InfoHub Logo

بايانداما
«اقپاراتتىق كوممۋنيكاسيالىق تەحنولوگيالاردى پايدالانۋ»

2017 - 2018 وقۋ جىلى
اقپاراتتىق - كوممۋنيكاسيالىق تەحنولوگيالاردى پايدالانۋ
اقپاراتتىق - كوممۋنيكاسيالىق تەحنولوگيانى دامىتۋ - ءبىلىم بەرۋدىڭ ءبىر بولىگى. سوڭعى جىلدارى زامان اعىمىنا ساي كۇندەلىكتى ساباققا كومپيۋتەر، ەلەكتروندىق وقۋلىق، ينتەراكتيۆتى تاقتا قولدانۋ جاقسى ناتيجە بەرۋدە. ءبىلىم بەرۋ جۇيەسى - ەلەكتروندىق بايلانىس، اقپارات الماسۋ، ينتەرنەت، ەلەكتروندىق پوشتا، تەلەكونفەرەنسيا، On - line ساباقتار ارقىلى ىسكە اسىرىلۋدا.
بۇگىنگى كۇنى يننوۆاسيالىق ادىستەر مەن اقپاراتتىق تەحنولوگيالار قولدانۋ ارقىلى وقۋشىنىڭ ويلاۋ قابىلەتىن ارتتىرىپ، ىزدەنۋشىلىگىن دامىتىپ، قىزىعۋشىلىعىن تۋدىرۋ، بەلسەندىلىگىن ارتتىرۋ ەڭ نەگىزگى ماقسات بولىپ ايقىندالادى.

اقپاراتتىق - كوممۋنيكاسيالىق تەحنولوگيانى باسەكەگە قابىلەتتى ۇلتتىق ءبىلىم بەرۋ جۇيەسىن دامىتۋعا جانە ونىڭ مۇمكىندىكتەرىن الەمدىك، بىلىمدىك ورتاعا ەنۋدەگى ساباقتاستىققا قولدانۋ نەگىزگى مانگە يە بولىپ وتىر. سوندىقتان وقىتۋدىڭ اقپاراتتىق - كوممۋنيكاسيالىق تەحنولوگياسى - ءبىلىمدى جاڭاشا بەرۋ مۇمكىندىكتەرىن جاساۋ، ءبىلىمدى قابىلداۋ، ءبىلىم ساپاسىن باعالاۋى، وقۋ تاربيەسى ۇردىسىندە وقۋشىنىڭ جەكە تۇلعاسىن جان - جاقتى قالىپتاستىرۋ ءۇشىن بويىندا اقپاراتتىق مادەنيەتتى، ساۋاتتى ادام - اقپاراتتىڭ قاجەت كەزىن سەزىنۋ، ونى تابۋ، باعالاۋ جانە ءتيىمدى قولدانۋ قابىلەتىن ارتتىرۋ كەرەك.

جاڭا كوممۋنيكاسيالىق تەحنولوگيالاردى پايدالانۋدىڭ باستى ماقساتى - وقۋشىلاردىڭ وقۋ ماتەريالدارىن تولىق مەڭگەرۋى ءۇشىن وقۋ ماتەريالدارىنىڭ پراكتيكالىق جاعىنان ءتيىمدى ۇسىنىلۋىنا مۇمكىندىك بەرەدى. بۇل ماقساتتارعا جەتۋ جولىندا ەلەكتروندىق وقۋلىقتار، تەكسەرۋ باعدارلامالارى، وقىتۋ باعدارلامالارى سياقتى باعدارلامالىق ونىمدەر قىزمەت ەتەدى.

وندىرىستىك وقىتۋدا اقپاراتتىق تەحنولوگيالاردى پايدالانۋ ارقىلى وقۋشىلاردىڭ اقپاراتتىق قۇزىرەتتىلىگىن قالىپتاستىرۋ، قازىرگى زامان تالابىنا ساي اقپاراتتىق تەحنولوگيالاردى، ەلەكتروندىق وقۋلىقتاردى جانە ينتەرنەت رەسۋرستاردى پايدالانۋ وقۋشىنىڭ ءبىلىم بەرۋ ۇردىسىندە شىعارماشىلىق قابىلەتىن دامىتۋعا مۇمكىندىك بەرەدى. وقۋشىلاردىڭ اقپاراتتىق قۇزىرلىلىعى مەن اقپاراتتىق مادەنيەتiن قالىپتاستىرۋ قازiرگi تاڭدا ءۇزدiكسiز پەداگوگيكالىق بiلiم بەرۋ جۇيەسiندەگi ەڭ كوكەيتەستi ماسەلەلەردiڭ بiرi.

ساباقتا اقپاراتتىق - كوممۋنيكاسيالىق تەحنولوگيالاردى پايدالانۋدىڭ تيىمدىلىگى:
• وقۋشىنىڭ ءوز بەتىمەن جۇمىسى؛
• از ۋاقىتتا كوپ ءبىلىم الىپ، ۋاقىتتى ۇنەمدەۋ؛
• ءبىلىم - بىلىك داعدىلارىن تەست تاپسىرمالارى ارقىلى تەكسەرۋ؛
• شىعارماشىلىق ەسەپتەر شىعارۋ؛
• قاشىقتىقتان ءبىلىم الۋ مۇمكىندىگىنىڭ تۋىنداۋى؛
• قاجەتتى اقپاراتتى جەدەل تۇردە الۋ مۇمكىندىگى؛
• ءىس - ارەكەت، قيمىلدى قاجەت ەتەتىن پاندەر مەن تاپسىرمالاردى وقىپ ۇيرەنۋ؛
• قاراپايىم كوزبەن كورىپ، قولمەن ۇستاپ سەزىنۋ نەمەسە قۇلاق پەن ەستۋ مۇمكىندىكتەرى بولمايتىن تابيعاتتىڭ تاڭعاجايىپ پروسەستەرى مەن ءار ءتۇرلى تاجىريبە ناتيجەلەرىن كورىپ، سەزىنۋ مۇمكىندىگى؛
• وقۋشىنىڭ وي - ءورىسىن دۇنيەتانىمىن كەڭەيتۋگە دە ىقپالى زور.
اقپاراتتىق تەحنولوگيالار ورتالارىن پايدالانۋدىڭ ماقساتتارى:
اقپاراتتىق تەحنولوگيالاردى قولدانۋ نەگىزىندە وقۋ - تاربيە پروسەسىنىڭ بارلىق دەڭگەيىن جەتىلدىرۋ:
- وقىتۋ پروسەسىنىڭ ىقپالى مەن ساپاسىن ارتتىرۋ،
- ءپانارالىق بايلانىستى تەرەڭدەتۋ،
- قاجەتتى اقپاراتتى ىزدەۋدى وڭايلاتۋ جانە كولەمىن ۇلعايتۋ.
وقۋشى تۇلعاسىن دامىتۋ، اقپاراتتىق قوعامدا ءومىر سۇرۋگە دايارلاۋ.
- كوممۋنيكاتيۆتىك قابىلەتتەردى دامىتۋ،
- كۇردەلى جاعدايدا وڭتايلى شەشىم نەمەسە شەشۋ نۇسقالارىن قابىلداۋ داعدىلارىن قالىپتاستىرۋ.
- كومپيۋتەرلىك گرافيكا، مۋلتيمەديا تەحنولوگياسىن پايدالانۋ ارقىلى ەستەتيكالىق تاربيە بەرۋ،
- اقپاراتتىق مادەنيەتتى قالىپتاستىرۋ، اقپاراتتى وڭدەي ءبىلۋ.
قازىرگى اقپاراتتىق تەحنولوگيالاردىڭ قارقىندى دامۋ كەزەڭىندە ورتا ءبىلىم بەرەتىن وقۋ ورىندارىنىڭ وقۋ ۇدەرىسىنىڭ تيىمدىلىگى - بولاشاق ءمۇعالىمنىڭ كاسىبي دايىندىعىنا تىكەلەي قاتىستى. سول سەبەپتى اقپاراتتىق - قاتىناستىق تەحنولوگيالار قۇرالدارىن پەداگوگيكالىق ءىس - ارەكەتكە كەڭىنەن قولدانا ءبىلۋ ىسكەرلىكتەرىنىڭ جوعارى دەڭگەيدە قالىپتاسۋى مەكتەپ مۇعالىمدەرىنىڭ كاسىبي دايىندىعىنا قويىلاتىن تالاپتار قاتارىنا ەنەدى. قازىرگى قوعامدى اقپاراتتاندىرۋ ۇدەرىستەرى جانە ولارمەن تىعىز بايلانىستاعى ءبىلىم بەرۋ جۇيەسىنىڭ بارلىق فورمالارىن اقپاراتتاندىرۋ، جاڭا اقپاراتتىق جانە قاتىناستىق تەحنولوگيالارىن (اقت) مەڭگەرۋ جانە جاپپاي تاراتۋ ۇدەرىستەرىمەن سيپاتتالادى. مۇنداي تەحنولوگيالار ءبىلىم بەرۋدىڭ جاڭا جۇيەلەرىندە وقىتۋشى مەن وقۋشىنىڭ اراسىندا قارىم - قاتىناس ورناتۋ جانە ماعلۇمات الماسۋ ءۇشىن بەلسەندى قولدانىلادى.

شىعىس قازاقستان وبلىسى،
ۇلان اۋدانى، جانۇزاق اۋىلى
«ش. باشيكوۆ اتىنداعى نەگىزگى مەكتەپ» كمم
ينفورماتيكا ءپانى ءمۇعالىمى. ۇسەنوۆا ايىم ۇسەن قىزى

اقپاراتتىق كوممۋنيكاسيالىق تەحنولوگيالاردى پايدالانۋ. جۇكتەۋ