InfoHub Logo

تاقىرىبى: "الجاپقىشتى ۇلگىلەۋ"
ساباقتىڭ ماقساتى: وقۋشىلاردى تاڭداپ العان ۇلگى بويىنشا الجاپقىشتى ۇلگىلەۋدى ۇيرەتۋ.
بىلىمدىلىگى: وقۋشىلارعا الجاپقىشتى ۇلگىلەۋدە، بۇيىم ءپىشىنىن وزگەرتۋدىڭ ءادىس - تاسىلدەرىن مەڭگەرتۋ؛
دامىتۋشىلىعى: تەوريالىق بىلىمدەرىن ساراماندىق جۇمىستا پايدالانا ءبىلۋ، وقۋشىلاردى ءوز بەتىنشە ىزدەنۋگە داعدىلاندىرۋ، ولاردىڭ وي ءورىسىن دامىتۋ؛
تاربيەلىگى: وقۋشىلاردى ۇقىپتىلىققا، تالعامپازدىققا، يكەمدىلىككە تاربيەلەۋ، ونەرگە دەگەن قىزىعۋشىلىعىن ارتتىرۋ.
قۇرال - جابدىقتار: جۇمىس داپتەرى، ۇلەستىرمەلى كارتوچكالار، تىگىنشى سىزعىشى، ءتۇرلى - ءتۇستى قاعاز، جەلىم، قايشى، قارىنداش.

ساباق بارىسى
ءى ۇيىمداستىرۋ كەزەڭى. وقۋشىلاردىڭ ساباققا دايىندىعىن تەكسەرۋ.
ءىى وتكەندى قايتالاۋ:
1. Activote قۇرىلعىسىمەن جۇمىس ىستەۋ.
وقۋشىلار ارنايى باعدارلامامەن تەست شەشەدى.
وزدەرىن باعالايدى.

ءىىى ساباقتىڭ تاقىرىبى مەن ماقساتىن حابارلاۋ
وتكەن ساباقتا ءبىز الجاپقىشتىڭ سىزباسىن قۇرعامىز. بۇگىن «الجاپقىشتاردىڭ عاجايىپ الەمى» تۋرالى اڭگىمەمىزدى جالعاستىرامىز. بۇگىنگى ساباقتىڭ تاقىرىبى «الجاپقىشتى ۇلگىلەۋ»
بۇگىن بارلىعىمىز سانگەر قۇراستىرۋشى بولامىز.
ساباقتىڭ ماقساتى - تاڭداپ العان ۇلگى بويىنشا الجاپقىشتى ۇلگىلەۋدى ۇيرەنۋ. سانگەر – سۋرەتشى، سانگەر - قۇراستىرۋشى، تىگىن ءوندىرىسىنىڭ تەحنولوگى، تىگىنشى ماماندىقتارىمەن تانىسامىز.
داپتەرگە تاقىرىپتى جازعىزۋ.

IV جاڭا ساباقتى مەڭگەرۋ.
1. وقۋشىلارمەن اڭگىمە جۇرگىزۋ
«ۇلگىلەۋ» دەگەنىمىز نە؟
بۇيىمدى وزگەرتۋگە بولا ما؟
الجاپقىشتىڭ بولىكتەرىن قالاي وزگەرتۋگە بولادى؟

2. ءمۇعالىم ءسوزى
كيىمدى قۇراۋ مودەلدەۋمەن تىعىز بايلانىستى. كيىم بولشەكتەرىنىڭ فورمالارىن وزگەرتۋ جانە ولاردى كوركەمدەۋ مودەلدەۋ جولى ارقىلى ورىندالادى. بۇيىم بولشەكتەرى فورما بويىنشا ءبىر - بىرىمەن ۇيلەسۋى كەرەك. كيىمدى دايىنداۋ جانە مودەلدەۋمەن بىرنەشە كاسىپتىڭ ماماندارى اينالىسادى. ولار:
سۋرەتشى - سانگەر – كيىمدى ۇلگىلەيدى. مۇنداي جۇمىستى ورىنداۋ ءۇشىن ادامنىڭ دەنە ءپىشىنىن، ونىڭ تەپە - تەڭدىكتەرىن، يكەمدىلىگىن ءبىلۋ قاجەت. تىگىن ءىسىنىڭ تەحنولوگياسىن، سونداي - اق كوستيۋمنىڭ قۇرالۋ زاڭدىلىقتارىن، تىگىس، ارلەۋ سىزىقتارىن ءتۇسىنۋ كەرەك.
سۋرەتشى – قۇراستىرۋشى – سىزبالار مەن ءپىشىن بولىكتەرىن دايىندايدى.
تىگىن ءوندىرىسىنىڭ تەحنولوگى – سىزبالارعا سايكەس كيىمدى دايارلاۋ تىزبەكتىلىگىن ازىرلەيدى.
تىگىنشى – تىگىن وپەراسيالارىن ورىندايدى.
مودەلدەۋ – تاڭداپ العان قالىپقا سايكەس ءپىشىن سىزبالارىن وزگەرتۋ پروسەسى. بۇل – ءسانى مەن قيۋى جاڭا كيىمدى قۇراستىرۋدىڭ شىعارماشىلىق پروسەسى. مودەلدەۋدىڭ بىرنەشە تۇرلەرى بار.
1. كوركەم مودەلدەۋ – مودەلدەردىڭ جيىنتىعىن قۇرۋ، بۇل جەردە كيىمنىڭ ءسانى مەن ءستيلىن ەسكەرۋى كەرەك، ونىمەن سۋرەتشى - سانگەر اينالىسادى.
2. تەحنيكالىق مودەلدەۋ – ەسكيزدەر، سۋرەتتەر بويىنشا سىزبالار مەن پىشىندەردى جاساۋ، ونىمەن سانگەر - قۇراستىرۋشىلار اينالىسادى.
كەز كەلگەن سانگەردىڭ جۇمىسى: “كىم ءۇشىن – نە ءۇشىن – نەدەن” دەگەن فورمۋلادان باستالادى.
كيىم - پايدالانۋىنا قاراي تۇرمىستىق، وندىرىستىك، فورمالىق بولىپ بولىنەدى. تۇرمىستىق كيىمدەر كۇندەلىكتى، ساندىك، ءۇي، سپورتتىق، ۇلتتىق كيىمدەرگە ءبولىنىپ، وندىرىستىك كيىمدەرگە ارنايى جانە سانيتارلىق كيىمدەر جاتادى. ۇيدە نەمەسە مەكتەپتە اسپازدىق جۇمىستارمەن اينالىسقاندا الجاپقىش پەن ورامالدى پايدالانعان ءجون. الجاپقىش كيىمنىڭ الدىن لاستاۋدان ساقتايدى. ال ورامال شاشتىڭ بوگەت بولۋىنان، ءارى اس ازىرلەگەندە سانيتارلىق - گيگيەنالىق تالاپتاردى ساقتاۋ ءۇشىن قاجەت. الجاپقىشقا ارنالعان ماتا تۇكسىز، جەڭىل، تەز جۋىلاتىن، تىگىسى مىقتى بولۋى كەرەك. ەڭ باستىسى - شىتتان، زىعىر ماتادان تىگىلگەن بۇيىم تەز جۋىلادى، جاقسى ۇتىكتەلەدى، سىرت كورىنىسى تارتىمدى كەلەدى. كيىم تىگەردەن بۇرىن الدىمەن قانداي كيىم تىگۋدى ورنالاستىرۋ كەرەك. سودان كەيىن تاڭداعان كيىمدى قانداي ءسان ۇلگىسىمەن تىگەتىندى، سوعان لايىق ماتا ءتۇرىن تاڭداۋ قاجەت. تاڭداعان ماتانىڭ تىگەتىن بۇيىمعا ورنەگى، ءتۇسى ۇيلەسىمدى، سايكەس بولۋىن ەستەن شىعارماعان ءجون. وسى كەزدە بۇيىمعا قانداي ساندىك جۇمىستار جۇرگىزۋدى ويلاستىرعان ءجون. ساندەۋ ءۇشىن تاسپالار، سۋتاج، كومكەرمە تەسما قولدانادى.
ۇلگىلەۋ ەرەجەلەرى.
1. الجاپقىشتىڭ سىزىقتارىن وزگەرتۋ كەزىندە بولشەكتەردىڭ فورمالارى ءار ءتۇرلى بولماۋى كەرەك ەكەنىن ەستە ساقتاۋ كەرەك: ەگەر تومەنگى جاعى جارتىلاي دوڭگەلەك، ءۇشبۇرىش، تىكتورتبۇرىش بولسا، قالتاسى نەمەسە كەۋدەسى ءدال سونداي فورمادا بولۋى كەرەك.
2. ەگەر الجاپقىش ءتۇرلى - ءتۇستى ماتادان تىگىلسە، قيۋىن ءبىر ءتۇستى ەتۋ قاجەت، سونىمەن بىرگە ول ماتا ءتۇسىنىڭ بىرىنە سايكەس كەلۋى كەرەك.
3. نەگىزگى ماتانىڭ سۋرەتى نەعۇرلىم ءىرى، اشىق ءتۇستى بولسا، قالتاسىنىڭ، ەتەگىنىڭ سۋرەتى سوعۇرلىم ۇساق بولعانى دۇرىس.
4. اشىق ءتۇستى ماتالاردى اشىق ەمەس، اق، قارا، سۇر تۇستەرمەن ۇيلەستىرۋ كەرەك.
5. بوز، ءتۇسسىز ماتالاردى اشىق ءتۇستى قيىندارمەن بەزەندىرگەن ءجون.
ۇلگىلەۋدىڭ ءار ءتۇرلى تاسىلدەرىن ۇيرەتۋ:
1. كورنەكىلىكتەردەن كورسەتۋ
- الجاپقىشتىڭ تومەنگى بولىگىن ۇلگىلەۋ (قارا. پر. 1)
- الجاپقىشتىڭ قالتالارىن ۇلگىلەۋ (قارا. پر. 2)

V پراكتيكالىق جۇمىس:
– پراكتيكالىق جۇمىس بارىسىندا اعىمداعى ينسترۋكتاج جاساۋ؛
– ۇلگەرمەۋشىلەرگە كومەك كورسەتۋ؛
5
VI. وتكەن تاقىرىپقا اناليز جاساۋ جانە بەكىتۋ.
1. «مودەل» دەگەنىمىز نە؟
2. «ۇلگىلەۋ» دەگەنىمىز نە؟
3. ۇلگىلەۋدىڭ قانداي تۇرلەرىمەن تانىستىڭدار؟
4. الجاپقىشتى مودەلدەۋ نۇسقالارىن اتا؟
5. كوركەم مودەلدەۋ دەگەن نە، ول جۇمىستى كىم ورىندايدى؟
6. تەحنيكالىق مودەلدەۋ دەگەن نە، ول جۇمىستى كىم اتقارادى؟
7. مودەلدەۋدىڭ كەزەڭدەرىن اتاڭدار.
8. ماتاعا ءپىشىن بولىكتەرىن قالاي ورنالاستىرۋ كەرەك؟

VII. ساباقتى قورىتىندىلاۋ
– ساباقتىڭ ماقساتىنا جەتكەنىن حابارلاۋ.
– وقۋشىلاردى باعالاۋ.
– ۇيگە تاپسىرما بەرۋ.
VIII. ءۇي تاپسىرماسى: الجاپقىشتى ماتادان پىشۋگە ءپىشىم بولىكتەرىن دايىنداۋ، شىت ماتا، جۇمىس قورابى، ينەمەن جانە قايشىمەن جۇمىس قاۋىپسىزدىك ەرەجەلەرىن قايتالاۋ.