ءۇيدىڭ شاشىلماۋىن قامتاماسىز ەتەتىن 7 ادەت
ءۇيدى ءارتۇرلى قاجەتسىز قوقىستان تازارتۋ وڭاي ەمەس. ال ونى رەتكە كەلتىرۋ ودان دا قيىن. ءۇيدىڭ شاشىلماۋىن قامتاماسىز ەتەتىن مىنا ادەتتەردى ۇستانۋعا تىرىسىڭىز.
ءۇيدى رەتكە كەلتىرۋدىڭ ەڭ جاقسى امالى – جۇيەسىز تۇتىنۋدى دوعارۋ. ۇيىڭىزدە زات از بولعان سايىن، ونى رەتتەۋ دە، جيناۋ دا وڭاي. سوندىقتان كەرەكسىزىن لاقتىرىپ، نەمەسە سىيلاپ جىبەرىڭىز.
قاعاز پوشتانى بىردەن رەتتەڭىز
قاعاز پوشتانىڭ جۇمىس ۇستەلىندە نەمەسە كىرەبەرىستەگى تۋمبوچكادا جينالا بەرەتىن قاسيەتى بار. ءسىز حاتتى وقىپ، سول جەرگە جيناي بەرەسىز، ناتيجەسىندە ءبىر توبە ماكۋلاتۋرا جينالادى.
قاعاز حاتتاردى بىردەن اشىپ، ارنايى ءبىر ورىنعا سالۋدى ادەتكە اينالدىرىڭىز – قوقىس جاشىگىنە نەمەسە جۇمىس ۇستەلىندەگى پاپكاعا. سونىمەن قاتار چەكتەر مەن كەپىل تالوندارىن ءبىر جەرگە جيناڭىز، جانە ارا اراسىندا مەرزىمى وتكەندەرىن تاستاپ وتىرىڭىز.
تاماق ءىشىپ بولعان سوڭ ىدىستاردى بىردەن جۋىڭىز
ىدىس جۋۋدى جەك كورسەڭىز دە ءدال وسىلاي ىستەڭىز. بەتىنە تاماق قاتىپ قالعان ءبىر قورا ىدىستى جۋىپ تۇرعانشا بىر-ەكى ىدىستى جۋا سالۋ وڭاي. بار-جوعى ەكى مينۋت ۋاقىتىڭىز كەتەدى، ال اس ءۇيىڭىز تازا تۇراتىن بولادى.
ءار تاڭدا توسەگىڭىزدى جيناپ ءجۇرىڭىز
بىلىق – بىلىقتى تۋدىرادى. ءدال وسى ءپرينسيپتى جاتىن بولمە جاقسى كورسەتەدى. توسەگىڭىز جينالماعان كۇيدە قالسا، اينالاسىندا بىلىق تۋا باستايدى. سوندىقتان ءار تاڭدا توسەگىڭىزدى جيناپ كەتىپ ءجۇرىڭىز.
اس ۇستەلدىڭ بەتىندەگى زاتتاردىڭ ءبارىن الىپ تاستاڭىز
بىلىق تۋدىرعىش تاعى ءبىر ورىن – ول داستارحان. اس ءۇي ۇستەلى ءاردايىم تازا بولۋىن قاداعالاڭىز: تاپ-تازا ۇستەلدىڭ ۇستىنە ارتىق زات قويعىڭ دا كەلمەي قالادى. تۇستەنۋ دە جاعىمدى بولادى.
زاتتاردى ورىن-ورنىنا قويىڭىز
ءار زاتتىڭ ءوز ورنى بار. كۇندە كەشكىسىن ءار زاتتى ءوز ورنىنا جيناڭىز. بالا كەزىمىزدە مۇنى ميىمىزعا قۇيدىرعانىمەن، وسىنى ادەتكە اينالدىرمادىق. بۇل كوپ ۋاقىتىڭىزدى المايدى، ەسەسىنە تاڭەرتەڭ تازا بولمەدە وياناسىز جانە زاتتاردى ىزدەپ الەك بولمايسىز.
بىر-ەكى مينۋت ۋاقىتىڭىزدى الاتىن ىستەردى دەرەۋ ىستەپ تاساڭىز
بىلىق كوبىنە بولماشى ىستەردى كەيىنگە قالدىرۋدان باستالادى. قاراپايىم ەرەجەنى ەستە ساقتاڭىز: ەگەر بىردەڭەنى ەكى مينۋتتا ورىنداپ تاستاۋعا بولاتىن بولسا، دەرەۋ ىستەپ تاساڭىز.
قوقىستى شىعارىڭىز، كىر كيىمدەردى كىر جۋعىش ماشيناعا سالىڭىز، تەلەديدار پۋلتىن ورنىنا قويىڭىز، شاڭ باسقان مونيتوردى ءسۇرتىڭىز. كىشىگىرىم تاپسىرمالاردى ورىنداعان سايىن ءۇيدى رەتتەۋگە ءبىر قادام جاساپ وتىراسىز.
كەڭىستىكتى بوساتىڭىز
كىشىگىرىم بولمەدە تىم كوپ زات بولعان كەزدە، ءۇيدىڭ استان-كەستەڭى شىعادى: شكافتا كوپ كيىمنىڭ بولۋى، جاشىكتە توسەك-ورىن زاتتارىنىڭ كوپ مولشەرى، جۋىناتىن بولمەدە تىم كوپ زات، سورەدەگى كىتاپتار، گادجەتتەر مەن باسقا دا زاتتار.
ءۇيىڭىزدىڭ ءبىر بۇرىشى زاتتارعا تولىپ كەتسە، كەڭىستىكتى بوساتىڭىز – ءبارىن رەتتەپ، كەرەك ەمەسىن تاسىڭىز. جانە مۇنى كەيiنگە قالدىرماڭىز، بۇل 15 مينۋتتاي ۋاقىت الادى، جانە بىلىقتىڭ ءبىر قايناركوزى جويىلادى.
وسى اتالعان ادەتتەردىڭ ءارقايسىسى - سىزگە ءۇيدى رەتتەۋگە كومەكتەسەدى. جانە، ارينە، زات از بولعان سايىن وسى ەرەجەلەردى ۇستانۋ دا وڭاي بولادى.
ءۇيدى تازالىقتا ۇستاعىڭىز كەلسە – ارتىق زات الماڭىز. ال ءسىز تازالىق جانە جيناقىلىقتى ساقتاۋ ءۇشىن نە ىستەيسىز؟ قانداي كەڭەستەرىڭىز بار؟ تومەندە پىكىرلەرىڭىزبەن بولىسىڭىزدەر!
You Might Also Like
-
اقىلدى ادامدار قاتەلەسپەيدى دەپ كىم ايتتى؟ ولار دا اقىماقتىققا بارىپ جاتادى، الايدا مۇنى ولار دەر كەزىندە تۇسىنبەي، كەيىن سودان وپىق جەيدى ەكەن. ءومىر جولىندا ولار بىرنەشە رەت اقىلسىز ارەكەتتەر...
