امىرەنىڭ ارمانى
امىرە — التايدا تۋىپ، كەيىنىرەك ەرەنقابىرعاعا كوشىپ كەلىپ مەكەندەگەن. كۇيشى، قولونەرشىلىكپەن جان باعىپ، ەتىكشى، اعاششى، تەمىرشى بولعان. جاس ورتاسىندا ايەلى قايتىس بولىپ، جالعىز ۇلىنان باسقاسىن اۋرۋ جالماپ كەتەدى. بۇل سوققى وعان قاتتى باتادى. ۋايىم-قايعى بۇلتى باسىنان اينالىپ شىقپايدى. جالعىز ۇلى ازامات بولىپ قالسا دا، اياعىن قول قىسقالىقتان شىرماي المايدى. ءوستىپ جۇرگەندە سول جالعىزى دا ءولىپ، قۋ باسى عانا قالادى. جالعىزىنىڭ قىزىعىن كورە الماي، ودان ايىرىلىپ قالعانىنا قاتتى نازالانىپ، ەسىنەن تانا جازدايدى. حالىق جيىلىپ، ءقابىر باسىنان قايتا ورالعاننان كەيىن، ەل ىشىندەگى ءتىلدى، جاقتى ادامدار امىرەنىڭ كوڭىلىن اۋلاپ جاقسى سوزدەرىن ايتىپ ونى جۇباتادى.
وسى كەزدە دومبىراشى امىرە، اشادا ءىلۋلى دومبىراسىن قولىنا الىپ، ءبىر مۇڭلى كۇيدى:
وي، جالعان، جالعان اي!
جالعاننان كوڭىل قالعان اي!
جالبارىنىپ وتكەن اللامنىڭ،
جالعىزىمدى دا العانى-اي!
كوكىرەگىمە شەر بوپ بايلاندى،
تاۋسىلمايتىن مىنا ارمان-اي!
—
دەپ كۇڭىرەنتىپ شەرتە جونەلگەن ەكەن. سودان باستاپ قالعان ءومىرىنىڭ ءار كۇنى نامازىن وتەگەننەن كەيىن قولىنا دومبىراسىن الىپ، بالاسىنىڭ ولىمىنە ارناعان وسى «ارمان» كۇيىن شەرتىپ وتكىزگەن ەكەن.
You Might Also Like
-
ەرتەدە ونەرى ەلگە تاڭسىق، ولەڭىنە قاۋىم عاشىق، كۇيىمەن ەسسىزگە ەس ءبىتىرىپ، ەستىنىڭ دەلەبەسىن قوزدىراتىن اتاقتى جانجىگىت دەيتىن سال بولعان ەكەن.
-
ەرەنقابىرعادا اتى شىققان اتاقتى سىبىزعىشى قۇرىش دەگەن ادام وتكەن. ونىڭ «ورازبايدىڭ اق بەلبەۋى اتى» دەگەن ءوز تۋىندىسىن كوپ تارتىپ، حالىق كۇيى ەتىپ قالدىرعان. اق بەلبەۋ ءبىر كەدەيدىڭ ءجۇيرى...
