توقايەۆ زەلەنسكييمەن تەلەفون ارقىلى سويلەستى
10 تامىزدا قازاقستان پرەزيدەنتى قاسىم-جومارت توقايەۆ ۋكراينا باسشىسى ۆلاديمير زەلەنسكييمەن تەلەفون ارقىلى سويلەستى. اڭگىمە كييەۆتىڭ باستاماسىمەن ءوتتى.
كەزدەسۋ بارىسىندا ۋكراينا توڭىرەگىندەگى قاقتىعىستى رەتتەۋ جولدارى تالقىلاندى. مەملەكەت باسشىسى قازاق حالقىنىڭ ۋكراين حالقىنا، ونىڭ تاريحى مەن مادەنيەتىنە ەرەكشە قۇرمەتپەن قارايتىنىن اتاپ ءوتتى.
توقايەۆ قازاقستاننىڭ ۋكراينادا بەرىك بەيبىتشىلىكتىڭ ورناۋىنا مۇددەلى ەكەنىن جەتكىزىپ، بۇل پروسەستىڭ حالىقارالىق قۇقىق نورمالارىنا نەگىزدەلۋى قاجەت ەكەنىن ايتتى. ول استانانىڭ ءاردايىم ءادىل كەلىسىم فورمۋلاسى ءۇشىن ۇسىنىستار ءبىلدىرىپ كەلە جاتقانىن، سونىمەن بىرگە بۇۇ جارعىسىن، مەملەكەتتەردىڭ اۋماقتىق تۇتاستىعى مەن شەكاراسىنىڭ مىزعىماستىعىن ساقتاۋ قاعيداتىن قولدايتىنىن ەسكە سالدى.
پرەزيدەنتتىڭ پىكىرىنشە، قازىرگى كۇردەلى جاعدايدا شەشىمگە بايىپپەن كەلۋ ماڭىزدى. ول بارلىق تاراپتى ەجەلگى ناقىلعا سۇيەنە وتىرىپ، «جامان بەيبىتشىلىك جاقسى جانجالدان ارتىق» قاعيداسىن باسشىلىققا الۋعا شاقىردى.
You Might Also Like
-
تايلاند پەن كامبودجا اتىستى توقتاتۋعا كەلىستى
-
الماتىدا ابايدىڭ 180 جىلدىعىنا وراي كولىك قوزعالىسى ۋاقىتشا شەكتەلەدى
