الماتىلىق وقۋشىلار باا-دە مەنتالدى اريفمەتيكادان وتكەن جارىستى جەڭىپ الدى
الماتىداعى «Advance» زياتكەرلىك دامىتۋ ورتالىعىنىڭ وقۋشىلارى بىرىككەن اراب امىرلىكتەرىندە مەنتالدى اريفمەتيكادان وتكەن حالىقارالىق جارىستان جۇلدەلى ورالدى.
بۇگىندە ەلىمىزدە وقىتۋ ادىستەرىن ءتيىمدى قولدانۋ ارقىلى ماتەماتيكالىق ءبىلىم بەرۋگە باسا نازار اۋدارىلۋدا. سونىڭ ءبىرى - مەنتالدى اريفمەتيكا ادىستەمەسى. اتالعان باعىت بويىنشا قازاقستاندىقتاردىڭ الەمدەگى جەتىستىكتەرى دە از ەمەس.
ماسەلەن، وسى كۇندەرى ءباا ەلىندە اياقتالعان مەنتالدى اريفمەتيكادان وتكەن حالىقارالىق جارىستان الماتىداعى «Advance» زياتكەرلىك دامىتۋ ورتالىعىنىڭ وقۋشىلارى جەڭىسپەن ورالدى. اتاپ ايتقاندا، بەكارىس تاشمۇحامبەت، دارحان باۋەر، بەكزات قوندىباي، جۇماقان نۇركەندەر جارىستىڭ ەڭ جوعارعى اتاعى - «سۋپەر چەمپيون» اتالىمىندا وزىق شىقتى. سونداي-اق، تاعى 17 وقۋشى جۇلدەلى ورالدى.
وقۋشىلاردى دايىنداپ اپارعان ەلەنا بالعابايەۆانىڭ ايتۋىنشا، بىلىكتى ماماندار قازاقستاندىق وقۋشىلاردىڭ كورسەتكىشتەرىنە تاڭداي قاققان. ونىڭ سوزىنشە، مەنتالدى اريفمەتيكا بالالاردىڭ ينتەللەكتۋالدى قابىلەتىن كوتەرۋگە جانە دامىتۋعا سەپتىگىن تيگىزەدى. باستىسى، حالىقارالىق ارەنالاردا ەلدىڭ اتىن تانىتۋعا مۇمكىندىك. سول سەبەپتى اتالمىش زياتكەرلىك ورتالىعى وسىنداي اۋقىمدى جارىستاردان قالماۋعا تىرىسادى.
قازاقپارات
You Might Also Like
-
الماتى اكىمى باۋىرجان بايبەك ۇبت-دا ەڭ جوعارعى 140 باللدى جيناعان شيارا قۇدايبەرگەنوۆامەن كەزدەستى.
-
مىرزالار اۋلاسىنداعى ۇيرەك پەن تاۋىققا ارناپ سالىنعان اسەم جاڭا ۇيشىكتە گرەتا دەيتىن قۇس ءوسىرۋشى ايەل جاپادان-جالعىز قۇستارمەن بىرگە تۇراتىن. بۇل ۇيشىك مىرزانىڭ قامال سياقتاندىرىپ اينالا op قازىپ، ...
