InfoHub Logo

قازىرگى كۇندە ەلىمىزدە كوپتەگەن جوعارعى وقۋ ورىندارى جالىندى، جىگەرلى جاستارعا ءار سالاداعى ماماندىقتار بويىنشا ءبىلىم بەرىپ جاتىر. سولاردىڭ ىشىندە ەڭ ۇزدىك ءبىلىم بەرۋ وشاقتارىنىڭ ءبىرى، ءارى بىرەگەيى - قارا شاڭىراق ءال-فارابي اتىنداعى قازاق ۇلتتىق ۋنيۆەرسيتەتى.
ۋنيۆەرسيتەتىمىزدىڭ نەگىزى 1934 جىلى قالانىپ، 88 جىل بويى جاستاردى ءبىلىم نارىمەن سۋسىنداتىپ، ناعىز بىلىكتى مامانداردى دايارلاپ كەلەدى.  بۇگىندە ۋنيۆەرسيتەتتىڭ 14 فاكۋلتەتىندە 32000 مىڭنان استام ستۋدەنت بولاشاق بىلىكتى مامان بولۋعا دايارلانىپ جاتىر. ءبىلىم الۋشىلارعا بارلىق جاعداي جاسالعان. جالپى اۋماعى 100 گەكتاردى الىپ جاتقان قازۇۋ قالاشىعىندا ءو. جولداسبەكوۆ اتىنداعى ستۋدەنتتەر سارايى، "كەرەمەت" ستۋدەنتتەرگە قىزمەت كورسەتۋ ورتالىعى جانە مەديسينالىق ورتالىق، كومپيۋتەرلىك ورتالىق، جاتاقحانالار، جاس عالىمدار ءۇيى، سپورت كەشەنى مەن ستاديون، سونىمەن قاتار، ماقتانىشىمىزعا اينالعان، تمد ەلدەرىندەگى جالعىز اۋقىمدى "ءال-فارابي" كىتاپحاناسى  ستۋدەنتتەر يگىلىگى ءۇشىن جۇمىس جاساپ كەلەدى. كىتاپحانا ساباق وقۋعا وتە جايلى، كوپشىلىك ستۋدەنتتەرگە، جانە ماعان دا ول جەردە ۋاقىت وتكىزگەن ۇنايدى،  ساباق وقيمىز، وقۋ زالىندا ءبىر توپتا، ءبىر فاكۋلتەتتە وقيتىن دوستارىمىزبەن سويلەسىپ، پىكىر الماسىپ، بىر-بىرىمىزگە ساباققا كومەكتەسەمىز،  جوعارعى قاباتىندا  كونفەرەنسيا زالىندا تاعىلىمدى تۇلعالارمەن كەزدەسۋلەر ءجيى بولىپ تۇرادى. تاعى ايتا كەتەتىن  جايت، قازۇۋ قالاشىعى ورنالاسۋ جاعىنان ىڭعايلى بولۋى، ءبىلىم بەرۋ جاعىنىڭ جوعارى دەڭگەيى، سونداي-اق جايلى، جىلى ستۋدەنتتەر ءۇيى مەن  قىزىقتى ستۋدەنتتىك ءومىر. ۋنيۆەرسيتەت اياسىندا ستۋدەنتتەردىڭ كوشباسشىلىق، ۇيىمداستىرۋشىلىق، دوستىق، جاناشىرلىق قاسيەتتەرىن دامىتۋ ماقساتىندا كوپتەگەن كاسىپوداقتار، ستۋدەنتتىك ۇيىمدار، كلۋبتار جۇمىس جاسايدى. سونىڭ ءبىرى، ءارى وزىمە ىستىق "التىن ساپا" ينتەللەكتۋالدى پىكىرسايىس كلۋبى. مەن العاش  وسى كلۋبقا مۇشە بولىپ قازان ايىندا كاستينگتەن ءوتىپ، قابىلداندىم. كلۋب ستۋدەنتتەردىڭ  پىكىرسايىس قابىلەتىن ارتتىرۋعا، ءوز ۇستانىمىن، پىكىرىن، كەز كەلگەن ورتادا، كەز كەلگەن ادامدارعا جاقسى ەركىن جەتكىزۋگە باۋليدى. اعا بۋىن(3-4 كۋرس ستۋدەنتتەرى)، ورتا بۋىندار(2-كۋرس) جانە جاس بۋىن(1-كۋرس) دەپ اتالاتىن ستۋدەنت جاستاردان قۇرالعان. مەن مۇندا كەلگەلى تۇلعالىق دامۋ ۇستىندەمىن دەسەم دە بولادى،  اعالىق اقىلىن ايتاتىن تۋعان اعا، اپكەدەي بولىپ كەتكەن جاناشىر جاندار، بىرگە وسكەن جاقىنىمداي بولىپ كەتكەن قۇرداس دوستار تاپتىم.  ءوزىمىزدىڭ وراتورلىق قابىلەتىمىزدى شىڭداۋدامىز. كوپتەگەن باسقا ۋنيۆەرسيتەتتەردە باسقا ايماقتاردا ۇيىمداستىرىلاتىن تۋرنيرلەرگە قاتىسىپ،باعىمىزدى سىناپ، ال اعا بۋىندارىمىزدىڭ جەڭىستەرىنە كۋا بولىپ، سونىمەن قاتار، باسقا ۋنيۆەرسيتەت ستۋدەنتتەرىمەن دە بايلانىس ورناتىپ، جاڭا تانىستىقتار، جاڭا دوستار دا تاپتىق. كوزدى اشىپ-جۇمعانشا ستۋدەنتتىك شاعىمىزدىڭ العاشقى كەزەڭى 1-كۋرس وقۋ جىلىن دا ءتامامداپ قالدىق. وسى ۋاقىت ىشىندە وسىنداي كەرەمەت ورتا تاۋىپ، وسىنشاما مۇمكىندىكتەرگە قول جەتكىزگەنىم ءۇشىن، قازاق ۇلتتىق ۋنيۆەرسيتەتكە تۇسكەنىمە قۋانىشتى  ەكەنىمدى، جانە تاڭداۋدا قاتەلەسپەگەنىمدى ايتقىم كەلەدى.

قازۇۋ ستۋدەنتى بولعانىما ماقتانامىن!

ابدىقالىق ايگەرىم؛ جەتەكشىسى: ۋرازگالييەۆا س.ا؛ ءال-فارابي اتىنداعى قازاق ۇلتتىق ۋنيۆەرسيتەتىنىڭ مەحانيكا-ماتەماتيكا فاكۋلتەتىنىڭ 1 كۋرس ستۋدەنتى

---