InfoHub Logo

قازاقستاندىقتاردىڭ نەسيە الۋ ءتارتىبى وزگەرەدى. 2027 جىلدىڭ 1 قاڭتارىنان باستاپ ازاماتتاردىڭ نەسيەلىك جۇكتەمەسىن شەكتەيتىن جاڭا تالاپ ەنگىزىلەدى. بۇل تۋرالى ۇلتتىق بانك مالىمدەدى.

بۇل تۋرالى Infohub.kz اقپارات اگەنتتىگى حابارلايدى.

نەسيە بويىنشا بەرەشەك كوەففيسيەنتى (نبك) دەگەنىمىز نە؟

نەسيە بويىنشا بەرەشەك كوەففيسيەنتى (نبك) – بۇل نەسيە الۋشىنىڭ بارلىق نەسيەلەرى مەن ميكروكرەديتتەرى بويىنشا جالپى بەرەشەگىنىڭ ونىڭ جىلدىق تابىسىنا قاتىناسىن كورسەتەتىن كورسەتكىش. بۇل جاڭا نەسيەنى دە قامتيدى.

«نبك 2024 جىلدىڭ تامىز ايىندا رەتتەۋ پراكتيكاسىنا ەنگىزىلدى جانە ازىرگە مونيتورينگ كەزەڭىندە. بۇل كورسەتكىش نەسيە الۋشىنىڭ بارلىق قولدانىستاعى قارىزدارى مەن ميكروكرەديتتەرى بويىنشا جيىنتىق بەرەشەگىنىڭ، سونىڭ ىشىندە جوسپارلانعان جاڭا نەسيەنى قوسقاندا، ونىڭ جىلدىق تابىسىنا قاتىناسىن بىلدىرەدى. بۇل قۇرال نەسيە الۋشىنىڭ مىندەتتەمەلەرىن ۋاقتىلى وتەۋ قابىلەتىن باعالاۋعا مۇمكىندىك بەرەدى»، - دەپ ءتۇسىندىردى ۇلتتىق بانك.

جاڭا شەكتەۋ

ۇلتتىق بانك نبك-نىڭ شەكتى ءمانىن نەسيە الۋشىنىڭ 8 جىلدىق تابىسىنا تەڭ دەپ بەلگىلەۋدى جوسپارلاپ وتىر. بۇل رەتتە، رەتتەۋشى ورگان اۆتوكرەديتتەۋ، يپوتەكالىق جانە تۇتىنۋشىلىق نەسيەلەر سەگمەنتتەرىن باقىلاۋدى جالعاستىرادى، ءبىراق ولار بويىنشا بولەك ليميتتەر بەلگىلەنبەيدى.

ەگەر تاۋەكەلدەر ارتسا، ۇلتتىق بانك ءارتۇرلى شەكتەۋلەر ەنگىزۋگە نەمەسە نبك-نىڭ جالپى دەڭگەيىن وزگەرتۋگە قۇقىلى بولادى.

نبك قالاي ەسەپتەلەدى؟

نەسيە بويىنشا بەرەشەك كوەففيسيەنتى نەسيە الۋشىنىڭ جيىنتىق مىندەتتەمەلەرىنىڭ ونىڭ جىلدىق تابىسىنان قانشا ەسە اساتىنىن كورسەتەدى. ەسەپتەۋ فورمۋلاسى كەلەسىدەي:

نبك = (ققز + جنق) / جتك

مۇنداعى:

8 دەگەن سان نەنى بىلدىرەدى؟

ەگەر نبك 8-گە تەڭ بولسا، بۇل نەسيە الۋشىنىڭ جالپى بەرەشەگى، جاڭا نەسيەنى قوسقاندا، ونىڭ سەگىز جىلدىق تابىسىنا دەيىن جەتۋى مۇمكىن ەكەنىن بىلدىرەدى.

بۇل كورسەتكىش نە ءۇشىن ەنگىزىلەدى؟

ۇلتتىق بانك اتاپ وتكەندەي، بۇل شارا حالىقتىڭ نەسيەگە شامادان تىس ۇمتىلىسىن ازايتۋعا، قارجىلىق تۇراقتىلىقتى نىعايتۋعا جانە نەعۇرلىم تەڭدەستىرىلگەن نەسيە جۇيەسىن قالىپتاستىرۋعا باعىتتالعان.

قازاقستاندا نەسيە بەرۋدىڭ جاڭا ەرەجەلەرى

ەستەرىڭىزگە سالا كەتەيىك، 1 شىلدەدەن باستاپ قازاقستاندا نەسيە بەرۋ ەرەجەلەرى وزگەرەدى. بانكتەر نەسيە الۋشىلاردىڭ تابىسى مەن بەرەشەك جۇكتەمەسىن قاتاڭ باعالاي باستايدى. ۇلتتىق بانك دەرەكتەرى بويىنشا، بەرەشەك جۇكتەمەسى كوەففيسيەنتىن (بجك) جانە نەسيە بويىنشا بەرەشەك كوەففيسيەنتىن (نبك) ەسەپتەۋ كۇشەيتىلەدى. نەگىزگى نازار رەسمي تابىستارعا اۋدارىلادى – بانكتەر زەينەتاقى اۋدارىمدارى مەن مەديسينالىق ساقتاندىرۋ جۇيەسىنىڭ دەرەكتەرىن ەسكەرەتىن بولادى. تىركەلگەن تابىسى جوق ازاماتتارعا نەسيە الۋ قيىنداي تۇسەدى.

بۇل وزگەرىستەر ەڭ الدىمەن بەيرەسمي نەمەسە تۇراقسىز تابىسى بار ازاماتتارعا اسەر ەتەدى.