انالار مەرەكەسى
انا! انا! انا! . . . "انا"دەگەننەن ارتىق قۇدىرەتتى، مەرەيلى، مەيىرىمدى ءسوز بار ما ەكەن بۇل جالعاندا؟ ماحاببات پەن شاپاعاتتى، سەزىم مەن سەنىمدى بار بويىنا جيناعان ءسوزدىڭ تۇپ-توركىنىندە قانشاما ماعىنا بار دەسەڭىزشى. وسى ورايدا، 8-ناۋرىز حالىقارالىق ايەلدەر مەرەكەسىنە وراي، ءال-فارابي اتىنداعى قازاق ۇلتتىق ۋنيۆەرسيتەتىندە “اناعا قۇرمەت - پارىزدىق مىندەت” اتتى اشىق تاربيە ساعاتى ءوتتى. مەرەكەلىك ءىس-شارانىڭ ماقساتى-نازىك جاندى ارۋلارىمىزدىڭ قوعامداعى ءرولىنىڭ ايتارلىقتاي ەكەندىگىن دالەلدەپ، ولارعا قۋانىش سىيلاۋ، ستۋدەنتتەردىڭ ولارعا دەگەن ىزگى نيەتتەرىن كورسەتۋ. ءىس-شارا بارىسىندا «انا تۋرالى جىر»، «انا» اندەرى ورىندالىپ، اتالعان وقۋ ورنىنىڭ ستۋدەنتتەرى مەرەكەگە ارناپ ولەڭ وقىدى. «بالبىراۋىن»، «ەركە سىلقىم» كۇيلەرى كەش قوناقتارىنىڭ كوڭىلدەرىنەن شىقتى. قۋانىشىمىزعا وراي، ستۋدەنتتەر بەلسەنە قاتىسىپ، توپتىڭ بەلسەندى ستۋدەنتى جۇماگەلدى توقتاربەك «بۋلۆار» انىمەن ءىس-شارانى اياقتادى. كوكتەمنىڭ قۇلپىرعان، شۋاقتى مەرەكەسى قۇتتى بولسىن! انالارىمىز ماڭگى جاساسىن!
اۆتور: ايشا كەنجەبەك قىزى
قازاقستان تاريحى كافەدراسىنىڭ دوسەنتى دجولدىبايەۆا ۋ. م
You Might Also Like
-
ءال-فارابي اتىنداعى قازۇۋ ۇيىمداستىرعان جاس عالىمدار مەن ستۋدەنتتەردىڭ كونفەرەنسياسى ءوز جۇمىسىن باستاپ كەتتى. كونفەرەنسياعا وتاندىق ىزدەنۋشىلەرمەن قاتار شەتەلدىك زەرتتەۋشىلەر دە قاتىستى.
