اقىمجاننىڭ قوڭىر كۇيى
اقىمجان — التاي وڭىرىندە جاساعان اتاقتى كۇيشى، سىبىزعىشى ونەرىمەن ەلگە تانىلعان ادام ەكەن. سول تۇستا ونىڭ ونەرىنە تاڭداي قاققان ۇكىرداي، بيلەر قايدا بارسا دا، اقىمجاندى قاستارىنان تاستاماي ەرتىپ ءجۇرىپ، سىبىزعى تارتتىرىپ قىزىقتايتىن بولعان. اقىمجاننىڭ «قوڭىر كۇيى» سول كەزدە ەرەنقابىرعاعا دەيىن كەڭ تارالعان كۇي باسى ەدى. اقىمجان سىبىزعى تارتقاندا باسىنداعى كەپەشى بىردە جەلكەسىنە كەتسە، بىردە ماڭايىنا كەلىپ ءجۇرىپ تۇرادى ەكەن. كۇيشى ءوزى جىلقى باعۋدى ۇناتىپتى، ەستىگەن قۇلاققا قاراعاندا، اقىمجان جىلقىنى سىبىزعىمەن جۋساتادى ەكەن. ول سىبىزعى تارتقاندا، جىلقى قۇلاعىن قايشىلاپ، ەرىنى جىبىرلاپ، مۇلىگىپ تىڭداپ قالادى ەكەن. بىردە ءبىر بايدىڭ جىلقىسىن جورتۋىلشىلار قۋا قاشىپ بارا جاتقاندا، اقىمجان سىبىزعى تارتقان ەكەن. سوندا ايداۋداعى جىلقى توقتاپ، قايتا جەلىسىنە ورالىپتى.
قازاقتىڭ كوپتەگەن سىبىزعى كۇيىن اقىمجان اقساقال كەيىنگى ۇرپاققا جالعاستىرىپ، تانىتىپ، مۇرا ەتىپ قالدىرىپ كەتكەن. قاي جەردە ويىن-ساۋىق، توپ بولسا، توي باسىن «اقىمجاننىڭ قوڭىر كۇيىمەن» باستاۋ ادەتكە اينالعان.
You Might Also Like
-
ەرەنقابىرعا وڭىرىندە ون ساۋساعى تۇگەل ونەر راقىم دەگەن شەبەر وتكەن. ول قازاق حالقىنىڭ مادەني ءومىرى مەن زاتتىق تۇرمىسىنا قاجەتتى بۇيىمداردى ونەر ورەسىنە كوتەرگەن، ونەرمەن قالىڭ قاۋىمعا تانىلعان شەبە...
-
مۇحيت بيتەنوۆتىڭ كۇيى. «ءۇش بالام» كۇيىن 1962 جىلى اۆتوردىڭ ءوزى ورىنداپ، ونىڭ شىعۋ تاريحىن دا ايتىپ بەردى.
