InfoHub Logo

الماتى قالاسىنىڭ تۇرعىندارى سوڭعى كەزدەرى قالادا باسقا وڭىرلەردەن كەلگەن پوليسيا جاساقتارىنىڭ كوبەيىپ كەتكەنىن بايقاپ، الەۋمەتتىك جەلىدە ۆيدەولار تاراتا باستادى. اسىرەسە، استانا، اقمولا، قاراعاندى جانە باسقا دا وبلىستاردىڭ نومىرلەرى بار كولىكتەردىڭ جولداردا ءجيى كورىنۋى جۇرتشىلىقتىڭ نازارىن اۋداردى.

بۇل جاعدايعا قاتىستى بۇعان دەيىن مەسسەندجەرلەردە الماتىدا اۋقىمدى رەيدتەر جۇرگىزۋ ءۇشىن قوسىمشا پوليسيا ەكيپاجدارى جىبەرىلەتىنى تۋرالى حابارلامالار تاراعان بولاتىن. ىشكى ىستەر مينيسترلىگى مۇنداي تاجىريبەنىڭ بار ەكەنىن جانە ونىڭ ەل بويىنشا جۇيەلى تۇردە قولدانىلاتىنىن راستادى.

ۆەدومستۆونىڭ مالىمەتىنشە، بۇل شارالاردىڭ باستى ماقساتى – جول ەرەجەسىن بۇزۋشىلىقتاردى ازايتىپ، جولدارداعى ءتارتىپتى ارتتىرۋ. بارلىق تەكسەرۋلەر قولدانىستاعى زاڭناما اياسىندا جۇرگىزىلەدى.

ايتا كەتەيىك، بۇعان دەيىن الماتىدا رەزونانستى جول-كولىك وقيعاسى بولعان ەدى. قالا اكىمدىگى مەن پوليسيا باسشىلىعىنا قاتىستى داۋلار مەن تەرگەۋلەر دە وسى جاعدايلارعا بايلانىستى بولدى.