InfoHub Logo

ءبىزدىڭ عالامشار —  شىن مانىندە ءوز بىرەگەيلىگىمەن ءارى اسەمدىگىمەن ەرەكشەلەنەتىن ورىن، سونىمەن بىرگە شامامەن 7،5 ملرد. ادامنىڭ ءۇيى بولىپ تابىلادى. الايدا، وكىنىشكە وراي، ادامداردىڭ الەۋمەتتىك دەڭگەيى بىردەي ەمەس. ەگەر جەر بەتىندەگى ءار ادام بارلىق بايلىقتان جانە ادامزاتپەن وندىرىلەتىن بارلىق ونىمنەن تەڭدەي ۇلەس الا السا نە بولار ەدى؟

الەمدەگى بارلىق ادام بىر-بىرىمەن شىن مانىندە تەڭ بولعان جاعدايداعى قىزىقتى ستاتيستيكامەن تانىسۋعا شاقىرامىز.

جەر

^{© pixabay}

• قۇرلىق اۋدانى — 148 429 000 ش. كم.

• ءار ادام باسىنا كەلەتىن جەر شامامەن 19 790 ش. م.

• موناكوداعى xالىقتىڭ تىعىزدىعى — 18 679 ادام/ش. كم. الەمدەگى ەڭ ۇلكەن مەملەكەت رەسەيدەگى xالىقتىڭ تىعىزدىعى — 8،56 ادام/ش. كم.

تۇششى سۋ

^{© pixabay}

• جەر بەتىندە 1 386 ملن. تەكشە كم. سۋ بار، تۇششى سۋ ونىڭ  3 %-ىن عانا قۇرايدى. ال سول تۇششى سۋدىڭ كوپ بولىگى مۇزدىقتاردا قاتىپ تۇر نەمەسە جەر استى قويناۋىنىڭ تەرەڭ بولىكتەرىندە شوعىرلانعان.

• بارلىق سۋدىڭ 0،649 %-ى عانا ىشۋگە جارامدى جانە قولجەتىمدى، ال بۇل ادام باسىنا شاققاندا شامامەن 120 ملرد ليتر.

• ءوندىرىستىڭ وراسان زور كوپتىگىن، اۋىل شارۋاشىلىعىن، لاستانۋدى جانە بۋلانۋدى ەسكەرگەندە بۇل تىم از. سۋدى بوسقا ىسىراپ قىلماڭىز!

تەمىر جولدار

^{© pixabay}

• الەمدەگى تەمىرجول توسەمىنىڭ جالپى ۇزىندىعى 1 370 782 كم.

• ءبىر ادام باسىنا كەلەتىن تەمىر جول ۇزىندىعى 18 سم-دەن ءسال عانا اسادى.

• بۇل شامانىڭ ازدىعى سونداي، ءتىپتى رەلس ۇستىنە پلانەتا تۇرعىندارىنىڭ بارلىعىن ءبىر مەزەتتە سىيدىرىپ تۇرعىزا المايسىڭ دا.

مۇناي

^{© depositphotos}  

• مۇنايدىڭ دالەلدەنگەن الەمدىك قورى 2016 جىلى 1 707 ملرد. باررەلدى قۇرادى.

• ءاربىر ادام باسىنا كەلەتىنى 36 مىڭ ليتر شاماسىندا.

• مۇناي پايدالانۋدىڭ قازىرگى دەڭگەيىمەن ەسەپتەگەندە (ءبىر كۇندە ادام باسىنا شامامەن 2 ليتر)، بۇل قور تاعى 50 جىلعا جەتەدى ەكەن.

ءجۇن

^{© pixabay}

• جىلىنا 1 160 ملن. كگ. ءجۇن وندىرىلەدى.

• ءار ادام باسىنا كەلەتىن ءجۇن شامامەن 155 گرامم. بار بولعانى سول-اق.

قاعاز جانە كارتون

^{© pixabay}

• قاعاز بەن كارتوننىڭ جىلدىق شىعارىلىمى 406،5 ملن. توننا دەڭگەيىندە.

• ال بۇل ادام باسىنا شاققاندا 54 كگ-نان ءسال عانا اسادى!

• بۇل ءار ادام جىل سايىن جەكە كىتاپxاناسىن سۇيىكتى اۆتورلارىنىڭ ەكى ۇلكەن شىعارمالار جيناعىمەن تولىقتىرا الاتىنداي جەتكىلىكتى مولشەر.

 

ورماندار

^{© pixabay}

• الەمدەگى ورماندار اۋدانى 2016 جىلى 3 999 ملن. گا جەردى قۇرادى.

• ءار ادام باسىنا شاققاندا 5 300 شارشى مەتردەن كەلەدى ەكەن.

• بۇل دەگەنىڭ تىم از، اسىرەسە، الدىڭعى پۋنكتتە ايتىلعان قاعاز ءوندىرىسىن جانە بۇكىل جەر شارىندا ءىس جۇزىندە توقتاۋسىز بولىپ جاتقان ورتتەردى ەسكە الار بولساق. ال ورمان دەگەن — جەرىمىزدىڭ وكپەسى عوي.   

كوفە

^{© pixabay}

• كوفەنى ەكسپورتتاۋشى ەلدەر 2016 جىلى 9 232 140 000 كگ كوفە ءوندىرىپتى.

• ءار ادام باسىنا شاققاندا 1،23 كگ-نان شىعادى ەكەن. ال بۇل كوفەنى جاقسى كورەتىن ەلدەر ءۇشىن وتە از.

Coca-Cola

^{© pixabay}

• 2016 جىلى كومپانيا 155 ملرد. ليتر Coca ءونىمىن ءوندىردى.   

• بۇل ءار ادام باسىنا ساناعاندا 20 ليتردەن ءسال اسادى!

• ال الەمدە گازدالعان سۋدىڭ بۇدان دا باسقا كوپتەگەن تۇرلەرى وندىرىلەدى ەمەس پە!

سابىن

^{© pixabay}

• جىل سايىن 4 535 923 700 كگ. سابىن وندىرىلەدى.

• ءار ادام باسىنا 605 گرامم سابىننان كەلەدى ەكەن.

• قولدى ءاردايىم جۋىپ تۇرۋ ارقىلى عانا جىل سايىن 1،4 ملن-نان استام ءولىمنىڭ الدىن الۋعا بولادى. سوندىقتان، تازالىقتى ەلەمەي جۇرمەڭىز، xوش ءيىستى سابىن جاساسىن!

باناندار

^{© pexels}

• الەمدە جىل سايىن شامامەن 103 ملن. توننا بانان وندىرىلەدى.  

• ادام باسىنا شاققاندا ءارقايسىمىزعا 14 كگ-عا جۋىق بانان تيەدى ەكەن. ءبىراق، ارينە، بۇل جەمىستەردىڭ ەداۋىر ۇلەسى دامۋشى ەلدەردە جەلىنەدى.

التىن

^{© pexels}

• التىن ءوندىرۋدىڭ بۇكىل تاريxىندا جەر قويناۋىنان 187 200 توننا التىن الىنعان.

• ءار ادام باسىنا 25 گراممنان كەلەدى ەكەن.

• ساقتاۋلى قورلاردىڭ مولشەرى 57 000 توننانى قۇرايدى، بۇل ءار ادامعا 7،6 گراممنان ءبولىپ بەرۋگە بولاتىنداي جەتكىلىكتى. سىزگە دە ۇيدەگى بار اشەكەي بۇيىمدارىڭىزدىڭ سالماعىن ولشەپ كورۋ قىزىق بولىپ تۇر ما؟

دونور قانى

^{© wikimedia}

• بۇكىل جەر شارىندا ءبىر جىلدا شامامەن 112،5 ملن. دوزا (450 مل) قان تاپسىرىلادى، بۇل 50 625 مىڭ ءليتردى قۇرايدى.

• ءار ادام باسىنا 6،75 مل-دەن كەلەدى ەكەن. كۇن سايىن قان قۇيۋدى قانشاما ادام قاجەت ەتەتىنىن ەسكەرەر بولساق، بۇل تىم از.

پوليەتيلەن پاكەتتەرى

^{© depositphotos}

• ادامدار جىل سايىن 5 ترلن-نان استام پوليەتيلەن پاكەتتەرىن وندىرەدى!

• ال بۇل ادام باسىنا 700-گە جۋىق پاكەتتەن كەلەدى دەگەن ءسوز!

• ولاردىڭ كوپشىلىگىنىڭ قىزمەت ەتۋ مەرزىمى بىرنەشە سەكۋندتان اسپايدى، ال ىدىراۋ ۋاقىتى جانە ەكولوگيا مەن جانۋارلار الەمىنە تيگىزەر اسەرى جۇزدەگەن جىلدارمەن ەسەپتەلەدى. پوليەتيلەن پاكەتتەرى — بۇل قايتا وڭدەلۋى كۇردەلى ماتەريال، ءارى ولار جاھاندىق پروبلەماعا اينالدى، سوندىقتان كوپتەگەن مەملەكەتتەردە ولاردى ساتۋ مەن وندىرۋگە تولىقتاي نەمەسە ءىشىنارا تىيىم سالۋ ەنگىزىلۋدە.

McDonald’s بۋرگەرلەرى

^{© pixabay}

• ءىرى امەريكالىق كورپوراسيا McDonald’s سەكۋند سايىن 75-تەن استام بۋرگەر وندىرەدى! ال بۇل جىلىنا شامامەن 2 365 200 000.

• ءار ادام باسىنا بۋرگەردىڭ 1/3-گە جۋىق بولىگى عانا تيەدى ەكەن!

• ءبىراق كوڭىل ءتۇسىرۋدىڭ قاجەتى جوق — McDonald’s-كە بۇل كورسەتكىشتى وراسان زور مولشەرگە دەيىن كوبەيتەتىن وزگە دە فاستفۋد جەلىلەرى كومەككە كەلەدى.

عارىشتىق قوقىس

^{© wikimedia}

• قازىرگى ۋاقىتتا عالىمدار وربيتادان جالپى سالماعى 7 500 تونناعا جەتەتىن بىرنەشە ءجۇز مىڭداعان عارىشتىق قوقىس زاتتارىن باقىلاۋدا.

• ءارقايسىمىزعا 1 گرامم عارىشتىق قوقىستان تيەدى ەكەن.

تەمەكى

^{© pixabay}  

• الەمدە ءبىر جىل ىشىندە شامامەن 5،8 ترلن. تەمەكى تارتىلادى.

• ادام باسىنا شاققاندا 773 تەمەكىدەن شىعادى ەكەن. ءتىپتى وسىنداي كورسەتكىشتىڭ ءوزى قورقىنىشتى، ال ەگەر جىل سايىن تەمەكى تارتۋدان ميلليونداعان ادام ولەتىنىن ەسكە الساق، ودان دا قورقىنىشتى بولىپ كەتەدى.

ءسۇت

^{© pixabay}

• ءسۇتتىڭ الەمدىك ءوندىرىسى 826 ملن. توننا دەڭگەيىندە قالىپتاسقان.

• سوندا ءبىر ادام باسىنا كەلەتىن ءسۇت مولشەرى — 110 ليتر.

مىسىقتار

^{© pixabay}

مىسىق — كەڭ تاراعان ءۇي جانۋارلارىنىڭ ءبىرى بولىپ تابىلاتىنىنا قاراماستان، جاھاندى مەكەندەيتىن مىسىقتار سانى 600 ملن. ءار ادام باسىنا شاققاندا شىعاتىنى — بار بولعانى 0،08 مىسىق... سوندىقتان، ۇيىڭىزدە مىسىعىڭىز بار بولسا، ءوزىڭىزدى بايمىن دەپ ساناي بەرىڭىز دە بارىپ ونى ءبىر سيپاپ قويىڭىز :)

---