الفا بۋىنى، سەن كىمسىڭ؟
2010 جىلدان باستاپ دۇنيەگە كەلگەن بالالاردى عالىمدار «الفا ۇرپاق» دەپ اتاپ جۇرگەنىن بىلەمىز. بىرىنشىدەن، الفا ۇرپاق دەگەن كىم جانە بۇل ءسوزدىڭ قالاي پايدا بولعانىن انىقتاپ الايىق. «الفا ۇرپاق» تەرمينىن العاش رەت اۆستراليالىق عالىم مارك ماككريندل قولدانعان. ونىڭ زەرتتەۋى مەن انىقتاماسى بويىنشا بۇل اتاۋ 2010-2024 جىلدار ارالىعىندا تۋىلعان بالالارعا قاتىستى قولدانىلادى. بۇل ون ءبىر جاستاعى بالالار مەن الداعى جىلدارى دۇنيەگە كەلەتىن سابيلەر. بۇلار Z ۇرپاقتىڭ، ياعني زەتالار مەن زۋمەرلەردىڭ (2001 جىلدان تۋىلعان ۇرپاق) ورنىن اۋىستىرادى. ءتىپتى، 2025 جىلعا قاراي دۇنيە جۇزىندە ولاردىڭ سانى ەكى ميللياردقا جەتەدى دەگەن بولجام بار.
الفا بالالاردىڭ ەرەكشەلىكتەرىنە توقتالا كەتسەك. 2010 جىلى، ياعني Instagram ىسكە قوسىلعان جانە العاشقى iPad-تىڭ پايدا بولعان جىلى دۇنيەگە كەلە باستادى... سونىمەن قاتار، الەۋماتتاۋناشىلاردىڭ پىكىرىنشە بۇل بالالاردىڭ كىتاپ پەن سۋرەت داپتەرىنەن بۇرىن پلانشەتكە تەزىرەك بەيىمدەلىپ، سونىسىمەن جاھاندىق ەكسپەريمەنتتىڭ ءبىر بولىگىنە اينالعانىن ايتادى. ءبىر جاستا-اق كىشكەنتاي بالانىڭ گادجەتكە قالاي تەز تاۋەلدى بولاتىنىنا تاڭعالىپ جاتامىز عوي. الايدا، تاڭعالاتىنى جوق، سەبەبى ولاردىڭ باستى ارتىقشىلىقتارى — الەۋمەتتىك جەلىنى لەزدە مەڭگەرىپ، ونى قولدانىستا بەلسەندى تۇردە پايدالانۋ. سونىمەن قاتار، ولار سكرينەيدجەرلەر بولىپ كەلەدى. سكرينەيدجەرلەر — اينەككە تاۋەلدى ۇرپاق. ولاردىڭ ەلەكتروندى قۇرىلعىلارعا دەگەن بەيىمدىلىگىن قالاي اتاساق تا، وسىلاي ەكەنى راس. ءدال وسى قاسيەت بالالاردىڭ وسال تۇسى مەن مىقتىلىعى بولىپ كەلەدى. بۇل ماسەلەنى ەكى تاراپتان انىقتاپ قاراساق: ءبىر جاعىنان، ونداي بالا جان-جاقتى بولىپ كەلەدى، الەمدەگى بولىپ جاتقان كەز كەلگەن اقپاراتتان حاباردار بولىپ، ءۇي تاپسىرماسىن ورىنداي وتىرىپ، الەۋمەتتىك جەلىدە بەلسەندى بولادى. ەكىنشى جاعىنان، بالا وتە شاشىراڭقى بولادى، ونىڭ زەيىنىن شوعىرلاندىرۋ قيىن جانە ءبىر ماسەلەگە ۇزاق ۋاقىت نازار اۋدارىپ قاراي المايدى.
الفا بالالار شىنايى ءومىر مەن ۆيرتۋالدى ءومىردىڭ ايىرماشىلىعىن كورمەيدى. ءبارى ارالاس، سەبەبى بۇل ەكى الەمنەن اقپارات قابىلداۋدا ەش ايىرماشىلىق جوق. ەگەر بۇرىنعى ينتەرنەت پايدالانۋشىلار وزدەرىن نەمەسە ومىرلەرىن الەۋمەتتىك جەلىدە بەزەندىرۋگە تىرىسسا، بۇل ۇرپاق ءۇشىن ول اسا ماڭىزدى ەمەس، شىنايى نارسە شىنايى كۇيىندە ينتەرنەتكە تۇسەدى. «كورسەتۋگە بولادى» جانە «كورسەتۋگە تىيىم» دەگەن ەكى تاراپتى سۇزگىدەن وتكىزبەي-اق، ءبىر كۇندە باسىنان وتكەن وقيعاسىن قالاي بار سولاي بايانداپ، بلوگ جۇرگىزۋدە. كەيبىر يۋتۋبەرلەر قازىرگى تاڭدا يتپەن ويناۋ، تاماق ءىشۋ، جاستار سلەنگى بويىنشا «unpaking» رۋبريكاسى سىندى ۆيدەودا قاراپايىم ىستەرمەن اينالىسىپ-اق، ميلليونداعان كورىنىستەرگە يە بولىپ جاتادى. مىنە، بۇل كونتەنت قازىرگى الفا بۋىننىڭ فيشكاسى.
سكەپتيكتەر الفا بالالارىن ۆيرتۋالدى الەمگە تىم ءسىڭىپ كەتكەن دەپ ەسەپتەيدى. ياعني، ولار قارىم-قاتىناستى ورناتا الماۋ مەن ەموسيالاردى تۇسىنە الماۋدان دەپ ويلايدى. الايدا، بۇل ءبىر جاقتى كوزقاراس. سەبەبى، كرەاتيۆتى، سىني، اشىق ويلى الفا بالالار جاڭا ءبىر ەركىندىك الەمىن قۇرا الاتىن ايىرماشىلىقپەن ەرەكشەلەنەدى.
اۆتور: كاميلا تاستانبەك
You Might Also Like
-
جولداۋدا قوزعالعان باعىتتاردى كەڭىنەن تارقاتىپ، مەملەكەتتىك يدەولوگيانى انىقتايتىن، كوپكە تۇسىنىكتى، رۋحاني جاڭعىرتۋعا باعىتتالعان قۇجات دەپ بىلەمىن. ماقالانى وقي وتىرىپ، ونىڭ ءاربىر سويلەمىندە بۇگى...
-
اقپارات تاراتۋدىڭ جولدارى قانشالىقتى كوبەيسە، تارالعان اقپاراتتان كەلەتىن قاۋىپ-قاتەر دە ارتا تۇسۋدە. جاڭالىقتىڭ قۇپيالىلىعىنا قاراي جاسىرىن ۇستاۋ نەمەسە ساقتاۋ قيىندايدى. اقپاراتتى ساقتايتىن بازال...
