قىتايدا جوعالعان كۇيەۋىن ىزدەۋگە، اكىمدىكتەن كومەك سۇراعان ايەلگە ايىپپۇل سالىندى
قىتايعا كەتكەننەن كەيىن حابارسىز كەتكەن كۇيەۋىن ىزدەگەن الماتى تۇرعىنى گۇلداريا شەرزاتقا سوت ايىپپۇل سالدى. بۇل تۋرالى Infohub.kz ءتىلشىسى حابارلادى.
گۇلداريا كۇيەۋى ءالىمنۇر تۇرعانبايدىڭ تاعدىرىنا الاڭداپ، بالا-شاعاسىمەن بىرگە الماتى قالاسى اكىمدىگىنىڭ الدىنا بارىپ، اكىمنىڭ شىعۋىن تالاپ ەتكەن. ول شەنەۋنىكتەردەن جولداسىن تاۋىپ بەرۋگە كومەكتەسۋدى سۇراعان. الايدا ايەلگە «بەيبىت جيىن وتكىزۋ ءتارتىبىن بۇزۋ» بابى بويىنشا ايىپ تاعىلىپ، ايىپپۇل سالىنعان.
«ايىپپۇل تولەيتىندەي جاعدايىم جوق. جولداسىمدى ىزدەيمىن بە، الدە ايىپپۇلعا اقشا ىزدەيمىن بە؟ ‘وندا قانشا تاۋلىك بولسا دا، جاتىپ وتەپ كەتەيىن’ دەسەم، ‘كامەلەت جاسقا تولماعان بالاڭىز بار’ دەدى»، — دەدى گۇلداريا شەرزات.
48 جاستاعى ءالىمنۇر تۇرعانباي 23 شىلدە كۇنى جۇمىس بابىمەن قىتايعا كەتكەن. سودان بەرى بايلانىسقا شىقپاعان. جولداسى ونى شەكارادا جۇڭگو پوليسياسى ۇستاعان بولۋى مۇمكىن دەپ سانايدى. ءبىراق قازاقستان مەن قىتايدىڭ ءتيىستى ورگاندارى ناقتى اقپارات بەرمەي وتىر.
ءالىمنۇر تۇرعانباي 2016 جىلى وتباسىمەن بىرگە قىتايدان كوشىپ كەلگەن. 2017 جىلى قازاقستان ازاماتتىعىن العان.
You Might Also Like
-
تاعدىر – ادامعا بەرىلگەن ەڭ كۇردەلى سىناق. ول بىزگە الدىن الا سۇراماي، ەسكەرتپەي-اق، توسىن مىنەز كورسەتىپ جاتادى. بىرەۋدى ەركەلەتىپ وسىرسە، ەندى بىرەۋدى ەرتە ەسەيتەدى. بىرىنە جول اشسا، ەكىنشىسىنە جۇك ارتادى. ال مەن ءۇشىن تاعدىر – اۋىر ساباقتاردىڭ، ىشكە بۇككەن جان ايقايلاردىڭ، ءۇنسىز كۇرەستىڭ اتاۋى.
-
7 تامىز – يادرولىق قارۋعا تىيىم سالۋ كۇنى. بۇل كۇن ادامزات تاريحىنداعى ەڭ قاسىرەتتى ساتتەردىڭ ءبىرى – 1945 جىلى حيروسيما قالاسىنا اتوم بومباسىنىڭ تاستالۋىمەن تىعىز بايلانىستى. سول كۇنى تاڭعى 8:15-تە ...
