InfoHub Logo

ناريمان قۇربانوۆ ەكولوگيالىق جارىسقا قولداۋ ءبىلدىرىپ، قالا تۇرعىندارىن تازالىققا شاقىردى الماتىدا «تازا قازاقستان» رەسپۋبليكالىق باعدارلاماسى اياسىندا ءوتىپ جاتقان اۋقىمدى «الماتى – ءبىزدىڭ ورتاق ءۇيىمىز» اتتى قالالىق ناۋقان جالعاسۋدا. 1 ناۋرىزدا باستالعان بۇل باستاماعا كۇن سايىن قاراپايىم تۇرعىنداردان باستاپ، وليمپيادا قاھارماندارىنا دەيىن كوپتەگەن ادام قوسىلىپ جاتىر، دەپ حابارلايدى Almaty.tv.

مىسالى، الماتىنىڭ اۋەزوۆ اۋدانىندا ەرەكشە جۇگىرۋ جارىسى ءوتتى. قاتىسۋشىلار وزدەرىنىڭ فيزيكالىق دايىندىعىن كورسەتىپ قانا قويماي، قورشاعان ورتانى قورعاۋعا دا بەلسەندى اتسالىسىپ، قوقىس جيناۋ جىلدامدىعى بويىنشا جارىستى. جارىسقا 2024 جىلعى پاريج وليمپياداسىنىڭ كۇمىس جۇلدەگەرى ناريمان قۇربانوۆ تا قوسىلدى.

«مەن سپورتشى رەتىندە، وليمپيادا جۇلدەگەرى رەتىندە بارلىق الماتىلىقتى جىل سايىنعى «الماتى – ءبىزدىڭ ورتاق ءۇيىمىز» ناۋقانىنا اتسالىسۋعا شاقىرامىن. الماتىدا تۋىپ-وسكەن ادام رەتىندە قالامىزدىڭ تازالىعى – قولىمىزدا ەكەنىن جاقسى تۇسىنەمىن. ءاربىر ازامات تەك ءۇيىنىڭ ەمەس، قالانىڭ دا تازالىعىنا ۇلەس قوسۋى كەرەك دەپ ويلايمىن. سوندا عانا ءبىز كوشەدە ەركىن ءجۇرىپ، قالامىزدىڭ سۇلۋلىعىنا سۇيسىنە الامىز»، – دەدى سپورتشى.

ايتا كەتەيىك، تىعىز كەستەسىنە قاراماستان، تانىمال سپورتشى سۇيىكتى قالاسىنىڭ يگىلىگى ءۇشىن ەكولوگيالىق اكسيالارعا ۇنەمى ۋاقىت تابادى.

«ءبىز ءاردايىم بارىنشا شىعۋعا، ءۇيىمىزدىڭ، مەكتەبىمىزدىڭ ماڭىن تازارتۋعا تىرىسامىز. بۇكىل كوماندامىزبەن وسىنداي اكسيالارعا بەلسەندى قاتىسامىز»، – دەدى ناريمان قۇربانوۆ.