اقمولادا دارىگەردى سوققىعا جىقتى دەگەن كۇدىكپەن ۇستالعان ازامات ەكى ايعا قاماۋعا الىندى
اقمولا وبلىسىندا دارىگەرگە كۇش قولداندى دەگەن كۇدىكپەن 34 جاستاعى ەر ادام قاماۋعا الىندى. كۇدىكتى — سارەنجەپوۆ ەسىمدى ازامات، قوستاناي وبلىسىنىڭ تۋماسى. ءقازىر اقمولا وڭىرىندە تۇرادى. بەلگىلى بولعانداي، ول بۇعان دەيىن بىرنەشە رەت قىلمىستىق جاۋاپكەرشىلىككە تارتىلعان.
سوت وتىرىسى بارىسىندا سارەنجەپوۆ وزىنە تاعىلعان ايىپتى ءىشىنارا مويىنداپ، قاماۋدا قالدىرماۋدى سۇرادى. ول سوتقا اتا-اناسىنىڭ اۋىر دەرتكە شالدىققانىن جانە بىرنەشە جاس بالانى اسىراپ وتىرعانىن العا تارتتى. الايدا، تەرگەۋ ورگاندارى ونىڭ بوستاندىقتا ءجۇرۋى قىلمىستىق ءىستىڭ ءادىل جانە تولىق تەرگەلۋىنە كەدەرگى كەلتىرۋى مۇمكىن دەپ ەسەپتەيدى.
تەرگەۋ سوتىنىڭ سۋدياسى باتىربەك قۇدابايەۆ پروكۋروردىڭ ءوتىنىشىن قاناعاتتاندىرىپ، سارەنجەپوۆتى 2025 جىلعى 17 قىركۇيەككە دەيىن قاماۋعا الۋ تۋرالى شەشىم شىعاردى. قازىرگى تاڭدا ول ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر.
وقيعانىڭ ءمان-جايى تۋرالى تولىق اقپارات تەرگەۋ قۇپيالىعىنا بايلانىستى ازىرگە جاريالانبادى. دەگەنمەن، دارىگەرلەرگە كورسەتىلگەن زورلىق-زومبىلىق وقيعاسى قوعام تاراپىنان كەڭىنەن سىنعا ۇشىراپ وتىر. كاسىپوداقتار مەن مەديسينالىق ۇيىمدار مۇنداي جاعدايلارعا قاتاڭ شارا قولدانۋدى تالاپ ەتۋدە.
You Might Also Like
-
AZAL اۋە كومپانياسىنا تيەسىلى جولاۋشىلار ۇشاعىنىڭ اپاتىنا بايلانىستى تەرگەۋ جۇمىستارى بىردەن ءۇش مەملەكەتتىڭ اۋماعىندا قاتار ءجۇرىپ جاتىر. بۇل تۋرالى ازەربايجان باس پروكۋراتۋراسى تەرگەۋ دەپارتامەنتىن...
-
سوت پروسەسى بارىسىندا بەلگىلى بولعان دەرەكتەر قوعامدى الاڭداتتى: «Asar-Ume» قوعامدىق بىرلەستىگىنىڭ پرەزيدەنتى اسحات نۇرماشيەۆتىڭ ايتۋىنشا، قور حالىقتان جينالعان 293 ملن تەڭگەنىڭ 200 ميلليونىن پەريزا...
