InfoHub Logo

بۇگىن بلوگەرلەردى جيناپ، ۇلتتىق ءبىرىڭعاي تەستىلەۋدىڭ جاڭا فورماتى تۋرالى اڭگىمەلەگەن ۇلتتىق تەست ورتالىعىنىڭ ديرەكتورى رامازان ءالىمقۇلوۆ «التىن بەلگىنى» ەندى ءبىلىم مينيسترلىگى ەمەس، ءار مەكتەپتىڭ ءوز ۇجىمى بەلگىلەيتىنىن ايتىپ بەردى، دەپ قازاقپارات حابارلايدى.

«التىن بەلگىنى» بۇرىن تەست تاپسىرعاننان كەيىن ءبىلىم مينيسترلىگى ءوز بۇيرىعىمەن بەكىتەتىن. ەندى، ۇلتتىق ءبىرىڭعاي تەستىلەۋدىڭ جاڭا فورماتىنا سايكەس، «التىن بەلگىنى» مەكتەپ ۇجىمىنىڭ ءوزى بەلگىلەيدى. بىلايشا ايتقاندا، «التىن بەلگىنى» مەكتەپتەردىڭ ۇياتىنا قالدىردىق»، - دەدى رامازان ءالىمقۇلوۆ.

«التىن بەلگىنى» مەكتەپ ۇجىمى ءوزى بەلگىلەي السا، قاي مەكتەپتە نەشە «التىن بەلگى» يەگەرى بار» دەگەن رەيتينگتى قۋالاعان مەكتەپتەر ولاردىڭ سانىن كۇرت كوبەيتپەي مە؟ بالاسىنا «التىن بەلگى» الىپ بەرگىسى كەلگەن اتا-انا ءوز اۋىلىنداعى مەكتەپ ديرەكتورىنا پارا ۇسىنباسىنا كىم كەپىل؟» دەگەن قازاقپارات ءتىلشىسىنىڭ سۇراعىنا ءبىلىم جانە عىلىم مينيسترلىگى مەكتەپكە دەيىنگى جانە ورتا ءبىلىم دەپارتامەنتىنىڭ ديرەكتورى جاڭىل جونتايەۆا بىلاي دەپ جاۋاپ بەردى:

«جىلدا بىزدە 5 مىڭعا جۋىق وقۋشى «التىن بەلگىگە» ۇمىتكەر رەتىندە تىركەلەتىن. ونىڭ ىشىندە وتكەن جىلى سول 5 مىڭ وقۋشىنىڭ 52 پايىزى «التىن بەلگىسىن» دالەلدەدى. ەندى «التىن بەلگىنى» بەكىتۋ قۇقىعىن مەكتەپ ۇجىمىنا بەردىك. بۇرىن «التىن بەلگىنى» ۇلتتىق ءبىرىڭعاي تەست تاپسىرعاننان كەيىن ءبىلىم مينيسترلىگى بۇيرىقپەن بەكىتەتىن. ەگەر تەستتەن سۇرىنبەي ءوتىپ، ءبىلىمىن دالەلدەي السا؟  ال ءقازىر بۇيرىقتى مەكتەپتىڭ ديرەكتورى شىعارادى. مەكتەپتىڭ ديرەكتورى پەداگوگيكالىق كەڭەستىڭ شەشىمىمەن كەڭەسىپ، بۇيرىعىن شىعارادى.سۇراعىڭىزدىڭ جانى بار. بيىل «التىن بەلگى» يەگەرلەرى كۇرت كوبەيەدى دەگەن قاۋەسەت بار. ءبىراق،  مىنا ءبىر جايتتى قاپەردە ۇستاڭىزدار. ويتكەنى، وسىعان دەيىن «التىن بەلگىنى» العان بالا ۇلتتىق ءبىرىڭعاي تەستىلەۋدەن بوساتىلاتىن. ەندى «التىن بەلگى» مەكتەپتىڭ رەيتينگىسىنە دە اسەر ەتە المايدى. ءبىراق، «التىن بەلگى» يەگەرى مەن باسقا وقۋشىنىڭ تەستىدەگى بالى بىردەي بولسا، گرانت «التىن بەلگىگە» بەرىلەدى. راس، شەتەلدەردىڭ كوبىندە «التىن بەلگى» دەگەن جوق. شىنىن ايتساق، بۇل كەڭەس وكىمەتىنەن قالعان بەلگىمىز. بۇگىنگى كۇنى بالالارعا موتيۆاسيا بەرۋدىڭ بىردەن ءبىر جولى - «التىن بەلگى»، - دەيدى ج.جونتايەۆا.

---