"...
