الەمدەگى ەڭ باقىتتى ەلدەر
جاقىندا بۇۇ سوڭعى ءۇش جىلداعى باقىلاۋلارىنا سۇيەنە وتىرىپ، باقىتتى ەلدەردىڭ جەتىنشى ءتىزىمىن جاريالادى. زەرتتەۋ تەحنولوگيالاردىڭ دامۋى، الەۋمەتتىك تولەمدەر، ءجىو، دەنساۋلىق ساقتاۋ سالاسىنداعى قاقتىعىستار جانە ۇكىمەتتىڭ ساياساتى سياقتى ادامدارعا اسەر ەتەتىن كورسەتكىشتەرگە باعىتتالعان. قاي ەلدەر ءبىرىنشى وندىققا كىرەدى؟
فينليانديا (1 ورىن)
فينليانديا ءبىرىنشى ورىندا. ساراپشىلاردىڭ پىكىرىنشە، جەمقورلىقتىڭ تومەن دەڭگەيى، ءجىو-نىڭ جوعارى دەڭگەيى، ەركىندىك سەزىمى، سونداي-اق ەلدىڭ اسەم تابيعاتى فيندەردى ەڭ باقىتتى ادامدار ەتەدى.
دانيا (2 ورىن)
سىزدەر قازىرگى ءساندى «حيۋگگە» — دانيادان شىققان ومىرگە دەگەن ەرەكشە كوزقاراس تۋرالى ەستىگەن بولارسىزدار. سونىمەن قاتار، دانيا ازاماتتارىنىڭ ءال-اۋقاتىنىڭ دەڭگەيىندەگى ايىرماشىلىق وتە از، ولاردىڭ بارلىعى بىردەي اقشا تابادى.
نورۆەگيا (3 ورىن)
تىزىمدەگى تاعى ءبىر سولتۇستىك ەل ەڭ باي ەلدەردىڭ ءبىرى بولىپ سانالادى. سونىمەن قاتار، نورۆەگيا الەمدەگى ەڭ جوعارى ءال-اۋقات يندەكسىنە يە.
يسلانديا (4 ورىن)
مەملەكەت ءوزىنىڭ الەۋمەتتىك ساياساتىندا حالىقتىڭ بارلىق توپتارى ءۇشىن تەڭ مۇمكىندىكتەرگە باسا نازار اۋدارادى. ازاماتتار اقىسىز مەديسينالىق قىزمەتپەن قامتاماسىز ەتىلگەن، تومەن سالىقتار جانە جوعارى بىلىممەن قامتاماسىز ەتىلگەن.
نيدەرلاندى (5 ورىن)
نيدەرلاندىقتار وزدەرىنە جانە ومىرگە دەگەن قاراپايىم كوزقاراسىمەن تانىمال جانە بۇكىل ەل بوستاندىق رۋحىمەن ەرەكشەلەنەدى. مۇنداعى ادامدار ءوز ومىرلەرىنە ريزا جانە ءجيى كۇلۋگە ابدەن ۇيرەنگەن.
شۆەيساريا (6 ورىن)
شۆەيساريا رەيتينگتە ءوز پوزيسياسىنان ءبىرشاما ايىرىلدى، ءبىراق ۇنەمى شەتەلدەن ينۆەستيسيالاردى تارتاتىن دامىپ كەلە جاتقان ەكونوميكانىڭ ارقاسىندا العاشقى وندىققا كىرەدى.
شۆەسيا (7 ورىن)
شۆەسيادا ءومىر ءسۇرۋ ۇزاقتىعى وتە جوعارى، مەملەكەتتىك جانە الەۋمەتتىك ينستيتۋتتار وتە جاقسى جۇمىس ىستەيدى، سونىڭ ارقاسىندا شۆەسيا الدىڭعى رەيتينگكە قاراعاندا ەكى ساتىعا جوعارىلادى.
جاڭا زەلانديا (8 ورىن)
جاسىل جاڭا زەلانديانى ءوز حالقى وتە ۇناتادى. مۇندا دەمالۋعا بارلىق جاعداي بار جانە دەمالاتىن جەرلەردە قىزمەت كورسەتۋى جاقسى دەڭگەيگە يە بۇل فاكتورلار ادامداردىڭ كوڭىل-كۇيىنىڭ كوتەرىڭكى بولۋىنا سەپ.
كانادا (9 ورىن)
كانادا ءوزىنىڭ ءومىر دەڭگەيى مەن تۇراقتىلىعىمەن تانىمال، ال كانادالىقتار وزدەرى ءومىردى وڭاي باسقارادى جانە ءوز وتانىن وتە جاقسى كورەدى.
اۆستريا (10 ورىن)
اۆستريا ءوز ازاماتتارىن الەۋمەتتىك قولداۋعا باسا نازار اۋدارادى. ولاردىڭ ۆەنا تۋرالى «الەمدەگى ەڭ رۋحتى قالالاردىڭ ءبىرى» دەپ ايتقانى تاڭقالارلىق ەمەس.
كەرىمسال جۇباتقانوۆ تاريح عىلىمدارىنىڭ كانديداتى
وقۋعا كەڭەس بەرەمىز:
حالقى ەڭ تىعىز شوعىرلانعان الەمنىڭ 15 قالاسى
الەمدەگى سۋرەتكە ءجيى تۇسىرىلەتىن 25 قالا
You Might Also Like
-
ەلباسى ن.ءا.نازاربايەۆتىڭ «كەلەر ۇرپاق الدىندا زور جاۋاپكەرشىلىك جۇگىن ارقالاپ كەلەمىز»، - دەگەن ءسوزى ۇستاز قاۋىمىنا ۇلكەن تاپسىرىستاردى ارتىپ وتىر. ەلىمىزدىڭ بولاشاعى كوركەيىپ، وركەنيەتت...
