InfoHub Logo

الەمدەگى ەڭ سۇلۋ جانە ەڭ كەرەمەت اتاۋ – «انا». ونىڭ ءقادىرى مەن قاسيەتىن ءتۇسىنىپ ءبىتۋ مۇمكىن ەمەس. ويتكەنى ءتۇن ۇيقىسىن ءتورت ءبولىپ، ءسىز ءۇشىن ول-ولگەنشە جانىن بەرەتىن انانىڭ بالاعا دەگەن ماحابباتى ماڭگىلىك، شەكسىز. العاش كوزىڭدى اشقان كەزدە باۋىرىنا باسىپ، «بالام» دەگەن اناڭنىڭ ءالديى، بارىن بەرىپ جوعىنا قاناعات تانىتقان – اناڭ. دۇنيەدە انا ماحابباتىنان قاسيەتتى نارسە جوق. انانىڭ الاقانى – ءبىز ءۇشىن ەڭ جىلى ۇيا. انانىڭ جانى سونداي ءناپ - نازىك، مەيىرىمدى جان عوي. ءتۇن ۇيقىسىن ءتورت ءبولىپ، شىرىلداساڭ ۋاتىپ، الپەشتەپ، جىرىن ايتىپ،كيىمىڭدى تازالاپ، ءدامدى اس ىشكىزىپ ماپەلەيدى، ەركەلەتەدى، قاناتتىعا قاقتىرماي، تۇمسىقتىعا شوقتىرماي ءوسىرىپ، باعىپ – قاعادى. مەن اناما قانشا العىس ايتسام دا، ءومىر بويى اناما قارىزدارمىن. سەبەبى ول مەنى توعىز اي، توعىز كۇندە جۇرەگىنىڭ استىندا امان ساقتاپ، جارىق مىنا كەرەمەت ءومىردى سىيلادى.مەككەگە جەتى رەت ارقالاپ اپارعاننىڭ وزىندە قارىزىن وتەي الماسسىڭ.  انا سياقتى باقىتىڭدى ويلاپ، تابانىڭا كىرگەن تىكەندى ماڭدايىنا كىرگەنىن قالايتىن ادام جوق. شىن باقىتىڭدى ويلاپ، جانىن قۇربان ەتۋگە دايار جالعىز ادام ول — انا. انا – ءۇيدىڭ بەرەكەسى، قىز بالانىڭ ونەگەسى، شارۋانىڭ نەسىبەسى. انانىڭ كوزىنەن نۇر توگىلىپ، جان-جاعىنا شۋاعىن توگەدى. وسى شۋاقپەن جىلىنىپ، اسىل انانىڭ قۇشاعىندا مەيىر الىپ جۇرگەن ءبىز – التىن انانى ماڭگى قاستەرلەپ، ەڭبەگىن باعالايىق. سەبەبى ادام ومىردە «ادام» بولعىسى كەلسە، الدىمەن انانى قاستەرلەي ءبىلۋى كەرەك ەمەس؟!كەز كەلگەن ادامنىڭ ادەپتىلىگى مەن جان-دۇنيەسىنىڭ سۇلۋلىعى ەڭ الدىمەن بالاعا اق ءسۇتىن بەرىپ، الپەشتەپ وسىرگەن انا جۇرەگىنىڭ جىلۋىنان باستالادى. بالا بويىنداعى ەڭ جاقسى قاسيەتتەر دە ەڭ الدىمەن انادان تارايدى. الەمدەگى ەڭ كەشىرىمدى، ەڭ مەيىرىمدى جان – انا. انا بالاسى قانداي قاتەلىك جاساسا دا كەشىرەدى. ونىڭ مەيىرىمدىلىگىندە شەك جوق. انا بولۋ - بۇكىل ومىرىنە كەتەتىن رۋحاني كۇش پەن ەرەن ەڭبەك. ءوز بالاسىن باعىپ-قاعۋدا انا ءوزىن-وزى ۇمىتىپ، بارلىق كۇش-جىگەرىن پەرزەنتىنە جۇمسايدى، ول ارقىلى ونى جانى نۇرلانا، نارلەنە تۇسەدى. انانى بارىنشا قۇرمەت تۇتىپ، قاستەرلەۋ ءاربىر بالانىڭ بورىشى. انانىڭ مەيىرىمى جان-جاعىنا ءوز شۋاعىن توگەدى. وسى شۋاقپەن جىلىنىپ، اسىل انانىڭ قۇشاعىندا مەيىرىم الىپ جۇرگەن بارشا ادامزات انالاردى ماڭگى ارداقتاپ، ايالاي بىلسە، بۇدان اسقان باقىت جوق شىعار.

اۆتورى: نۇرجىگىت بالنۇر، قازاقستان تاريح كافەدراسىنىڭ دوسەنتى دجولدىبايەۆا ۋ.م

---