InfoHub Logo

الماتىدا 31 جاستاعى، جەتىنشى ايداعى جۇكتى اننا ەفەمەنكونىڭ ولىمىنە بايلانىستى تۋىستارى بىرنەشە مەديسينالىق مەكەمەدە دارىگەرلەردىڭ نەمقۇرايلىلىعى بولۋى مۇمكىن دەگەن كۇدىگىن العا تارتتى.

بۇل تۋرالى Infohub.kz اقپارات اگەنتتىگى حابارلايدى.

تۋىستارىنىڭ ايتۋىنشا

وتباسىنىڭ مالىمەتىنشە، جۇكتى ايەلگە ۋاقتىلى ءتيىستى كومەك كورسەتىلمەگەن. سالدارىنان ول جانە ءسابيى قايتىس بولدى.

جاقىندارىنىڭ ايتۋىنشا، قايعىلى وقيعا 4-5 مامىر ارالىعىنداعى تۇندە بولعان. اننا ۇيدە ەسىنەن تانىپ قالعان سوڭ، گرەس ىقشام اۋدانىنداعى اۋرۋحاناعا جەتكىزىلگەن.

تۋىستارىنىڭ سوزىنشە، ەمدەۋ مەكەمەسىندە ونىڭ تالداۋلارى شاتاستىرىلىپ، شۇعىل كومەكتىڭ ورنىنا قاراپايىم تامشىلاتىپ ءدارى بەرۋدى ۇسىنعان. وسىدان كەيىن وتباسى ايەلدى الماتىداعى №4 پەرزەنتحاناعا ءوز بەتتەرىمەن اپارۋعا شەشىم قابىلداعان.

قايتىس بولعان ايەلدىڭ جاقىندارىنىڭ ايتۋىنشا، پەرزەنتحانادا بىرنەشە ساعات بويى پاسيەنتكە تەكسەرۋلەر جۇرگىزىلىپ، تالداۋلار الىنىپ، ۋدز جاسالعان. بۇل ۋاقىتتا دارىگەرلەر بەينەبايلانىس ارقىلى ارىپتەستەرىمەن كەڭەسىپ وتىرعان.

«ولار شۇعىل كومەكتىڭ ورنىنا، بىرنەشە ساعات بويى تالداۋلار الىپ، ۋدز جاساپ، كۇيەۋىنىڭ كوزىنشە بەينەبايلانىس ارقىلى دارىگەرمەن كەڭەسىپ: «نە ىستەۋ كەرەك؟» دەپ سۇرادى»، - دەلىنگەن وتباسىنىڭ مالىمدەمەسىندە.

وتباسىنىڭ پىكىرىنشە، وسى ۋاقىتتا ايەلدىڭ جاعدايى ناشارلاعان. ولاردىڭ ايتۋىنشا، تەك تاڭعى ساعات سەگىز شاماسىندا پاسيەنت №2 پەرزەنتحاناعا اۋىستىرىلعان.

وتباسىنىڭ مالىمەتىنشە، سول جەردە دارىگەرلەر ايەل مەن ءسابيدىڭ ءومىرىن قۇتقارۋ ءۇشىن شۇعىل شارالار قولدانا باستاعان. انناعا جەدەلدەتىلگەن كەسار تىلىگى جاسالعان، الايدا نارەستەنى قۇتقارۋ مۇمكىن بولمادى. تۋىستارىنىڭ ايتۋىنشا، بۇعان قاتتى ىشكى قان كەتۋ سەبەپ بولعان.

كەيىن ايەل كوماعا تۇسكەن. بىرنەشە ساعاتتىق وپەراسيا مەن رەانيماسيا شارالارىنا قاراماستان، 7 مامىردا اننا ەفەمەنكو ساعات 00:32-دە قايتىس بولدى.

قايتىس بولعان ايەلدىڭ تۋىستارى مۇقيات تەرگەۋ جۇرگىزىپ، جوعالعان ۋاقىت پەن مەديكتەردىڭ ارەكەتتەرى ءۇشىن كىم جاۋاپتى ەكەنىن انىقتاۋدى تالاپ ەتەدى.

الماتى قوعامدىق دەنساۋلىق ساقتاۋ باسقارماسىنىڭ جاۋابى

الماتى قوعامدىق دەنساۋساقتاۋ باسقارماسىنىڭ وكىلدەرى پاسيەنتتىڭ قايتىس بولعانىن راستادى. الايدا، دارىگەرلەرگە قاتىستى ايىپتاۋلاردىڭ ازىرگە نەگىزسىز ەكەنىن اتاپ ءوتتى.

ۆەدومستۆونىڭ حابارلاۋىنشا، پاسيەنتكە بارلىق قاجەتتى مەديسينالىق كومەك كورسەتىلگەن، ال قورىتىندى تەك سوت-مەديسينالىق ساراپتامادان كەيىن جاسالادى.

الماتى قدب باسپا ءسوز قىزمەتىنىڭ مالىمەتىنشە، ايەل قالانىڭ ەمحانالارىنىڭ بىرىنە ءوز بەتىنشە مەديسينالىق كومەككە جۇگىنگەن. وندا قاجەتتى زەرتحانالىق جانە اسپاپتىق تەكسەرۋلەر، مامانداردىڭ قابىلداۋى جۇرگىزىلىپ، ودان ءارى ەمدەۋ تاكتيكاسى انىقتالعان.

«دياگنوزى، جۇكتىلىك مەرزىمى جانە ءۇشىنشى دەڭگەيلى مامانداندىرىلعان مەديسينالىق كومەك كورسەتۋ قاجەتتىلىگى ەسكەرىلىپ، پاسيەنتتى جەدەل جاردەم كولىگىمەن قالالىق پەريناتالدىق ورتالىققا اۋىستىرۋ تۋرالى شەشىم قابىلداندى»، - دەپ حابارلادى الماتى قدب وكىلدەرى.

باسقارمانىڭ حابارلاۋىنشا، پەريناتالدىق ورتالىققا تۇسكەننەن كەيىن دەرەۋ دارىگەرلەر كونسيليۋمى، شۇعىل ەمدەۋ-دياگنوستيكالىق شارالار جۇرگىزىلىپ، مامانداندىرىلعان كومەك كورسەتىلگەن.

«وكىنىشكە وراي، جۇرگىزىلگەن رەانيماسيالىق، حيرۋرگيالىق جانە قارقىندى ەمدەۋ شارالارىنا قاراماستان، پاسيەنت پەن ءسابيدى قۇتقارۋ مۇمكىن بولمادى»، - دەپ اتاپ ءوتتى ۆەدومستۆو.

سونداي-اق، قدب وكىلدەرى الەۋمەتتىك جەلىلەردە تاراتىلىپ جاتقان ايىپتاۋلار رەسمي تەكسەرۋ اياقتالمايىنشا وبەكتيۆتى بولىپ سانالمايتىنىن باسا ايتتى.

قازىرگى ۋاقىتتا سوت-مەديسينالىق ساراپتاما تاعايىندالدى. ونىڭ قورىتىندىسى بويىنشا ءولىمنىڭ ناقتى سەبەبى، وقيعانىڭ كلينيكالىق ءمان-جايلارى انىقتالىپ، كومەك كورسەتۋگە قاتىسۋشىلاردىڭ بارلىعىنىڭ ارەكەتتەرىنە قۇقىقتىق جانە مەديسينالىق باعا بەرىلەدى.

باسقارما سونداي-اق، دياگنوز، پاسيەنتتىڭ جاعدايى جانە ەمدەۋ تۋرالى اقپاراتتىڭ دارىگەرلىك قۇپياعا جاتاتىنىن جانە جاريالاۋعا جاتپايتىنىن ەسكە سالدى.