InfoHub Logo

قازاقستاندا 2025 جىلدىڭ 8 ساۋىرىنەن باستاپ موپەد جۇرگىزۋگە قويىلاتىن تالاپتار زاڭ جۇزىندە قاتاڭداتىلدى. مەملەكەت باسشىسى قاسىم-جومارت توقايەۆ قول قويعان جاڭا وزگەرىستەر كۇشىنە ەنىپ، موپەد مىنۋشىلەر ەندى كادىمگى كولىك جۇرگىزۋشىلەرىمەن تەڭ دارەجەدە جاۋاپكەرشىلىككە يە بولدى.

بۇرىن جاي عانا «تەمىر تۇلپارعا» ءمىنۋدىڭ جەڭىل ءتۇرى سانالاتىن موپەدتى ەندى كەز كەلگەن ادام مىنە المايدى. جاڭا تالاپتار بويىنشا:

موپەد مىندەتتى تۇردە تىركەلۋى كەرەك؛

جۇرگىزۋشىدە ارنايى كۋالىك بولۋى ءتيىس؛

ساقتاندىرۋ ءپوليسى – مىندەتتى تالاپ؛

تەحنيكالىق بايقاۋدان ءوتۋى قاجەت؛

قورعانىس شلەمى – زاڭمەن بەلگىلەنگەن شارت؛

موپەدتىڭ تەحنيكالىق جاعدايى تولىق جارامدى بولۋى كەرەك.

جاڭا زاڭ تالاپتارى جول قاۋىپسىزدىگىن ارتتىرىپ، كولىك جۇرگىزۋ مادەنيەتىن جاقسارتۋعا باعىتتالعان. ەندى موپەدتى «قالا ىشىندە تەز جەتۋ قۇرالى» دەپ قانا ەمەس، تولىققاندى كولىك رەتىندە قابىلداۋ قاجەت.

بۇدان بىلاي «مىنگىزىپ جىبەرشى» دەگەن ءسوزدىڭ دە سالماعى اۋىر – جاۋاپكەرشىلىك زاڭمەن بەكىتىلگەن.