InfoHub Logo

وڭتۇستىك قازاقستان پوليتەحنيكالق كوللەدجى

«الەمنىڭ دامىعان 30 ەلىنىڭ  قاتارىنا كىرۋ» تاقىرىبىنداعى اشىق تاربيە ساعاتىنىڭ

ادىستەمەلىك ازىرلەمەسى

دايىنداعان: بايتۋرسىنوۆا ا.ۋ.

اشىق ساباق

ماماندىعى: 1306093 - «راديوەلەكترونيكا جانە بايلانىس»

كۋرسى: 1

توبى: 573

ستۋدەنتتەر سانى: 25

مەرزىمى: 24.01.2018 ج.

وتكىزىلەتىن ورنى: 316 ءدارىسحانا

 

ساباق جوسپارى

ساباقتىڭ تاقىرىبى: «الەمنىڭ دامىعان 30 ەلىنىڭ قاتارىنا كىرۋ»

ماقساتى: وقۋشىلاردى وتاندى سۇيۋگە، قۇرمەتتەپ قاستەرلەۋگە، ءوز ەلىن، تەگىن تاريحىن بىلۋگە تاربيەلەۋ. وقۋشىلارعا پاتريوتتىق، ەستەتيكالىق، ادامگەرشىلىك تاربيە بەرۋ، ءوز وي - پىكىرىن بىلدىرە الاتىن وقۋشىلاردى تاربيەلەۋ. رۋحاني جاڭعىرۋدى سيپاتتاۋ جانە پاتريوتتىق سانانى ىنتالاندىراتىن ۇلتتىق قۇندىلىقتاردى جاڭعىرتۋ.

كورنەكىلىكتەر: سلايد، ناقىل سوزدەر

1 جۇرگىزۋشى: ارمىسىزدار قۇرمەتتى ۇستازدار جانە 573 توبىنىڭ ستۋدەنتتەرى!

2 جۇرگىزۋشى: مەملەكەت باسشىسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنداعى  «الەمنىڭ دامىعان 30 ەلىنىڭ قاتارىنا كىرۋ» اتتى اشىق تاربيە ساعاتىمىزعا قوش كەلدىڭىزدەر!

1 جۇرگىزۋشى: وتان دەيمىز – وت جاققان جەرىمىزدى،

وتان دەيمىز – وسىرگەن ەلىمىزدى.

وتان دەيمىز – تۋعان جەر، اتامەكەن،

بيىك تاۋ، ورمان توعاي كولىمىزدى.

وتانىم مەنىڭ كەڭ بايتاق قازاقستان،

امان وتكەن تالاي دۇلەي ازاپتان.

بار الەمدى ءوز اۋزىنا قاراتقان،

كىم بار قانە ارتىق دەيتىن قازاقستان؟!

2 جۇرگىزۋشى: ال، وقۋشىلار بۇل ولەڭدە نە تۋرالى ايتىلعان؟
وتان دەگەندى قالاي تۇسىنەسىزدەر؟

1 جۇرگىزۋشى: ەندى ماقال – ماتەلگە كەزەك بەرسەك، وتان تۋرالى ماقال – ماتەل بىلەمىز بە؟

2 جۇرگىزۋشى: اباي اتامىز ايتقانداي، بۇگىنگى جاستاردىڭ دۇنيەنىڭ كەتىگىن تاۋىپ، قالانۋدى كوزدەۋ، قوعامدىق ومىردەن قول ۇزبەي، ءوز ەلىن سۇيۋگە، ءوز ەلىنىڭ تۇرمىس – تىرشىلىگىن، سالت – ساناسىن، ادەت – عۇرپىن بىلۋگە تاربيەلەۋ – نارىقتىق كەزەڭدە ماڭىزى جوعارى تۇرعان زور مىندەتتەردىڭ ءبىرى دەپ ويلايمىن.

1 جۇرگىزۋشى: «وي قوزعاۋ». سۇراقتار قويىپ، جاۋاپ الۋ.

2 جۇرگىزۋشى: قازاقستاننىڭ رامىزدەرىن اتا؟

1 جۇرگىزۋشى: قازاقستان رەسپۋبليكاسىنىڭ پرەزيدەنتىن اتا.

2 جۇرگىزۋشى: ق ر ەلتاڭباسىندا نە بەينەلەنگەن؟ – (تۇلپار ،شاڭىراق،جۇلدىزشا.كۇن)

1 جۇرگىزۋشى: قازاقستان ءوز تاۋەلسىزدىگىن قاي جىلى الدى؟ – (1991 جىل 16 جەلتوقسان)

2 جۇرگىزۋشى: ەلىمىز جاڭا تاريحي كەزەڭگە اياق باستى. ءبىزدىڭ ماقساتىمىز ايقىن، باعىتىمىز بەلگىلى، ول – الەمدەگى ەڭ دامىعان 30 ەلدىڭ قاتارىنا قوسىلۋ. ماقساتقا جەتۋ ءۇشىن ءبىزدىڭ سانامىز ىسىمىزدەن وزىپ ءجۇرۋى، ياعني ودان بۇرىن جاڭعىرىپ وتىرۋى ءتيىس.

1 جۇرگىزۋشى: ەلباسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» ماقالاسى وڭتۇستىك قازاقستان پوليتەحنيكالىق كوللەدجىنىڭ 2017 – 2018 وقۋ جىلىنداعى تاربيە جۇمىسىنىڭ باستى ەرەكشەلىگى مەملەكەت باسشىسى ن. ءا. نازاربايەۆتىڭ «بولاشاققا باعدار: رۋحاني جاڭعىرۋ» اتتى ماقالاسىنداعى قوعامدى رۋحاني جاڭعىرتۋدىڭ باسىمدىقتى يدەيالارىن وقۋشىلار اراسىندا كەڭىنەن ناسيحاتتاۋ بولىپ تابىلادى.

2 جۇرگىزۋشى: وتاندى سۇيۋگە، ءوز ەلىن، تاريحىن بىلۋگە، جالپىادامزاتتىق قۇندىلىقتار مەن تەرەڭ كوزقاراستاردى ءسىڭىرۋ ارقىلى تانىم بەلسەندىلىكتەرىن ارتتىرۋعا باعىتتاۋ. جالپىادامزاتتىق، مادەنيەتارالىق بىلىمدەرى مەن سىني ويلاۋ، زەرتتەۋشىلىك داعدىلارى دامىعان، وتانسۇيگىش تۇلعا. ءوزىنىڭ دامۋ بارىسىندا، ءومىر بويى وقۋعا قابىلەتتى، جوعارى ادامگەرشىلىك قۇندىلىقتارى بار، جوعارى ءبىلىمدى، زياتكەرلىك جەكە تۇلعانى تاربيەلەۋگە باعىتتالعان مەكتەپ قاۋىمداستىعىن قۇرۋ. قازاقستاندىق ءپاتريوتيزمدى ءار وقۋشىنىڭ بويىنا ومىرلىك پرينسيپتەرى رەتىندە قالىپتاسادى.

1 جۇرگىزۋشى: ال توبىمىزداعى وقۋشىلار وتانعا دەگەن ىزگى تىلەكتەرىن بىلدىرسە.

1 – وقۋشى: ماڭگىلىك ەل – ماڭگىلىك ەل اتا – بابالارىمىزدىڭ سان مىڭ جىلدان بەرگى اسىل ارمانى. ول ارمان – الەم ەلدەرىمەن تەرەزەسى تەڭ قاتىناس قۇراتىن، الەم كارتاسىنان ويىپ تۇرىپ ورىن الاتىن تاۋەلسىز مەملەكەت اتانۋ ەدى.

2 – وقۋشى: ول ارمان – تۇرمىسى بايقۋاتتى، ءتۇتىنى ءتۇزۋ ۇشقان، ۇرپاعى ەرتەڭىنە سەنىممەن قارايتىن باقىتتى ەل بولۋ ەدى.

3 – وقۋشى: ءبىز ارمانداردى اقيقاتقا اينالدىردىق. ماڭگىلىك ەلدىڭ ىرگەتاسىن قالادىق. ءبىز ءۇشىن بولاشاعىمىزعا باعدار ەتەتىن، ۇلتتى ۇيىستىرىپ، ۇلى ماقساتتارعا جەتەلەيتىن يدەيا بار. ول – ماڭگىلىك ەل يدەياسى.
4 – وقۋشى: تاۋەلسىزدىكپەن بىرگە حالقىمىز ماڭگىلىك مۇراتتارىنا قول جەتكىزدى.
ءبىز ەلىمىزدىڭ جۇرەگى، تاۋەلسىزدىگىمىزدىڭ تىرەگى – ماڭگىلىك ەل وردامىزدى تۇرعىزدىق.
5 – وقۋشى: قازاقتىڭ ماڭگىلىك عۇمىرى ۇرپاقتىڭ ماڭگىلىك بولاشاعىن باياندى ەتۋگە ارنالادى. ەندىگى ۇرپاق – ماڭگىلىك قازاقتىڭ پەرزەنتى. ەندەشە، قازاق ەلىنىڭ ۇلتتىق يدەياسى – ماڭگىلىك ەل!.

6 – وقۋشى: ماڭگىلىك ەل ۇعىمىن ۇلتىمىزدىڭ ۇلى باعدارى – «قازاقستان 2050» ستراتەگياسىنىڭ ءتۇپ قازىعى.

2 جۇرگىزۋشى: راحمەت ۇلكەن سىزدەرگە! ماڭگىلىك ەل بولۋ ءبىزدىڭ ءوز قولىمىزدا، سىزدەر مەن بىزدەردىڭ قولىمىزدا!

1 جۇرگىزۋشى: ەلباسى نۇرسۇلتان ءابىش ۇلى نازاربايەۆتىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى ەل دامۋىنىڭ جارقىن ۇلگىسى مەن ناقتى قادامدارىن كورسەتەتىن كەلەلى وي، ساليقالى پىكىر، باتىل شەشىمدەرگە قۇرىلعان ماڭىزدى قۇجات. بۇل ماقالادا سانانى جاڭعىرتۋ، ۇلتتىق بولمىستان، ۇلتتىق كودتان ايىرىلىپ قالماي، ونى الەمدىك قۇندىلىقتارمەن ۇيلەستىرىپ، قازاقستاننىڭ يگىلىگىنە جاراتۋ جولىنداعى ماقسات – مۇددەلەر تۋرالى وزەكتى ماسەلە كوتەرىلىپ وتىر. وندا ەل پرەزيدەنتى قازاقستان ءۇشىن قايتا تۇلەۋدىڭ ايىرىقشا ماڭىزدى ەكى ۇدەرىسى – ساياسي رەفورما مەن ەكونوميكالىق جاڭعىرۋدى قولعا الا وتىرىپ، ءبىرتۇتاس ۇلت بولۋ ءۇشىن بولاشاققا قالاي قادام باساتىنىن جانە بۇقارالىق سانانى قالاي وزگەرتەتىنى جونىندە الىستى بولجايتىن كوزقاراستارىمەن بولىسەدى.

2 جۇرگىزۋشى: ەلىمىز جاڭا تاريحي كەزەڭگە اياق باستى. ەلباسى حالىققا جولداۋىندا قازاقستاننىڭ ءۇشىنشى جاڭعىرۋى باستالعانىن جاريالادى. وسىلايشا، ءبىز قايتا تۇلەۋدىڭ ايرىقشا ماڭىزدى ەكى پروسەسى – ساياسي رەفورما مەن ەكونوميكالىق جاڭعىرۋدى قولعا الدىق. ءبىزدىڭ ماقساتىمىز ايقىن، باعىتىمىز بەلگىلى، ول – الەمدەگى ەڭ دامىعان 30 ەلدىڭ قاتارىنا قوسىلۋ. «رۋحاني جاڭعىرۋ – ءداۋىر تالابىنا ساي جاڭعىرۋ»
«رۋحاني جاڭعىرۋ – الەمدەگى ەڭ دامىعان 30 ەلدىڭ قاتارىنا قوسىلۋ”
«رۋحاني جاڭعىرۋ – تابىستى ەل بولۋىمىزدىڭ كەپىلى»

1 جۇرگىزۋشى: 21 – عاسىر قازاقستاننىڭ «التىن عاسىرى».
– بۇل بەيبىتشىلىكتىڭ، تۇراقتىلىق پەن گۇلدەنۋدىڭ عاسىرى بولادى.
– قازاقستان حالقى ۇلى تاريحتىڭ يەسى اتانۋعا لايىق.
– ءبىز كوزدەگەن ماقساتىمىزعا مىندەتتى تۇردە جەتەمىز.
– اڭسارلى ازاتتىعىمىز بەن ءتاۋ ەتەر تاۋەلسىزدىگىمىز باياندى بولسىن!
– ماڭگىلىك ەل بولۋ جولىنداعى ۇلى ىستەرىمىز جاڭا داۋىرلەرگە جول اشسىن! – دەگەن ەلباسىمىزدىڭ ايتقان كەرەمەت سوزدەرى بار.

2 جۇرگىزۋشى: ءسوزىمىزدى قورىتىندىلايتىن بولساق، الدا ءالى ۇزاق جول، ۇلكەن اسۋلار بار. سول اسۋلار مەن قيىندىقتى جەڭۋ ءۇشىن بىلەكتىڭ كۇشى مەن نايزانىڭ ۇشى كەرەك ەمەس. وعان تەك جۇرەك پەن ءبىلىم، تالانت پەن تالاپ كەرەك. قازاق ەلىنىڭ ابىرويىن اسىرىپ، مەرەيىن ۇستەم ەتەر، الەم تاڭعالار، تالاي – تالاي جاڭالىق اشار بىلىمدىلەر كەرەك.

1 جۇرگىزۋشى: وسى تاۋەلسىز ەلىمىزدىڭ نامىسىن قورعايتىن، بۇگىنىمىزدى ەرتەڭىنە جالعايتىن، قازاق ەلىنىڭ ەرتەڭى، بولاشاعى ءۇشىن جاۋاپ بەرەتىن بۇگىنگى ۇرپاق ەكەنىمىزدى سەزىنەيىك.“سەن دە ءبىر كىرپىش دۇنيەگە، كەتىگىن تاپ تا بار قالان!”- دەپ ۇلى اقىن اباي اتامىزدىڭ سوزىمەن اشىق تاربيە ساعاتىمىزدى اياقتايمىز.

2 جۇرگىزۋشى: سونىمەن قاتار، ءبىز ءوز وتانىمىزدىڭ پاتريوتىمىز.
– مى پاتريوتى ناشەي سترانى دەپ بارلىعىمىز بىرگە قايتالاپ وتسەك.

1 جۇرگىزۋشى: راحمەت بارلىقتارىڭىزعا، قوش ساۋ بولىڭىزدار!

---