الماتىدا تىكۇشاق ادامداردىڭ ۇستىنەن ۇشىپ وتكەن
الماتىدا تۇسىرىلگەن ءبىر بەينەجازبا جۇرتتىڭ تالقىسىنا ءتۇستى. كادردا تىكۇشاقتىڭ اۋەگە كوتەرىلەر ساتتە ادامدارعا تىم جاقىن ۇشىپ وتكەنى انىق كورىنەدى. وقيعا "مەدەۋ" مۇز ايدىنى ماڭىندا تىركەلگەن.
جەلىدە تاراعان ۆيدەوعا قاتىستى "قازاۆياقۇتقارۋ" كومپانياسى تۇسىنىكتەمە بەردى. رەسمي مالىمەتكە ساي، تىكۇشاق ۇشۋعا رۇقسات ەتىلگەن ارنايى الاڭنان اۋەگە كوتەرىلگەن. ۇشۋدى تاجىريبەلى، كاسىبي پيلوت باسقارعان.
ۇشۋعا دەيىن بورتمەحانيك سول ماڭدا جۇرگەن ازاماتتاردى قاۋىپسىزدىك شارالارىن ساقتاۋعا، اراقاشىقتىقتى ۇستاۋعا شاقىرعان. الايدا، الدىن الا بولجام بويىنشا، ۇشۋ ساتىندە جەلدىڭ باعىتى مەن جىلدامدىعى كەنەت وزگەرىپ، اۋە كەمەسىنىڭ باعىتىنا اسەر ەتكەن بولۋى مۇمكىن.
قازىرگى ۋاقىتتا اتالعان وقيعا بويىنشا ىشكى قىزمەتتىك تەكسەرىس جۇرگىزىلۋدە. ساراپشىلار ناقتى سەبەپتەردى انىقتاپ، ەرەجە بۇزۋشىلىق بولعان-بولماعانىن زەردەلەمەك.
You Might Also Like
-
Facebook-تە بالاعات ايتقان ايەل 1 ملن تەڭگە وتەماقى تولەيتىن بولدىاتىراۋداعى ءبىلىم ءبولىمىنىڭ باسشىسى ءوزىن قورلاعان تۇرعىندى سوتقا بەرىپ، جەڭىپ شىقتى
-
استانادا بالاباقشادا بالانى ۇرعان تاربيەشى باس بوستاندىعىنان ايىرىلمادى
