InfoHub Logo

جاپون ەلىنىڭ ءبىر قالاشىعىندا قارت سامۋراي تۇراتىن. ول ءوز شاكىرتتەرىن ءبىلىمدى، اقىلدى ەتىپ تاربيەلەيدى. ءبىر كۇنى ساباق بارىسىندا ءوزىنىڭ تارتىپسىزدىگى مەن قاتىگەزدىگىمەن ەلگە اتى جايىلعان جاۋىنگەر كەلەدى.

ونىڭ وزىندىك اسكەري تاكتيكاسى بولاتىن. ول قارسىلاسىنا اۋىر سوزدەر ايتىپ، اشۋلاندىرادى. ىزالانعان قارسىلاسى جەكپە-جەككە شىعىپ، اشۋدىڭ سالدارىنان قاتەلىكتەر جىبەرىپ، جەڭىلەتىن.

بۇل جولى دا جاۋىنگەر قارت سامۋرايدى اشۋلاندىرۋ ءۇشىن اۋىر، بالاعات سوزدەرىن جاۋدىرادى. الايدا سامۋراي وعان قالت ەتپەيدى. الگى جىگىت ءۇش رەت قايتالاپ كورەدى. سامۋراي ساباعىن جالعاستىرا بەرەدى. ىزالانعان جاۋىنگەر ەسىكتى تەۋىپ، كەتىپ قالادى.

مۇنى باقىلاعان شاكىرتتەرى سامۋرايدان: «ۇستاز، نەگە ونىڭ مۇنداي تارتىپسىزدىگىنە جاۋاپ بەرمەدىڭىز؟ ونى جەكپە-جەككە شاقىرۋ كەرەك ەدى!» دەپ ىزالانادى.

دانا سامۋراي:

— سىزگە بىرەۋ سىيلىق الىپ كەلىپ، ءسىز قابىلداماساڭىز، ول سىيلىق كىمنىڭ قولىندا قالادى؟ — دەپ سۇرايدى.

— ءوزىنىڭ يەسىندە، — دەپ جاۋاپ بەرەدى شاكىرتتەرى.

— بۇل قىزعانىش، اشۋ، كەمسىتۋ مەن مىسقىلعا دا قاتىستى. ولاردى قابىلداماعانشا، بارلىعى ءوز يەسىندە قالادى، — دەيدى.

راسىندا دا، بىرەۋدىڭ اشۋلى ءسوزىن كوڭىلگە الماساڭىز، جۇيكەڭىز توزبايدى. دەمەك دەنساۋلىعىڭىز دا قالىپتى بولادى. ال قىزعانىش — اشۋمەن بىلىنەتىن، سوسىن كەككە اينالاتىن ىزالانۋ سەزىمىنىڭ ناتيجەسى، ول جاقسىلىقتىڭ بارلىعىن جالمايدى.قىزعانىشتى ءبىلدىرۋ جانە باسقالاردىڭ تومەن بولعانىن قالاۋ وتە ناشار قاسيەت، ىشتە ساقتاۋ بولسا جۇرەكتىڭ كەمەلدەنۋىن تەجەيدى.

بۇل وسيەت اڭگىمە ادامدى سابىرلى، كەشىرىمدى بولۋعا شاقىرادى.

---