InfoHub Logo

اقىلدى ادامدار قاتەلەسپەيدى دەپ كىم ايتتى؟ ولار دا اقىماقتىققا بارىپ جاتادى، الايدا مۇنى ولار دەر كەزىندە تۇسىنبەي، كەيىن سودان وپىق جەيدى ەكەن. ءومىر جولىندا ولار بىرنەشە رەت اقىلسىز ارەكەتتەر جاسايدى جانە بۇل ولاردىڭ قانشالىقتى ءبىلىمدى ەكەنىنە بايلانىستى ەمەس.

«Sawhorse» تەحنولوگيالىق كومپانياسىنىڭ قۇرىلتايشىسى لي سەمەل (LeeSemel) اقىلدى ادامدار جاسايتىن اقىلسىز ارەكەتتەردىڭ ءتىزىمىن ۇسىندى.

ديزاين مەن ءستيلدىڭ ماڭىزدىلىعىن ەلەمەۋ

iPod شىققاندا، تەحنيكا ماماندارى ونىڭ فۋنكسيالارىنىڭ ازدىعىن جانە باعاسى تىم جوعارى ەكەنىن ايتتى. دەگەنمەن، قولدانۋشىلار جاڭا ءونىمنىڭ قولدانۋعا ىڭعايلىلىعىن العا تارتىپ، ساتىپ الۋعا كەزەككە تۇردى.

«تىزەسى شىققان» قۇرالداردى پايدالاناتىنىن ايتىپ، ماقتانۋ

بۇل كوبىنە پروگرامميستەردىڭ اراسىندا ءجيى كەزدەسەدى. ولار سوناۋ 1970-جىلداردان بەرى جاڭارماعان جانە ديزاينى تىم قاراپايىم پروگراممالاۋ تىلدەرى مەن ءماتىن رەداكتورلارىن پايدالاناتىنىن ايتىپ، ماقتانادى. ولار سۋپەر-كۇردەلى كوماندالار مەن پروسەسستەر – بۇل ماقتانۋعا تۇرارلىق زات دەپ ويلايدى. ال نەگىزىندە بۇل ۋاقىتتى قۇر جۇمساۋ. بوس تالقىلاۋ مەن داۋ تۋدىرماس ءۇشىن ناقتى ءبىر پروگراممالاۋ ءتىلى مەن قۇرالداردى اتاماي-اق قويايىن.

ءىزباسارلار مەن كوشىرۋشىلەر

كوپتەگەن اقىلدى ادامدار قالىپتاسقان جولمەن ءجۇرۋدى دۇرىس كورەدى، ال نەگىزىندە وزدەرى ەرەكشە جاڭا بىردەڭە ويلاپ تابا الار ەدى. بالكىم، بۇل ولاردىڭ قالىپتاسقان ورتادا اكادەميالىق تابىسقا جەتەمىن دەپ كوپ ۋاقىتى مەن كۇشىن جۇمساعاننان بولار. الدىڭعى قاتارلى وقۋ ورىندارىنان تۇلەپ ۇشقان ۇزدىك تۇلەكتەر وقۋ-جاتتىعۋ كەزىندە تابىسقا جەتكەن سالاعا بارۋعا اسىعادى، ويتكەنى ولار وزگەلەردىڭ سەنىمىنەن شىققىسى كەلەدى، ال وزدەرىنىڭ قالاۋلارىنا نازار اۋدارمايدى.

الەۋمەتپەن قارىم-قاتىناس ورناتا المايدى

ايتا كەتەيىن، اقىلدى ادامدار ءوز قىزىعۋشىلىقتارىنىڭ تار ورتاسىندا ءومىر سۇرەدى جانە ەڭ ماڭىزدى ىستەر باسقالارمەن قارىم-قاتىناس جاساۋدان تۋىندايتىنىن بىلە بەرمەيدى. ولار ەشقاشان وزگە ادامدارمەن قارىم-قاتىناس ورناتۋ داعدىسىن جاقسارتقىسى كەلمەيدى، ءوزىن ساتا المايدى جانە ولاردىڭ ورتاسىندا تابىستى بولىپ، وزىپ شىققانداردى سىنايدى.

وزىنىكى عانا دۇرىس دەپ سانايدى

كوپتەگەن اقىلدى ادامدار دۇرىستىق – بۇل ولاردىڭ قولىنداعى باستى كوزىر دەپ ويلايدى، جانە ەگەر بىرەۋ ونىڭ قاتەلەسكەنىن ايتسا، ولارعا باسقاشا كوزقاراسپەن قاراي باستايدى. سونىمەن قاتار، ولار وزگەلەردىڭ پىكىرىن ءتۇرلى دالەلدەر ايتۋ ارقىلى وزگەرتەمىن دەپ سەنەدى. ال شىن مانىندە شەشىم قابىلدار كەزدە كوپتەگەن ادامدار ءوزىن تۇرلىشە ۇستايدى.

ولار وزدەرىنە تىم سەنىمدى

اقىلدى ادامداردىڭ كەيبىرى ءوز سالاسىنىڭ مىقتى مامانى بولا تۇرا، باسقا سالانى دا جەتىك بىلەتىنىنە سەنىمدى بولادى. الايدا بۇل قاتە پىكىر. مىسالى، دارىگەرلەردىڭ ىشىندە مىقتى ينۆەستورلار از.

كۇش پەن تاجىريبەنى باعالاماۋشىلىق

اقىلدى ادامدار جەتىستىككە جەڭىل ءارى كوپ كۇش سالماي جەتەدى. ولار جاقسى ناتيجە ءۇشىن ماداق ەستىپ ۇيرەنىپ قالعان، سول سەبەپتى جاقسى ناتيجە كورسەتە المايتىن زاتتاردان قاشقاقتاپ جۇرەدى. ناتيجەسىندە، قولىڭنان كەلمەي جاتسا، بۇل «سەنىكى ەمەس» دەيدى دە، تاستاي سالادى. ۋاقىت وتە كەلە مۇنداي ادامدار ءوز ارىپتەستەرىنەن قالىپ جاتادى، ويتكەنى تابيعي دارىنىن دامىتپايدى جانە جاڭا دۇنيەنى ۇيرەنبەيدى.

جوعارى باسەكەلەستىك

نارىقتىڭ ءار سالاسىندا جوعارى ماداقتارعا لايىق كوپتەگەن اقىلدى ادامدار بار. الايدا سولاردىڭ بىرەگەيى عانا ەڭ جوعارعى دارەجەگە جەتەدى: ەڭ ۇزدىك ءتوراعالار تىزىمىنە كىرەدى نەمەسە گۋمانيتارلىق عىلىمداردىڭ پروفەسسورى اتانادى. ناتيجەسىندە بىر-بىرىمەن باسەكەلەسەمىن دەپ، بالكىم ولاردى باسقا قىرىنان تانىتاتىن باسقا سالالاردى ەلەمەيدى. ولارعا شەڭبەردەن شىعىپ، يكەمدەلۋ قيىن.

ءوز جەتىستىكتەرىن وزگەلەردىڭ جەتىستىكتەرىمەن سالىستىرۋ

اقىلدى ادامدار ءوز جەتىستىكتەرىن ارىپتەستەرىنىڭ، دوستارىنىڭ نەمەسە سول سالاداعى وزگە ادامداردىڭ، ءوزىنىڭ قاتارلاستارىنىڭ جەتىستىكتەرىمەن سالىستىرۋعا بەيىم. جانە وسى سالىستىرۋ مەن وزگەلەردىڭ كوشىنەن قالماۋ قيتۇرقى ارەكەتتەرگە جەتەلەيدى. مىسالى، «20 جاسىمدا جەتىستىككە جەتپەسەم، جالپى ومىردە تابىستى بولا الام با؟» نەمەسە «30 جاسىمدا، 40 جاسىمدا ميلليونەر بولماسام، بەيباق بىرەۋ شىعارمىن» دەگەن سياقتى سۇراقتارمەن ءوز-وزىن جابىرلەي باستايدى.

اقپاراتتىڭ قۇندىلىعىن اسقاقتاتۋ

اقىلدى ادامدار كوپ وقيدى جانە كەز كەلگەن سۇراققا بايلانىستى اقپاراتتى تەز مەڭگەرەدى. ولار وزدەرىنە قىزىق كەز كەلگەن اقپاراتتى وقي بەرەدى. ارينە، قۇندى جانە پايدالى اقپاراتتار كوپ، دەگەنمەن، جەلىدەگى ۇزىن-سونار ماقالالاردى وقي بەرۋ كوپ ۋاقىت الادى. بۇل ەشقانداي پايدا اكەلمەيتىن جاي عانا اقپاراتتار جيىنىنا اينالادى.

ەليتارلىق

اقىلدى ادامدار ءبىلىم مەن تاپقىرلىق ادامنىڭ باستى قۇندىلىعى دەپ سانايدى. ناتيجەسىندە، ولار وزدەرىنەن ەرەكشەلەنەتىن ادامداردى تۇسىنبەيدى. مىسالى، يەل ۋنيۆەرسيتەتىنىڭ پروفەسسورى قۇبىر جوندەۋشىمەن نە تۋرالى اڭگىمەلەسەتىنىن بىلمەگەن.

بۇل تىزىمگە تاعى قانداي ارەكەتتەردى قوسا الاسىز؟

---