الماتى وبلىستىق سوتى شەرزات ءىسى بويىنشا ۇكىمدى وزگەرىسسىز قالدىردى
الماتى وبلىستىق سوتى شەرزات ءىسى بويىنشا ۇكىمدى وزگەرىسسىز قالدىردى،-دەپ حابارلايدى ينفوحاب.كز.
الماتى وبلىستىق سوتىندا قوعامدا ۇلكەن رەزونانس تۋدىرعان شەرزات پولاتتى ءولتىرۋ ىسىنە قاتىستى اپەللياسيالىق شاعىم قارالدى. سۋديا دوسىمبەك قالداربەك ءىستى جان-جاقتى زەردەلەپ، تاراپتاردىڭ ءۋاجىن تىڭداعاننان كەيىن العاشقى ينستانسياداعى ۇكىمدى تولىق كولەمدە كۇشىندە قالدىردى.
اپەللياسيالىق شاعىمدى سەگىز سوتتالعان ادامنىڭ ادۆوكاتتارى تۇسىرگەن بولاتىن. ال توعىزىنشى ايىپتالۋشى — دۋمان ىسقاق جازاسىن وتەپ، بوستاندىققا شىققاندىقتان، شاعىمعا قاتىسقان جوق.
ەسكە سالا كەتەيىك، 5 ماۋسىمدا ءبىرىنشى ساتىداعى سوت وسى ىسكە قاتىستى ۇكىم شىعارعان ەدى. سوت شەشىمىمەن توعىز ادام كىنالى دەپ تانىلىپ، ولار ءبىر جارىم جىلدان 23 جىلعا دەيىنگى مەرزىمگە باس بوستاندىعىنان ايىرىلعان.
بۇل ءىس قوعامدا قىزۋ تالقىلانعان بولاتىن. جابىرلەنۋشى تاراپ سوتتىڭ ادىلدىگىنە كۇمان كەلتىرسە، ايىپتالۋشىلاردىڭ قورعاۋشىلارى جازانىڭ تىم قاتاڭ ەكەنىن العا تارتقان. الايدا وبلىستىق سوت العاشقى شەشىمدى وزگەرىسسىز قالدىرىپ، ءىستىڭ نۇكتەسىن قويدى.
You Might Also Like
-
دوللار باعامى ءبىرشاما تومەندەدى: نارىقتاعى جاڭا كورسەتكىشتەر
-
قىتايعا كەتكەننەن كەيىن حابارسىز كەتكەن كۇيەۋىن ىزدەگەن الماتى تۇرعىنى گۇلداريا شەرزاتقا سوت ايىپپۇل سالدى. بۇل تۋرالى Infohub.kz ءتىلشىسى حابارلادى.
