InfoHub Logo

ءۇي جيناۋدىڭ ەش قيىندىعى جوقتاي كورىنەدى. شاڭدى سۇرتە سال، ەدەندى جۋ، شاڭسورعىشتى قوس. جارايدى، ال پەش ۇستىنە شاشىراپ، قاتىپ قالعان مايدى نە ىستەيمىز؟ ال بەتىندەگى تورعا جابىسقان مايدى قالاي كەتىرەمىز؟

1. ليمون شىرىنى ميكروتولقىندى پەشتەگى داقتاردى كەتىرەدى.

ارينە، ميكروتولقىندى پەشتى جۋۋعا ارنالعان قۇرىلعىنى ساتىپ الا سالۋعا دا بولادى. ءبىراق ونىڭ قانشا تۇراتىنىن بىلەسىز بە؟ ونىڭ ارزان ءتاسىلى بار. ميكروتولقىندى پەشتە قىزدىرۋعا جارايتىن ىدىستى الىپ، وعان جارتىلاي سۋ قۇيىڭىز جانە ورتاسىنان بولىنگەن ءتورت ليموننىڭ شىرىنىن سۋعا سىعىپ قوسىڭىز. جەمىستەردىڭ جارتىسىن سۋ مەن شىرىننىڭ قوسپاسىنا قابىعىن بەتىنە قاراتىپ قويىڭىز دا قىزدىرىڭىز. سودان كەيىن سۋدى توگىپ، ليموندى تاستاي سالۋعا بولادى، ال ميكروتولقىندى پەشتى ىلعال شۇبەرەكپەن ءسۇرتىپ شىعىڭىز – ءبارى تاپ-تازا.

2. ايناداعى داقتارعا قارسى ليمون شىرىنىن پايدالانۋعا بولادى.

ءبىر ستاقان سۋ مەن ليمون شىرىنىنىڭ تورتتەن ءبىر بولىگىن ارالاستىرىپ، پۋلۆەريزاتورعا قۇيىپ اينا مەن تەرەزەلەردى تازارتۋعا بولادى. اينەككە سەۋىپ، قۇرعاق مايلىقپەن ءسۇرتىپ شىعىڭىز.

3. قىلشىقتارعا قارسى قولعاپ.

كىلەم، ديۆان جانە ورىندىقتاردىڭ جاستىعىنا جابىسقان ءۇي جانۋارلارىنىڭ جۇندەرىن قولمەن جيناعان دۇرىس. ول ءۇشىن قولىڭىزعا رەزەڭكە قولعاپ كيىپ، ونى سۋلاپ، تۇكتىڭ ۇستىنەن ءجۇرىپ ءوتۋ كەرەك. قىلشىقتار ءتۇيىر بولىپ جينالا باستايدى.

4. قاراپايىم سودا ارقىلى كوپتەگەن زاتتاردى تازارتۋعا بولادى.

مىسالى كاسترول مەن تابانىڭ كۇيىك قاباتىن كەتىرۋگە بولادى. ول ءۇشىن جارتى ستاقان سىركە سۋىنا جارتى ستاقان قانت پەن ەكى شاي قاسىق سودا قوسىڭىز. الدىمەن كاسترولگە سۋ مەن سىركە سۋىنىڭ قوسپاسىن قۇيىپ قايناتىپ الىڭىز. سۋ مەن سىركە سۋىنىڭ قوسپاسىن توگىپ تاستاڭىز دا، ءتۇبىن سودامەن تازارتىڭىز. ەگەر ءبارىبىر قارا داقتار قالعان بولسا، سۋ مەن سودادان جاسالعان پاستانى جاعىپ، ءبىراز ۋاقىتقا قويىپ قويىڭىز. كەيىن مۇقيات جۋىڭىز.

5. كافەل اراسىندا جينالعان داقتى سودا مەن ەسكى ءتىس ششەتكاسى ارقىلى تازارتۋعا بولادى.

سودا جىلدار بويى جينالعان جانە قابىرعا مەن ەدەننىڭ قۇتىن قاشىراتىن كىر، زەڭ، ميكروقوقىستى جاقسى تازارتادى. الدىمەن كافەلدى جاقسىلاپ جۋىپ الىڭىز، كەيىن سۋ مەن سودادان جاسالعان پاستانى ششەتكاعا جاعىپ، قۋىستاردى تازارتىپ شىعىڭىز. سوسىن دىمقىل شۇبەرەكپەن ءسۇرتىپ شىعىڭىز.

6. قارايىپ كەتكەن كۇمىستى كەچۋپ ارقىلى تازارتۋعا بولادى.

كۇمىس ىدىستاردىكەچۋپ قۇيىلعان ىدىسقا باتىرىپ سالىپ، 5-10 مينۋتقا قالدىرىڭىز. كەيىن جىلى سۋمەن شايىپ، قۇرعاتىپ ءسۇرتىڭىز. بۇل ءادىستى جەز ىدىستارعا دا جانە كۇمىس اشەكەيلەرگە دە پايدالانۋعا بولادى.

7. اس سوداسىمەن توڭازىتقىشتى وڭاي تازالاۋعا بولادى.

ءبىر ليتر سۋعا ءتورت شاي قاسىق (تولتىرىپ) اس سوداسىن سالىپ، توڭازىتقىشتىڭ سورەلەرىن جۋىپ شىعىڭىز. ارينە، ونىڭ الدىندا توق قۋاتىنان اجىراتىپ الىڭىز.

8. سۋ قۇبىرىنىڭ بەتىندەگى اق مينەرالدى داقتارعا قارسى.

سۋ قۇبىرىنىڭ بەتىندەگى اق مينەرالدى داقتار مەن سۋ تامشىلارىنىڭ ورنىن ليمون جاقسى كەتىرەدى. جارتى ليمونمەن حرومدالعان قۇبىردىڭ ۇستىمەن ءجۇرىپ ءوتىڭىز دە، جۇمساق شۇبەرەكپەن ءسۇرتىپ شىعىڭىز.

9. تۋراۋعا ارنالعان تاقتايدى تازالاۋ ءۇشىن تۇز جانە ليمون.

ەگەر اعاش تاقتاي قارايىپ، كىرلەپ كەتسە، بەتىنە تۇز سەۋىپ جارتى ليمونمەن باسىپ ۇيكەلەڭىز. تازارعان تاقتايدى سۋمەن شايىڭىز.

ايتپاقشى، تۇز جانە ليمونمەن راكوۆينا، ۋنيتازدى دا تازالاۋعا بولادى.

10. گريلگە ارنالعان توردى تازالاۋ

گريلگە ارنالعان توردى كۇيىكتەن تازارتۋ وتە قيىن. ءبىراق ەگەر ونى بىرنەشە ساعاتقا جىلى سۋدا ءجىبىتىپ قويسا، ال سۋعا انتيستاتيكپەن (مۇنداي قۇرىلعى كوبىنە تەحنيكا مەن كومپيۋتەرلەردى تازالاۋعا ارنالعان تازارتقىش مايلىقتاردا بولادى) دىمقىلداتىلعان بىرنەشە مايلىقتى سالىپ قويسا، وندا تازالاۋمەن ماسەلە بولمايدى.

11. ىدىس-اياق جۋاتىن شۇڭعىلشاڭىزداعى جاعىمسىز ءيىس.

ەگەر ءسىزدىڭ ىدىس-اياق جۋاتىن شۇڭعىلشاڭىزدا قوقىس ۇساقتاعىش تۇرسا، وعان ليموننىڭ بىرنەشە بولىگىن تاستاپ جىبەرىڭىز. اس ءۇيىڭىز حوش يىسكە بولەنەدى.

12. دۋحوۆكانى تازارتۋ

مۇساتىرلى سپيرت دۋحوۆكانى تازارتۋعا تاپتىرماس قۇرال. جارتى ستاقان مۇساتىرلى ءسپيرتتى تۇنگە ىستەمەي تۇرعان دۋحوۆكاعا قالدىرىڭىز. جابىسقان مايدىڭ ءبارى ءوزى ءتۇسىپ قالادى، تەك ءسۇرتىپ شىعۋ كەرەك بولادى.

---