الماتىدا كوللەدجدەر ارالاس وقىتۋ فورماتىندا جۇمىستارىن باستايدى
الماتى كوللەدجدەرى جۇمىستارىن 24 قاڭتاردان باستايدى. كوللەدجەر ارالاس وقىتۋ فورماتىندا جۇمىس ىستەيدى، اتاپ ايتقاندا لەكسيا ساباقتارى ونلاين فورماتتا بولسا، پراكتيكالىق ساباقتار سانيتارلىق تالاپتاردى ساقتاي وتىرىپ، يكەمدى كەستە بويىنشا وففلاين رەجيمدە ۇيىمداستىرىلاتىن بولادى.
بۇل تۋرالى قالالىق ءبىلىم باسقارماسىنىڭ باسشىسى ءلاززات جىلقىبايەۆا مالىمدەدى.
«الماتىدا 73 مىڭنان استام ستۋدەنت ءبىلىم الاتىن 83 كوللەدج بار. 24 مىڭنان استام بالا وقيتىن 23 قوسىمشا ءبىلىم بەرۋ ۇيىمدارىندا جەكە جانە 10 ادامعا دەيىنگى توپتىق ساباقتار وفلاين رەجيمدە جۇرگىزىلەدى، قالعان ساباقتار ونلاين وتكىزىلەدى. ءقازىردىڭ وزىندە كوللەدج قىزمەتكەرلەرى اراسىندا قاجەتتى ءتۇسىندىرۋ جۇمىستارى جۇرگىزىلۋدە»،-دەدى ءلاززات جىلقىبايەۆا.
سونداي-اق ونىڭ ايتۋىنشا، الماتىدا ورتا ءبىلىم بەرۋ سالاسىندا 293 مەكتەپ جۇمىس ىستەۋدە، ونىڭ ىشىندە وتكەن جىلدىڭ جەلتوقسان ايىندا الاتاۋ مەن ناۋرىزباي اۋداندارىندا 2 جاڭا مەملەكەتتىك مەكتەپ اشىلدى جانە ولار وقۋ ۇدەرىسىن ۇيىمداستىرۋعا دايىندالۋدا.
وسىلايشا، مەملەكەتتىك مەكتەپتەردىڭ سانى 209-عا، ال جەكەمەنشىك مەكتەپتەردىڭ سانى 84-كە جەتتى، جالپى مەكتەپتەردە 302 مىڭنان استام وقۋشى ءبىلىم الۋدا.
You Might Also Like
-
جاپون ەلىنىڭ ءبىر قالاشىعىندا قارت سامۋراي تۇراتىن. ول ءوز شاكىرتتەرىن ءبىلىمدى، اقىلدى ەتىپ تاربيەلەيدى. ءبىر كۇنى ساباق بارىسىندا ءوزىنىڭ تارتىپسىزدىگى مەن قاتىگەزدىگىمەن ەلگە اتى جايىلعان جاۋىنگەر كە...
-
الماتىنىڭ ءبىلىم بەرۋ ۇيىمدارى ءۇشىنشى وقۋ توقسانىنىڭ باستالۋىنا قاجەتتى دايىندىق جۇمىستارىن جۇرگىزۋدە. بۇل تۋرالى ونلاين بريفينگتە قالالىق ءبىلىم باسقارماسىنىڭ باسشىسى ءلاززات جىلقىبايەۆا مالىمدەدى.
