الماتىدا زاڭسىز سالىنعان تاعى ءبىر نىسان بۇزىلىپ جاتىر
الماتىدا زاڭسىز سالىنعان تاعى ءبىر قۇرىلىس نىسانى سوت شەشىمىمەن بۇزىلىپ جاتىر. الماتىنىڭ قالا قۇرىلىسى باقىلاۋ باسقارماسىنىڭ مالىمدەۋىنشە، گاگارين داڭعىلى، 284 مەكەنجايىنداعى نىسان زاڭسىز دەپ تانىلدى.
نىسان يەسىنە قاتىستى اكىمشىلىك شارالار قولدانىپ، بۇزۋشىلىقتاردى جويۋ تۋرالى نۇسقاما بەرىلگەن بولاتىن. سونىمەن قاتار، قۇرىلىس جۇمىستارى مەتالل قۇرىلىمداردى ورناتۋ كەزەڭىندە توقتاتىلدى. نۇسقاما مەرزىمى اياقتالعان سوڭ، الماتى قالاسىنىڭ مامانداندىرىلعان اۋدانارالىق ەكونوميكالىق سوتىنا نىساندى بۇزۋ تۋرالى تالاپ ارىز بەرىلدى. 2024 جىلعى 22 اقپاندا سوت بۇل تالاپتى قاناعاتتاندىردى.
بۇزىلۋ جۇمىستارى ادىلەت دەپارتامەنتى مەن سوت ورىنداۋشىلارىنىڭ قاتىسۋىمەن باستالىپ، قۇرىلىس نىسانىنىڭ بۇزىلۋى جالعاسىپ جاتىر.
ەسكە سالا كەتەيىك، الماتى قالاسىنىڭ اكىمى ەربولات دوسايەۆتىڭ قۇرىلىسقا باقىلاۋدى كۇشەيتۋ تۋرالى تاپسىرماسى اياسىندا 2023 جىلدىڭ باسىنان بەرى 71 زاڭسىز نىسان تولىقتاي نەمەسە جارتىلاي بۇزىلعان، ونىڭ ىشىندە «مەچتا»، KHAN تۇرعىن ءۇي كەشەندەرى جانە تاعى باسقالارى بار.
You Might Also Like
-
تايلاندتا دەمالىپ جۇرگەن قازاقستاندىق تۋريستەر كۇتپەگەن وقىس وقيعاعا تاپ بولدى. جەرگىلىكتى تەڭىز كولىگىنە مىنگەننەن كەيىن، كاتەر كەنەتتەن جارىلىپ، تولىقتاي وتقا ورانعان. سالدارىنان ەكى وتانداسىمىز ...
-
كۇنى كەشە عانا سوعىس ورتىنە ورانعان ۋكراينا بۇگىندە جاھاندىق قاۋىپسىزدىك يندۋسترياسىنداعى ويىن ەرەجەسىن قايتا جازىپ جاتىر. اۋىر ارتيللەريامەن اتوي سالىپ، شەكاراسىن بۇزىپ كىرگەن رەسەي ارمياسى مەن ءاس...
