InfoHub Logo

بەلگىلى اكتەر تۇڭعىشباي جامانقۇلوۆ ءوزىنىڭ جۇبايى ءداريا ابدىمالىك قىزى جۇسىپپەن قالاي تانىسىپ، شاڭىراق كوتەرگەنى تۋرالى بۇرىن ەستىمەگەن قىزىقتى جايتتاردى ايتىپ بەردى.

بۇل تۋرالى Infohub.kz اقپارات اگەنتتىگى حابارلايدى.

اكتەردىڭ ايتۋىنشا، ول ءوزىنىڭ شاكىرتىنە عاشىق بولىپ، كەيىن ۇيلەنگەن. جامانقۇلوۆتىڭ سوزىنشە، ءدارياعا دەگەن سەزىمى بىرتە-بىرتە تەرەڭدەپ، ۇلكەن ماحابباتقا اينالعان.

ماحاببات جاسقا قارامايدى

«مەن ءوزىمنىڭ شاكىرتىم ءدارياعا ۇيلەندىم عوي. ەسىمنەن تاندىردى، عاشىق بولدىم، ۇيلەندىم. جاسى ءبىراز جاس. ارامىز ەكى مۇشەل. ەكى ۇل ءبىر قىزىمىز بار، قۇدايعا شۇكىر، قاسىمدا. ءالى دە باسىمدا بولمايدى دەپ گارانتيا بەرە المايمىن»، – دەپ ازىلدەدى تۇڭعىشباي جامانقۇلوۆ.

اكتەر جۇبايىنا دەگەن سەزىمىن ەرەكشە ىقىلاسپەن جەتكىزىپ، وتباسىلىق ومىرىنە ريزاشىلىعىن ءبىلدىردى. ول ادامنىڭ جۇرەگىنە ءامىر جۇرمەيتىنىن جانە ومىردە ءتۇرلى جاعدايلار بولاتىنىن اتاپ ءوتتى.

تۇڭعىشباي جامانقۇلوۆ كىم؟

تۇڭعىشباي قادىر ۇلى جامانقۇلوۆ – قازاق تەاتر جانە كينو ونەرىنىڭ كورنەكتى تۇلعاسى، رەجيسسەر ءارى تەاتر پەداگوگى. 1948 جىلى جامبىل وبلىسىندا دۇنيەگە كەلگەن ول جاستايىنان ونەرگە جاقىن بولىپ، اكتەرلىك ماماندىقتى تاڭداعان.

1970 جىلى مۇحتار اۋەزوۆ اتىنداعى قازاق مەملەكەتتىك اكادەميالىق دراما تەاترىنا قابىلدانعان اكتەر، 1973 جىلى قازاق ۇلتتىق كونسەرۆاتورياسىنىڭ اكتەرلىك فاكۋلتەتىن ءتامامدادى. ساحنادا باقتىعۇل، سىرىم، ابىلاي حان سياقتى كوپتەگەن بەينەلەردى سومداپ، كورەرمەن ىقىلاسىنا بولەندى.

كينو سالاسىندا دا «وتىراردىڭ كۇيرەۋى» فيلمىندەگى قايىرحان ءرولى ءۇشىن قازاقستان رەسپۋبليكاسىنىڭ مەملەكەتتىك سىيلىعىن العان. اكتەرلىك قىرىنان بولەك، رەجيسسەر رەتىندە دە ونەرگە ەلەۋلى ۇلەس قوسقان. 1993-2001 جىلدارى مۇحتار اۋەزوۆ اتىنداعى تەاتردىڭ باس ديرەكتورى قىزمەتىن اتقاردى.

ەڭبەگى ءۇشىن تۇڭعىشباي جامانقۇلوۆ قازاقستاننىڭ ەڭبەك سىڭىرگەن ءارتىسى، قازاقستاننىڭ حالىق ءارتىسى، پاراسات جانە دوستىق وردەندەرىمەن ماراپاتتالعان.