اقمولا وبلىسىندا قالقۇتان وزەنى ارناسىنان اسىپ، التى اۋىلدى سۋ باستى
اقمولا وبلىسىندا قالقۇتان وزەنىنىڭ ارناسىنان اسۋى سالدارىنان استراحان اۋدانىنا قاراستى التى اۋىلدىڭ جولىن سۋ شايىپ كەتتى. ءقازىر بۇل ەلدى مەكەندەرگە تەك قايىقپەن عانا جەتۋگە بولادى.
تاسقىن ءقاۋپى تۇندە باستالعان. سۋ دەڭگەيىنىڭ كۇرت كوتەرىلۋى سالدارىنان وڭىردە توتەنشە جاعداي جاريالانىپ، شۇعىل ارەكەت ەتۋ توپتارى جۇمىلدىرىلدى. ءقاۋىپتىڭ الدىن الۋ ماقساتىندا بوگەتتەر نىعايتىلىپ، مىڭعا جۋىق قۇم سالىنعان قاپ توسەلدى. سونىمەن قاتار 300 تەكشە مەتر سۋ سىرتقا شىعارىلدى.
قازىرگى تاڭدا توتەنشە جاعداي ورنىنا 20 تەحنيكا مەن 70-كە جۋىق مامان جۇمىلدىرىلعان. كۇشتىك قۇرىلىمداردىڭ نەگىزگى بولىگى دە ايماققا جەتىپ، جاعدايدى باقىلاۋعا الۋدا.
قۇتقارۋشىلار 21 ادامدى سۋدىڭ قۇرساۋىنان امان-ەسەن الىپ شىعىپ، ولاردى ءقاۋىپسىز ايماققا كوشىردى. قازىرگى ۋاقىتتا زارداپ شەككەندەرگە مەديسينالىق جانە پسيحولوگيالىق كومەك كورسەتىلۋدە.
ماماندار الداعى كۇندەرى سۋ دەڭگەيىنىڭ تاعى كوتەرىلۋى مۇمكىن ەكەنىن ەسكەرتىپ وتىر. ءتيىستى مەكەمەلەر ساقتىق شارالارىن كۇشەيتىپ، تاۋلىك بويى جۇمىس ىستەۋدە.
You Might Also Like
-
ىستامبۇلدا بەسىنشى كۇنگە جالعاسىپ جاتقان نارازىلىق شەرۋلەرى تولاستار ەمەس. كەرىسىنشە، جاعداي ۋشىعىپ بارادى. تۇركيانىڭ قۇقىق قورعاۋ ورگاندارى شەرۋشىلەرمەن بىرگە جۋرناليستەردى دە ۇستاۋعا كىرىستى.
-
ۋكراينا پرەزيدەنتى ۆلاديمير زەلەنسكيي قازاقستانعا جاڭا ەلشى تاعايىنداۋ تۋرالى ماڭىزدى شەشىم قابىلدادى. جارلىققا سايكەس، مايكو ۆيكتور اناتوليەۆيچ قازاقستان رەسپۋبليكاسىنداعى ۋكراينا رەسپۋبليكاسىنىڭ ...
